rvamyanmar

ဒီကနေ့အတွက် ” အကောင်းမြင်ပါ ” ဆိုတဲ့အကြောင်းအရာလေးကိုတင်ဆက်ပေးလိုက်ပါတယ်။ ပုံမှန်လူတစ်ယောက်ရဲ့ ဘဝမှာအဆင်ပြေတာ 80% ရှိပြီးအဆင်မပြေတာ 20% ရှိပါတယ်တဲ့။ဒါပေမယ့် လူတိုင်းလိုလိုဟာ အဆင်မပြေတဲ့ 20% ကို အချိန် 80% လောက် ခံစားပြီးအဆင်ပြေတဲ့ 80% ကိုတော့ အချိန် 20% လောက်သာ ခံစားပါတယ်။ဒီလိုကနေ လူတိုင်းဟာ သူတို့ရဲ့ဘဝမှာ အဆင်မပြေတာက များတယ်အဆင်ပြေတာက နည်းတယ်လို့ ထင်ပြီးပိုပြီး ပင်ပန်းပူလောင်ကြရပါတယ်။ဒါကတော့ ဆရာတော်ရဲ့ 80/20 theory ဖြစ်ပါတယ်။ ဒါလေးသိရပြီး ကျွန်တော်ကတော့ အတွေးအမြင်တွေ တော်တော်ပြောင်းသွားတာပါပဲ။အရင်ကဆို…

ထိန်းသိမ်းကြစေ သဘာဝအမွေ ဒီတစ်ပတ် ထိန်းသိမ်းကြစေ သဘာဝအမွေအစီအစဉ်မှာ ကောင်းသော သိုးထိန်းသီလရှင်များအသင်းဂိုဏ်းမှ စစ္စတာရ် ဧလိဇဘတ်ရဲ့ ” A First Aid Guide on Suicide Prevention (မိမိကိုယ်ကို အဆုံးစီရင်ခြင်းမှကာကွယ်ရန် ရှေ့ဦးသူနာပြုစုနည်း လမ်းညွှန်) ဆိုတဲ့ အကြောင်းအရာလေးကို တင်ဆက်ပေးသွားမှာပဲဖြစ်ပါတယ်။ ****** ကိုယ့်မိသားစုထဲမှာ ကိုယ့်သူငယ်ချင်းတွေထဲမှာ ဒီဗီဒီယိုထဲကလို လက္ခဏာလေးတွေကိုတွေ့နေရပြီဆိုရင် သူတို့ကို အားပေးနှစ်သိမ့်ပေးပါ။အမြဲဆက်သွယ်ပေးနေကြပါလို့လည်း အကြံပြုချင်ပါတယ်။ တကယ်လို့ ကိုယ်တိုင်က ဒီလိုစိတ်ဝေဒနာတွေကို ခံစားနေရတယ်ဆိုရင်လဲ စိတ်ကျန်းမာရေးအကူအညီပေးနေတဲ့နေရာတွေကို ဆက်သွယ်ပါ။ ကောင်းသောသိုးထိန်းသီလရှင်တွေဆီမှာလည်း စိတ်ကျန်းမာရေးအကူအညီရယူလို့ရပါတယ်။…

Save Marriage ဒီနေ့ခေတ် အိမ်ထောင်ရေးတွေမှာ ဇနီးမောင်နှံတွေကြား relationship တွေက သေသွား နေသလို မြင်တွေ့နေရတဲ့အတွက် မိမိအိမ်ထောင်ရေးကို ဘယ်လိုထိန်းသိမ်းရင်ဖြင့် ဆက်လက်ရှင် သန်နိုင်မလဲဆိုတဲ့ အကြောင်းအရာကို မျှဝေပေးချင်ပါတယ်။ ခုခါမှာ ကျွန်မ ဝန်းကျင်မှာ အိမ်ထောင်ကွဲသွားဖို့ ရည်ရွယ်ချက်မရှိပေမဲ့ relationship အဆုံးသတ်သွားတဲ့ခါ နောင်တကြီးစွာ ရနေတာကို တွေ့နေရတယ်။ တချို့ကျပြန်တော့ အိမ်ထောင်မကွဲပေမဲ့ အဆုံးသတ်ချင်နေကြတယ်။ ဘာဖြစ်လို့ အဆုံးသတ်သွားကြတာလဲ? တချို့ကျတော့ divorce မလုပ်ဘူး။ ဒါပေမယ့် အပေး အယူတွေလုပ်ပြီး မပျော်မရွှင်နဲ့ relationship ကို…

ဒီကနေ့အတွက် သံတာမာဂရက်မေရီရဲ့အကြောင်းကိုတင်ဆက်ပေးလိုက်ပါတယ်။သံတာမာဂရက်မေရီသည်ယေဇူးရွှေနှလုံးတော်၏တမန်တော်ဖြစ်ပြီး(၁၆၄၇)ခုနှစ်တွင်ပြင်သစ်ပြည်ဂျနောစ်မြို့၌ဖွားမြင်ခဲ့သည်။သူမ၏ဖခင်သည်သူမငယ်ရွယ်စဉ်ကပင်ကွယ်လွန်ပြီးနောက်ပိုင်း၌သူမသည်မိမိအားကျွန်ကဲ့သို့ဆက်ဆံသူအဒေါ်၏ညှင်းပန်းနှိပ်စက်မှုဒဏ်ကိုခံနိုင်ရည်ရှိရန်ကိုယ်တော်မြတ်စက္ကမင်တူးကိုခွန်အားရယူရာအဖြစ်သိရှိခဲ့သည်။အသက်(၂၀)အရွယ်တွင်သူမမိသားစု၏ကန့်ကွက်မှုများကြားမှပါရေလေမိုနီရယ်မြို့ရှိလှည့်လည်ကူညီရိုင်းပင်းသောသီလရှင်ဂိုဏ်းထဲသို့ဝင်ရောက်ခဲ့သည်။သူမ၏သီလရှင်လောင်းဘဝသက်တာသည်ခက်ခဲကြမ်းတမ်းခဲ့သည်။သို့သော်လည်း သူမသည်အခက်အခဲပေါင်းစုံကိုသည်းခံစွာခံထမ်းခဲ့သည်။(၁၆၇၃)ခုနှစ်ဒီဇင်ဘာ(၂၇)မှစ၍(၁၈)လပတ်လုံးသခင်ယေဇူးသည်သူမအားဘုရားကျောင်းမစ္ဆားပလ္လင်မှနေ၍ကိုယ်တိုင်ထင်ရှားပြခဲ့သည်။သခင်ယေဇူးသည်သူမအားဖိတ်ခေါ်၍ရွှေနှလုံးတော်၏ချစ်ခြင်းမေတ္တာကြီးမားပုံကိုဖော်ပြခဲ့သည်။ထို့အပြင်လူများထိခိုက်စော်ကားနေကြသောမကောင်းမှုများကိုပြန်လည်ပြုပြင်ပြောင်းလဲလာစေရန်ဆက်ကပ်ပူဇော်မှုများပြုလုပ်ရန်ပြောကြားခဲ့သည်။လ၏ပထမသောကြာနေ့တိုင်း၌ပူဇော်မှုများကိုသန့်ရှင်းစင်ကြယ်သောနှလုံးတော်ကိုပူဇော်ပြီးပြုလုပ်ရန်ကြာသပတေးညတိုင်းသန်းခေါင်မတိုင်မှီ(၁)နာရီအချိန်တွင်လည်းပြုလုပ်၍သော်လည်းကောင်းသန့်ရှင်းစင်ကြယ်သောနှလုံးတော်ပွဲနေ့ကိုကျင်းပပူဇော်ခြင်းအားဖြင့်သော်လည်းကောင့်းပူဇော်ပေးရန်ဖြစ်သည်။ သူမ၏အကြီးအကဲသည်သူမကိုမယုံကြည်၍တန်ခိုးလက္ခဏာတစ်ခုကိုပြရန်ပြောဆိုခဲ့သည်။တဆက်တည်းတွင်ရက်အနည်းငယ်ကြာပြီးနောက်ပိုင်း၌သူမသည်ထူးဆန်းအံ့ဩစွာဖြင့်အပြင်းဖျားရာမှပြန်လည်နေကောင်းလာလေသည်။ထို့နောက်မေရီသည်သခင်ယေဇူးကသူမအားမိန့်ကြားခဲ့သည့်ဆာတန်နတ်ဆိုး၏သွေးဆောင်ဖျားယောင်းခြင်းကိုမခံရစေရန်သင်၏အကြီးအကဲများသဘောမတူညီဘဲဘယ်အရာမျှမလုပ်ဆောင်နှင့်ဆိုသည့်စကားကိုပြန်လည်သတိယခဲ့သည်။ထိုအကြောင်းအရာသည်လူသိရှင်ကြားဖြစ်လာသောအခါတစ်ချို့ဘာသာရေးကျွမ်းကျင်သူများကယုံကြည်ရန်ငြင်းဆိုကြသည်။သို့ပေမယ့်ဘုန်းတော်ကြီးကလောက်စ်လာကိုကွန်ဘီးရေသည်ထိုပြသနာကိုတာဝန်ယူခဲ့ပြီးသာသနာဆိုင်ရာအကြီးအကဲများရှေ့မှောက်၌ထိုအံ့ဖွယ်ရူပါရုံကိုထောက်ခံကာကွယ်ခဲ့သည်။(၁၆၈၇)ခုနှစ်၌ယေဇူးရွှေနှလုံးတော်ကိုဂုဏ်ပြုသောအားဖြင့်ပရေးမြို့၌ဘုရားကျောင်းတစ်ခုကိုဆောက်လုပ်ပြီး ရွှေနှလုံးတော်အားသဒ္ဒါကြည်ညိုခြင်းအမှုသည်အသင်းတော်တစ်ဝှမ်းလုံး၌ပျံ့နှံ့လာခဲ့သည်။သံတာမာဂရက်မေရီသည်(၁၆၉၀)ခုနှစ်၌ကွယ်လွန်တော်မူခဲ့သည်။

ထိန်းသိမ်းကြစေ သဘာဝအမွေ ဒီတစ်ပတ် ထိန်းသိမ်းကြစေ သဘာဝအမွေ အစီအစဉ်မှာ ” တန်ဖိုးထားမှ တန်ဖိုးရှိမယ်” ဆိုတဲ့ခေါင်းစဉ်နဲ့ တင်ဆက်ပေးသွားမှာဖြစ်ပါတယ်။ တင်ဆက် – ဝီလျံဇော်နိုင်ဦး ရိုက်ကူး/တည်းဖြတ်- ပင်ကီ

ငါ့ကို ဒီလူ မကြိုက်တော့ဘူးလား ငါ့ကို ဒီလူ စိတ်ဆိုးနေတာလား ငါ့ကို ဒီလူ ဘာလို့ စိမ်းကားနေတာလဲ ငါဘာများ လုပ်မိလို့လဲ အဲ့လို လူတွေနဲ့ ပတ်သက်ပြီး အတွေးလွန်တာမျိုးတွေ ကျွန်တော့်မှာ ရှိခဲ့ပါတယ်။ အများစုမှာလည်း ရှိကြပါလိမ့်မယ်။ လူ့လောကမှာ နေကြတာဆိုတော့ လူတွေနဲ့ ကိုယ်နဲ့ကြားက connection ပုံစံလေး နည်းနည်းပြောင်းသွားတာနဲ့ ခံစားမိကြတယ်။ ချစ်ရတဲ့သူတွေနဲ့ဆို ပိုဆိုး၊ အသေးအမွှားလေးကအစ ခံစားမိတာပေါ့။ ချစ်သူ ရည်းစားပဲ ဖြစ်ဖြစ် သူငယ်ချင်းပဲ ဖြစ်ဖြစ် မိသားစုဝင်ပဲ ဖြစ်ဖြစ် လုပ်ဖော်ကိုင်ဖက်ပဲ…

ဒီကနေ့အတွက်စိပ်ပုတီးစိပ်ခြင်းနှင့်ဘာကြောင့်စိပ်ပုတီးစိပ်သင့်သလဲဆိုတဲ့အကြောင်းအရာလေးကိုတင်ဆက်ပေးထားပါတယ်။ဘာသာတရားတိုင်းမှာဘုရားသခင်ကိုဝတ်ပြုဆုတောင်းဆည်းကပ်ကြတဲ့မေတ္တာတို၊မေတ္တာရှည်များစွာရှိပါတယ်။အဲ့ဒီမေတ္တာတွေကိုရွတ်ဖတ်ဆုတောင်းကြရာမှာအကြိမ်အရည်တွက်ကိုရေရွတ်ဖို့နည်းလမ်းအမျိုးမျိုးကိုရှာဖွေခဲ့ကြပါတယ်။ယနေ့ကျမတို့ကိုင်‌ဆောင်ထားကြတဲ့စိပ်ပုတီးတစ်ကုံးဖြစ်ပေါ်လာဖို့နှစ်ရာစုပေါင်းများစွာကြာမြင့်ခဲ့ရသလိုပထမဉီးဆုံးသဲကန္တာရမှာသီတင်းသုံးနေထိုင်ကြသောရသေ့များဟာသူတို့နေ့စဉ်ရွတ်ဆိုရတဲ့မေတ္တာတွေကိုရည်တွက်ဖို့လက်ချောင်းများ(သို့)လုံးဝိုင်းတဲ့ခဲလုံးလေးတွေကိုအသုံးပြခဲ့ကပါတယ်။လက်ချောင်းတွေကိုအသုံးပြုတဲ့အခါအားနည်းချက်တစ်ခုမှာအခြားအလုပ်ကိစ္စတွေကိုမပြုလုပ်နိုင်ခြင်း၊အနှောင့်အယှက်တွေပေါ်လာတဲ့အခါမှာဘယ်နေရာမှာအဆုံးသတ်ခဲ့တာကိုမမှတ်သားနိုင်ခြင်းစတဲ့အကြောင်းအရာတွေကြောင့်အခြားရည်တွက်နည်းလမ်းတွေကိုရှာဖွေဖို့လိုအပ်လာခဲ့ကြပါတယ်။ရှေးကျတဲ့လူ့အဖွဲ့အစည်းတစ်ခုမှာအစပြုပြီးကျောက်တုံးချောလေးတွေကိုအသုံးပြုကာဆုတောင်းမေတ္တာတွေကိုစတင်ရေတွက်လာကြပါတယ်။ကျောက်တုံးလေးတွေကိုတစ်ပုံကနေတစ်ပုံရွှေ့ခြင်း၊ကျောက်တုံးများကိုလိုက်လံစုဆောင်းခြင်းနှင့်စုထားသောကျောက်တုံးများကိုတစ်လုံးစီလွှတ်ပစ်ခြင်းများပြုလုပ်ခြင်းဖြင့်ဆုတောင်းမေတ္တာများကိုရေတွက်ခဲ့ကြတယ်။ဤနည်းလမ်းတွင်လည်းမေတ္တာများကိုအာရုံပြဖို့အတွက်အဆင်မပြေတဲ့အချက်ရှိနေပြန်ပါတယ်။အဲ့တာကတော့ ကျောက်တုံးတွေကိုလိုက်ကောက်ရတာနှင့်မေတ္တာအရည်အတွက်များလာတဲ့အခါစုဆောင်းထားရသည့်ကျောက်တုံးအရည်အတွက်များခြင်းတို့ဖြစ်လာပါတယ်။ထိုအချိန်တွင်နောက်နည်းလမ်းအသစ်တစ်ခုပေါ်‌ပေါက်လာခဲ့ပါတယ်။အဲ့ဒါကတော့ကြိုးချဉ်မျှင်ငယ်များကိုကျစ်ထားသောကြိုးတစ်စကိုအသုံးပြုခြင်းဖြစ်သည်။ထိုကြိုးပေါ်တွင်အထုံးလေးများပြုလုပ်ကာအရည်အတွက်ကိုမှတ်သားနိုင်သကဲ့သို့ခရီးသွားတဲ့အခါမှာလည်းလွယ်ကူစွာသယ်ဆောင်သွားလာနိုင်ခဲ့ကြသည်။ဤနည်းလမ်းမှာအရမ်းလွယ်ကူပြီးမေတ္တာများကိုအာရုံပြုဖို့ရန်အတွက်လည်းအထောက်အကူပြုလာပါတယ်။ဒီနည်းလမ်းကိုအသုံးပြုခဲ့ချိန်မှာအားနည်းချက်တစ်ခုကတော့ အချိန်ကြာလာတာနဲ့အမျှကြိုးတွေဟာညစ်ပတ်ပေတေလာခြင်းပဲဖြစ်ပါတယ်။အလှအပကြိုက်သူများအတွက်စိတ်ကျေနပ်မှုကိုလည်း‌မပေးနိုင်တော့ပါဘူး။ဒါကြောင့်အလုံးလေးတွေကိုသံ၊ကြေးကွင်းများဖြင့်ချိတ်ဆွဲထာ‌းသောကြိုးများပေါ်ပေါက်လာခဲ့ပါတယ်။သံ၊ကြေးကွင်းများဖြင့်ချိတ်ဆွဲထားတဲ့အလုံးလေးများမှာလှပသပ်ရပ်မှုရှိရုံသာမကကြာရှည်ခံခြင်း၊သပ်ရပ်ခြင်းများကိုပေးနိုင်ခဲ့ခြင်းကြောင့်သံ၊ကြေးကွင်းဖြင့်ပြုလုပ်ထားသောအလုံးလေးများကိုစတင်အသုံးပြုလာခဲ့ကြပါတယ်။ကြိုးထုံးလေးများကိုသီကုံးထားသောကြိုးတစ်ချောင်းကိုအသုံးပြုကာမေတ္တာဆိုခြင်းကိုအလယ်ရာစုခေတ်မှာပိုမိုတွင်ကျယ်စွာအသုံးပြုခဲ့ခြင်းကိုသမိုင်းအထောက်အထားများအရတွေ့ရှိရပါတယ်။အလယ်ရာစုခေတ်တွင်ရှိခဲ့သောရသေ့ကျောင်းများမှာမစ္ဆားတရားချိန်ပြင်ပ၌နေ့စဉ်ဒါဝိတ်မင်းကြီးရေးစပ်ထားသောဆာလံကျမ်း၁၅၀အားလုံးကိုရသေ့များနေ့စဉ်ဆုတောင်းမှုအသက်တာတစ်ခုအဖြစ်ရွတ်ဆိုလေ့ရှိကြသည်။ဆာလံများမှာလက်တင်းဘာသာဖြင့်ရေးသားထားခြင်းကြောင့်ရသေ့တချို့မှာလိုက်မဆိုနိုင်ခဲ့ကြပါ။ဒါကြောင့် ဆာလံ ၁၅၀ အစား ကောင်းကင်ဘုံမေတ္တာကိုအကြိမ် ၁၅၀ရွက်ဆိုရ‌ေသောဓလေ့တစ်ခုဟာထိုအချိန်မှစတင်ပြီးဖြစ်ပေါ်လာခဲ့ပါတယ်။၁၅၂၀ခုနှစ်မှာပုပ်ရဟန်းမင်းကြီးဒသမမြောက်လေအိုမှစိပ်ပုတီးသဒ္ဓါကြည်ညိုမှုကိုတရားဝင်ခွင့်ပြုသတ်မှတ်ပေးခဲ့ပြီးအောက်တိုဘာလကိုသန့်ရှင်းသောစိပ်ပုတီးစိပ်ခြင်းလဟုထုတ်ပြန်ကြေညာခဲ့ပါတယ်။၁၇၁၆ခုနှစ်မှာတကမ္ဘာလုံးအသင်းတော်၏ဝတ်ပြုကိုးကွယ်ခြင်းဆိုင်ရာပြက္ခဒိန်မှာစိပ်ပုတီးသဒ္ဓါကြည်ညိုခြင်းပွဲနေ့ကိုနှစ်စဉ်နှစ်တိုင်းကျင်းပဖို့ထည့်သွင်းခဲ့ပါတယ်။

Parenting Ruler ဒီနေ့မှာ ဂျပန်လူမျိုးမိဘတွေက မိမိတို့ သားသမီးလေးတွေကို ကြီးပြင်းအောင် ထိန်းသိမ်း မွေးမြူနိုင်ဖို့ ဘယ်လိုစည်းကမ်းတွေ ချမှတ်ထားပုံလေးတွေကို sharing  ပေးရင်း တင်ပြပေးသွားချင် ပါတယ်။ ဂျပန်လူမျိုးတွေက သူတို့ကလေးတွေကို ပျော်ရွှင်တဲ့ ပတ်ဝန်းကျင်မှာ ကြီးပြင်းရအောင် ဖန်တီးကြပါတယ်။ ဒါကြောင့် ဂျပန်ကလေးတွေက ကမ္ဘာပေါ်မှာရှိတဲ့ အခြားတိုင်းပြည်က ကလေး တွေနဲ့ နှိုင်းယှဉ်လိုက်ရင် ပိုပြီး ယဉ်ကျေးသိမ်မွေ့တယ်။ ပိုပြီး ပတ်ဝန်းကျင်နဲ့ ချစ်ချစ်ခင်ခင်နေတတ် ကြတယ်လို့ ကမ္ဘာကနေ ချီးမွမ်းတာကို ခံကြရတာပါ။ အဲဒီလို ကမ္ဘာကနေ ချီးမွမ်းရလောက်အောင်…