ဖာသာရ် Alphonse အောင်ကိုလတ် (မန္တလေး) ဝါတွင်းကာလစတုတ္ထသီတင်းပတ် ဗုဒ္ဓဟူးနေ့ သြဝါဒ ၂၂၊ ၃၊ ၂၀၂၃
ဝါတွင်းကာလစတုတ္ထသီတင်းပတ် ဗုဒ္ဓဟူးနေ့ (ရှင်ယောဟန် ၅း ၁၇- ၃၀) ရစ်တော်၌ချစ်လုစွာသောညီကိုမောင်နှမအပေါင်းတို့ ဒီနေ့ကြားနာရတဲ့ဧဝံဂေလိကျမ်းစာမှာ သခင်ခရစ်တော်ဟာ ထာဝရခမည်းတော်ဘုရားနဲ့ တန်းတူတန်ခိုးအာဏာရှိကြောင်း မိမိအားစွပ်စွဲပြောဆိုသူများကိုချေပပြောဆိုတဲ့အ ကြောင်းကြာရတယ်။ သခင်ခရစ်တော်ဟာ ဥပုသ်နေ့၌ကုသခြက်းတွေပြုလုပ်တဲ့အတွက် အပြစ်ရှိသူ၊ ဘုရားသခင်ရဲ့ သန့်ရှင်းတဲ့နေ့ကိုချိုးဖေါက်သူအဖြစ်စွပ်စွဲခံခဲ့ရတယ်။ ယနေ့အချိန်မှာလည်း သခင်ခရစ်တော်ဟာ ဘုရားမဟုတ် ဘုရားသခင်စေလွှတ်လိုက်တဲ့ပရောဖတ်တပါးသာဖြစ်တယ် လို့ပြောဆိုနေကြတယ်။ ယေဘူယျအားဖြင့်သခင်ခရစ်တော်ရဲ့ ခုခံပြောဆိုမှုက သဟာဘုရားသခင်နဲ့ လူအကြားက ကြား ဝင်ဖြန်ဖြေသူအဖြစ်၎င်း၊ သူနဲ့ခမည်းတော်ဘုရားရဲ့ကြားမှာနားလည်မှုအပြည့်အဝရှိကြောင်းဖြစ်တယ်။ ဒါပေမယ့်သူဟာ ခမည်းတော်ဘုရားကိုအပြည့်အဝနာခံသူဖြစ်ကြောင်း၊ ခမည်းတော်ဘုရားရဲ့အလိုဆန္ဒနဲ့ဆန့်ကျင်ပြီးမည်သည့်အရာကိုမှ မလုပ်ဆောင်နိုင်ကြောင်းကိုလည်းပြောဆိုခဲ့တယ်။ ခရစ်တော်ဟာ ခမည်းတော်ဘုရားနဲ့တူညီစွာဘုရားဖြစ်တယ်ဆိုတာကို တနည်းအားဖြင့် သူရဲ့ဘုရားဇာတိအဖြစ်တော်ကို သက်သေပြခဲ့တယ်။ ဥပမာအားဖြင့် အပြစ်ခွင့်လွတ်ခြင်း၊…
