rvamyanmar

ရဟန်းမင်းကြီးသည် လာမည့်ဩဂုတ်လာ (၁၇) ရက်၊ တနဂ်နွေနေ့၌ အာလ်ဘာနို (Albano) ဂိုဏ်းအုပ် သာသနာ၏ကြည့်ရူစောင့်ရှောက်မှုကိုခံယူနေရသောနွမ်းပါးချို့တဲ့သူများနှင့်မစ္ဆားပူဇော်မည့်အကြောင်း၊ ထိုဒေသနှင့်မလှမ်းမကမ်း၌ရှိသော ‘ဆန်တာမာရီးယာဒဲလာရိုတွန်းဒို’ (Santa Maria della Rotonda) မယ်တော်ဂူသို့လည်းသွားရောက်ဖူးမြှော်မည့်အကြောင်း၊ ရဟန်းမင်းကြီး၏မစ္ဆားပူဇော်ခြင်း၌ အဆိုပါ ဂိုဏ်းအုပ်သာသနာ၏ကရုဏာရုံး၀န်ထမ်းများလည်းပါ၀င်ပူဇော်ကြမည်ဖြစ်ကြောင်း၊ မစ္ဆားပူဇော်ချိန် မှာနံနက်ဒေသစံတော်ချိန် (၉း၃၀) ဖြစ်ကြောင်း၊ ထိုနေ့မွန်းတည့်ချိန်၌ ‘အန်ဂျေလုစ်’ မေတ္တာကိုဘာသာ တူများနှင့်အတူရွတ်ဆိုပူဇော်မည်ဖြစ်ကြောင်းဗာတီကန် သတင်းပြန်ကြားရေးဌာနမှ သတင်းထုတ်ပြန် ခဲ့ပြီဖြစ်ပါသည်။  ထိုသတင်းထုတ်ပြန်ပြီးနောက် ဖြည့်စွက်သတင်းကိုပြီးခဲ့ သောကြာသပတေးနေ့ ကထပ်မံ ထုတ်ပြန်လာ ပါသည်။ ထို့နောက်ရဟန်းမင်းကြီးသည် ‘ဘော်ဂိုလောက်တားတိုစီ’ (Borgo Laudato…

ဒီကနေ့မှာတော့ ရဟန္တာမက်ဆီမီလီယံကိုဘေးရဲ့အကြောင်းကိုတင်ဆက်ပေးချင်ပါတယ် ။ကိုယ့်ရဲ့အသက်ကိုသူတစ်ပါးအတွက်ပေးဆပ်နိုင်တဲ့သူ လူသားချင်းစာနာမှုမှာအမြင့်ဆုံးလို့ပြောချင်ပါတယ်။ကိုယ်ပေးကိုယ်လှူမေတ္တာဖြင့်ပြည့်တဲ့သူဖြစ်ပါတယ်။မိမိရဲ့အသက်ကိုတောင်တခြားသူတွက်စွန့်လွတ်နိုင်တဲ့သူဟာ ချစ်ခြင်းမေတ္တာရဲ့သူရဲကောင်းပဲဖြစ်ပါတယ်။ ဒါ့အပြင်ဘုရားသခင်ရဲ့ချစ်ခြင်းမေတ္တာအလင်းရောင်ကို ကိုယ်ကိုယ်တိုင်က သက်သေထူပြခဲ့တဲ့သူဖြစ်ပါတယ်။အဲ့ဒီလူကတော့မက်ဆီမီလီယံကိုဘေးပဲဖြစ်ပါတယ်။မက်ဆီမီလီယံကိုဘေးကို ၁၈၉၄ ခုနှစ် ဇန်နဝါရီလ ၈ ရက်နေ့မှာ ပိုလန်နိုင်ငံမှာမွေးဖွားခဲ့ပါတယ်။မိဘတွေဟာချစ်ခြင်းမေတ္တာနဲ့ပြည့်ဝပြီး ဘုရားသခင်အပေါ်မှာယုံကြည်အားထားတဲ့သူတွေဖြစ်ပါတယ်။ကိုဘေးငယ်စဉ်ကတည်းက ဘုရားသခင်နဲ့ပတ်သက်တဲ့အရာတွေကိုစိတ်ဝင်စားပြီး မေတ္တာတရားရှိတဲ့ပုဂ္ဂိုလ်ဖြစ်ပါတယ်။၁၉၁၀ခုနှစ်မှာ ဖရန်စစ်ကင်းရဟန်းတပါးဖြစ်လာခဲ့ပါတယ်။ဒုတိယကမ္ဘာစစ်အတွင်းမှာနာဇီတွေရဲ့ဖမ်းဆီးခြင်းခံခဲ့ပါတယ်။၁၉၄၁ ခုနှစ်မှာအခြာအကျဉ်းသားတစ်ဦးထွက်ပြေးလွတ်မြောက်သွားတာကြောင့် အပြစ်ဒဏ်အဖြစ်အကျဉ်းသား၁၀ဦးကို သတ်ဖြတ်ဖို့ရန်ရွေးချယ်ခဲ့ပါတယ်။အဲ့ဒီအခါ အသတ်ခံရမယ့်အကျဉ်းသားထဲမှာ မိသားစုဝင်တစ်ဦးကိုယ်စား သူကိုယ်တိုင်အသတ်ခံခဲ့ပါတယ်။၁၉၄၁ခုနှစ် ဩဂုတ်လ၁၄ ရက်နေ့မှာ ကိုဘေးဟာ ပျံလွန်တော်မူခဲ့ပါတယ်။ဒုတိယမြောက်ပုလ်ရဟန်းမင်းကြီးဂျွန်ပေါလ်က သူ့ကို ၁၉၈၁ ခုနှစ်မှာ ရဟန္တာအဖြစ်တင်မြှောက်ခဲ့ပါတယ်။ကိုဘေးဟာမေတ္တာတရားရဲ့သက်သေဖြစ်ခဲ့ပါတယ်။ကိုယ်ရဲ့ဘဝကို တခြားသူအတွက်ပေးဆပ်ခဲ့တာကြောင့် ကမ္ဘာတဝန်းလုံးက ချစ်ခင်ကြပါတယ်။ရဟန္တာမက်ဆီမီလီယံကိုဘေးဟာ ကျွန်မတို့လူ့ဘောင်အဖွဲ့အစည်းအတွက် မေတ္တာအပြည့်နဲ့ဘုရားရဲ့ချစ်ခြင်းဘုန်းဂုဏ်တော်ကို ထင်ရှားစေခဲ့သူဖြစ်ပါတယ်။ဒါ့အပြင်ဘုရားသခင်အပေါ်မှာယုံကြည်ခြင်းအားကြီးလှပါတယ်။သူ့ရဲ့တည်ရှိခြင်းဟာအခြားသူအတွက်အကျိုးများစွာဖြစ်ထွန်းခဲ့ပါတယ်။ဒါကြောင့်ကျွန်မတို့တစ်ဦးဆီရဲ့ဘဝကိုလဲ ပြန်ပြီးဆန်းစစ်သင့်ပါတယ်။ကျွန်မတို့တစ်ဦးဆီရဲ့တည်ရှိမှုဟာမိမိအတွက်ကောအခြားသူအတွက်ပါ ကောင်းကျိုးဖြစ်ထွန်းရဲ့လားဆိုတာလေးကို…

ဘုရားသခင်၌ လေးစားချစ်ခင်ရပါသော သောတာရှင် ဓမ္မမိတ်ဆွေသူတော်စင် အပေါင်းတို့ယနေ့ ဧ၀ံဂေလိ ကျမ်းစာမှာ မေတ္တာတရား ရှေ့ထားပြုပြင်ခြင်း ပြန်လည်ကျေအေးသင့်မြတ်ခြင်းနှင့် မိမိတို့ရဲ့ အသိုက်းအ၀န်းတွင် ခရစ်တော်ရဲ့ တည်ရှိမှု အကြောင်းကို တွေ့ရှိရပါတယ်။ ပထမဦးဆုံးအနေနဲ့ ကိုယ့်ကို ထိခိုက်စော်ကားသူကို သီးသန့် တွေ့ဆုံပြီး ကြုံတွေ့နေရတဲ့ ပဋိပက္ခကို ဖြေရှင်းဖို့လိုပါတယ်။ ဒါက ကိုယ့်ကို ထိခိုက်စော်ကားသူကို မေတ္တာတရားပြသခြင်းနဲ့ လေးစားခြင်းကို ဖော်ပြပါတယ်။ အဓိကကတော့ ထိခိုက်သွားတဲ့ပေါင်းသင်းဆက်ဆံရေးကို ပြန်လည်တည်ဆောက်ခြင်းဖြစ်ပါတယ်။ အကယ်၍ နားမထောင်ဘူးဆိုရင် မလိုလားအပ်တဲ့ ပြဿနာတွေ စွပ်စွဲမှုတွေကို ရှောင်ရန်နှင့် မျှတမှုရှိစေရန်…

သင်တို့၏ငွေကြေးဥစ္စာများသာမက သင်တို့၏အချိန်၊ အတူရှိနေပေးခြင်းနှင့် စာနာစိတ်များကို လိုအပ် သူများအတွက်ရင်းနှီးမြှုပ်နိုင်ဝေမျှကြဖို့ ရဟန်းမင်းကြီးလီယို ၁၄ က ယုံကြည်သူများ ကိုဖိတ်ကြားခဲ့ ပါသည်။ အပတ်စဉ်တနင်္ဂနွေနေ့တိုင်း လူထုတွေ့ဆုံခြင်းနှင့်နေ့ခင်းမေတ္တာရွတ်ဆိုခြင်း တွင် ပုပ်ရဟန်းမင်းကြီး လီ ယို ၁၄ က စိန့်ပီတာ ရင်ပြင်တွင်စုရုံးနေကြသောလူအုပ်ကြီးအား သင်တို့ဘဝ၏။ တန်ဖိုးကြီး သောအ ရာများကို သင်တို့မည်ကဲ့သို့ရင်းနှီးမြှုပ်နှံနေသနည်း ရှင်လုကာဧဝံ‌‌ဂေလိ ကျမ်းစာကိုအခြေခံပြီး မေးခွန်း ထုတ်ခဲ့ပါသည်။။ သခင်ခရစ်တော်၏စကားဖြစ်သည့် “သင်တို့၌ရှိသမျှရာများကိုရောင်း၍ပေးကမ်းကြလော” ဟူသော အချက်ကိုအခြေခံ၍ ယုံကြည်သူနောက်လိုက်ခရစ်ယာန်များအား ဘုရားသခင်ထံမှရရှိ သောကျေးဇူး တော်များ၌တွယ်ကပ်မနေပဲ။ တစ်ပါးသူများအတွက်ရက်‌ရောစွာ…

ရဟန်းမင်းကြီးသည် ပြီးခဲ့သောပတ်ဗုဒ္ဓဟူးနေ့ကစိန့်ပီတာရင်ပြင် (ဗာတီကန်ရင်ပြင်) ၌စုရုံး ရောက်ရှိ နေသောကမ္ဘာတစ်၀ှမ်းမှဘုရားဖူးများအား ယေဇူးသခင်၏ဒုက္ခခံခြင်း၊ သေခြင်းနှင့်ရှင်ပြန်ထမြောက် ခြင်းအကြောင်းနှင့်စပ်လျင်း၍ဩ၀ါဒမိန့်ကြားခဲ့သည်။ ယေဇူးသခင်၏ဒုက္ခခံခြင်း၊ သေခြင်း၊ ရှင်ပြန် ထမြောက်ခြင်းကို ‘ပါစကား၏နက်နဲရာ’ ဟုခေါ်သည်။ ရဟန်းမင်းကြီးသည် ‘ပြင်ဆင်သည်’ ဟူသော စကား လုံးကိုရွေးနုတ်၍ဟောကြားခဲ့သည်။ ထိုစကားလုံးသည်ရိုးရှင်းသည်။ သို့သော်တန်ဖိုးဖြတ် မရသောခရစ် ယာန်အသက်တာ၏လျှို၀ှက်ချက်ပါရှိနေသည်။ ချစ်ခြင်းသည်တဒင်္ဂဖြစ်ပေါ်လာသောခံစားချက်မဟုတ်။ သံမာကု၏ဧ၀ံဂေလိကျမ်းစာ၌ ပါစကားပွဲတော်ကိုပြင်ဆင်ရာတွင် တပည့်တော်ကြီး (၁၂) ပါးက ယေဇူး သခင်အားမေးခွန်းတစ်ခုကိုမေးထားသည်။ မေးသင့်လှသောမေးခွန်းလည်းဖြစ်သည်။ ထိုမေး ခွန်းကား ‘ပါစကားညစာအတွက်ဘယ်မှာပြင်ဆင်သုံးဆောင်မလဲ’ ဟုဖြစ်သည်။ ယခုကဲ့သို့မေးမြန်းရခြင်းမှာ တပည့်တော်ကြီးများအနေဖြင့် ထူးခြားမှုတစ်ခုခုဖြစ်တော့မည်ကိုသတိထားမိသည်။…

Daily Reflection Matt 18:1-5,10,12-14 Year C 2025ဓမ္မမိတ်ဆွေတို့ ဒီကန့ကြာနာခဲ့ရတဲ့ ရှင်မာတဦး ဧဝံဂေလိကျမ်းမှာ သခင်ခရစ်တော်၏နောက်လိုက်တွေကလည်း “မည်သူသည်ကောင်းကင်နိုင်ငံ၌အကြီးဆုံးသောသူဖြစ်မည်နည်း။’ ဆိုသောမေးခွန်းကိုမေးခဲ့ကြတယ်။ သခင်ခရစ်တော်က ကလေးငယ်တယောက်ကိုခေါ်ပြီးသူတို့ကိုဆုံးမခဲ့တယ်။ သင်တို့သည်ဤကလေးသူငယ်ကဲ့သို့မပြောင်းလဲလျှင်ကောင်းကင်နိုင်ငံတော်သို့မဝင်ရ၊ မည်သူမဆိုကလေးသူငယ်တဦးကဲ့သို့နှိမ့်ချသောစိတ်ရှိလျှင်ကောင်းကင်နိုင်ငံတော်၌ ကြီးစုံသောသူဖြစ်လိမ့်မည်။ သိုးအကောင်တစ်ရာရှိသောသူသည် သိုးတစ်ကောင်ပျောက်လျှင် ကြံသော၉၉ ကောင်ကိုထားခဲ့၍ပျောက်သောသိုးကိုရှာလိမ့်မည်။ သင်တို့၏အဖခမည်းတော်ဘုရားသည်လည်း ဤအငယ်ဆုံးသောသူတစ်ယောက်ကို ပျောက်ဆုံးလိုစေသောဆန္ဒမရှိပေ။ ဒီကျမ်းချက်လေးကိုကျွန်တော်နဲ့အတူထောက်ရှုကြည့်ရအောင်။ သခင်ခရစ်တော်ရဲ့နောက်လိုက်တပည့်တော်ကြီးတွေကတော့ ကောင်းကင်နိုင်ငံမှာမည်သူသည်အကြီးဆုံးဖြစ်မည်နည်းလို့မေးခဲ့တယ်။ ကျွန်တော်တို့အတွက်ကတော့ အရင်ဦးဆုံးကောင်းကင်ရောက်ဖို့ဘယ်လိုလုပ်ရမလဲဆိုတာကိုပဲမေးရမယ်။ သခင်ခရစ်တော်ဖြေပေးခဲ့တာက ကလေးငယ်တစ်ယောက်ကဲ့သို့မပြောင်းလဲလျှင်၊ ကလေးငယ်တစ်ယောက်ကဲ့သို့မနှိမ်ချလျှင် ကောင်းကင်နိုင်ငံတော်သို့ဝင်ရလိမ့်မည်မဟုတ်တဲ့၊ အဖြေကရိုးရိုးရှင်းရှင်းလေးပဲ မရိုးသားလျှင်၊ မဖြူစင်လျှင်၊ မနှိမ်ချတတ်လျှင်၊ ကောင်းကင်နိုင်ငံမဝင်ရဘူး။ဒီအချက်တွေအားလုံးကကလေးငယ်တွေဆီမှာရှိတယ်။ လူကြီးတွေဆီမှာတော့အပြည့်အဝ…

ရဟန်းမင်းကြီးသည် ပြီးခဲ့သော ကြာသပတေးနေ့က အီတလီနိုင်ငံ၊ ဗင်းနစ်မြို့ ဆန်တာမာ ရီယာမာဂျော် ရယ် (Santa Maria Maggiore) အကျဉ်းထောင်မှအကျဉ်းသား (၃) ဦးအား လက္ခံတွေ့ဆုံခဲ့သည်။ ဤ အကျဉ်းသား (၃) ဦးတို့သည် အခြားသော သာမန်ဘုရားဖူးများနှင့်အတူ လိုက်ပါ လာခြင်းဖြစ်သည်။ ဘုရားအဖူးအဖွဲ့အားဂိုဏ်းချုပ်ဆရာတော် ဖရန်ချက်စကိုမိုရားလီယာ (Francesco Moraglia)၊ အကျဉ်း သားများ၏၀ိညာဉ်ရေးတာ၀န်ခံဘုန်းတော်ကြီး မားစီမို ကာဒါမူးရို(Massimo Cadamuro) နှင့်ဂိုဏ်း ချုပ် သာသနာ၏၀န်ထမ်းများကဦးဆောင်သည်။ ဤဘုရားဖူးအဖွဲ့သည် (၅၀၀) ကီလိုမီတာ‌ ဝေးသော မိမိတို့…

စင်ကာပူနိုင်ငံ Myanmar Catholic Youth of Singapore(MCYS)မှဦးဆောင်ပြီး သြဂုတ်လ (၉)ရက်နှင့် (၁၀)ရက် နေ့၊နှစ်ရက်တာလူငယ်သင်တန်းကို စင်ကာပူရောက် မြန်မာကက်သလစ်လူငယ်များမှ ဦး ဆောင်ကာ ကျင်းပကြပြီး၊ လူငယ်အယောက်ပေါင်း နှစ်ရာကျော် ပါ ဝင်တက်ရောက်ခဲ့သည်။ ဤလူငယ်သင်တန်းတွင် စင်ကာပူရောက် မြန်မာကက်သလစ်ဘာသာတူများ၏ ဝိညာဥ်ရေးဘုန်း တော် ကြီး Fr Joseph မှ အဖွင့်ဆုတောင်းပေးခဲ့ပြီး ဧည့်သည်ဘုန်းတော်ကြီး Fr Paschal သီကိုရှင်းမှ လူငယ် များတွက်အကျိုးရှိတဲ့အရာများကို လာရောက်ပို့ချမျှဝေပေးကာ၊ ချီးမွမ်းကိုးကွယ်ခြင်း၊ မေးခွန်း အမေး အဖြေကဏ္ဍပိုင်းဆိုင်ရာနှင့်နှင့်…