ပုပ်ရဟန်းမင်းကြီးအသစ်သည် ငြိမ်းချမ်းရေးရဲ့ မီးရှူးတန်ဆောင်ဖြစ်ပါစေကြောင်း ကာဒီနယ်ချားလ်ဘို မှဆုတောင်းပေး။ အာဗီအေမြန်မာ၊၂၄၊၅၊၂၀၂၅။ အနာဂတ်အတွက် မျှော်ရည်တမ်းတချက် ပုပ်ရဟန်းမင်းသစ်ဟာ ငြိမ်းချမ်းရေးရဲ့ မီးရှူးတန်ဆောင်ဖြစ်ပါစေ။ ခရစ်တော်ယေဇူး၌ ချစ်ခင်လေးစားရပါသော မိတ်ဆွေအပေါင်းတို့၊ ကျွန်ုပ်တို့သည် သမိုင်းအလှည့်အပြောင်းများစွာကို မြင်တွေ့နေကြရပါတယ်။ ဂါဇာကမ်းမြောင်ဒေသက ထိခိုက်ပျက်စီးမှုတွေ၊ ယူကရိန်းက စစ်ဒဏ်သင့်မြို့တွေ၊ မြန်မာနိုင်ငံက တိုးတိုးတိတ်တိတ် ငိုကြွေးသံတွေ၊ အာဖရိက က မိုးခေါင်ရေရှားဖြစ်စဉ်နဲ့ ငြိမ်းချမ်းရေးကို ဆာလောင်တမ်းတနေတဲ့ကမ္ဘာကြီးကို မြင်တွေ့ကြားသိနေကြရပါတယ်။ ကျွန်ုပ်တို့တွေဝေနေလို့မရပါဘူး။ ပျံလွန်တော်မူပြီဖြစ်တဲ့ ပုပ်ရဟန်းမင်းကြီးဖရန်စစ်အရှင်သူမြတ်ကို အမှန်တကယ်လေးစားဂုဏ်ပြုချင်တယ်ဆိုရင် ငြိမ်းချမ်းရေးအတွက်တစိုက် မတ်မတ် လုပ်ဆောင်ရပါလိမ့်မယ်။ ဒဏ်ရာတွေနဲ့ ညည်းတွားနေတဲ့သားသမီးတွေအတွက် ဆောက်တည်ရာမရဖြစ်နေတဲ့…