လူသားတို့၏ဂုဏ်သိက္ခာသည် ဘုရားသခင် ပေးသနားထားသည့်ဆုကျေးဇူးဖြစ်သဖြင့်အမြဲတစေ ကာ ကွယ်စောင့်ရှောက်ကြရမည်

ယခုတစ်ပတ် ဗုဒ္ဓဟူးနေ့ လူထုတွေ့ဆုံခြင်း (General Audience) တွင် ပုပ်ရဟန်းမင်းကြီး လီယို (၁၄) က ဒုတိယဗာတီကန် ကောင်စီ၏ Gaudium et Spes လမ်းညွှန်စာတမ်းအပေါ် ဆက်လက်ဟောပြောခဲ့ပြီး၊ လူသားတိုင်း၏ ဂုဏ်သိက္ခာသည် ဘုရားသခင်၏ ပုံသဏ္ဌာန်တော်အတိုင်း ဖန်ဆင်းခံရခြင်းနှင့် ဘုရား၏ ချစ်ခြင်းမေတ္တာပေါ်တွင် အခြေခံထားကြောင်း မိန့်ကြားခဲ့ပါသည်။

ပုပ်ရဟန်းမင်းကြီး၏ တရားဒေသနာတော်မှ အဓိကအချက်များမှာ –

•          ပင်ကိုယ်မွေးရာပါ တန်ဖိုး: လူသားတို့၏ ဂုဏ်သိက္ခာသည် စည်းစိမ်ဥစ္စာ၊ အရည်အချင်း၊ ရာထူး သို့မဟုတ် လွန်ခဲ့သော အမှား/အမှန် ရွေးချယ်မှုများပေါ်တွင် မူတည်နေခြင်း မဟုတ်ပါ။ ၎င်းသည် မည် သည့်အရာကမျှ ဖျက်ဆီး၍မရသော ဘုရားသခင် ပေးသနားထားသည့် ဆုကျေးဇူးဖြစ်သည်။

•          ပေါင်းသင်းဆက်ဆံရေးအတွက် ဖန်ဆင်းခံရခြင်း: လူသားတစ်ဦး ဖြစ်ရခြင်းဆိုသည်မှာ သီးခြား ခွဲထွက်နေရန် မဟုတ်ဘဲ၊ ဝန်ဆောင်မှုပေးခြင်း၊ စာနာဖေးမခြင်းနှင့် အပြန်အလှန် ဂရုစိုက်ခြင်း တို့မှ တစ် ဆင့် မိမိကိုယ်ကို မျှဝေခံစားတတ်သော ဆုကျေးဇူးတစ်ခုအဖြစ် အသိအမှတ်ပြုရန် ဖြစ်သည်။

•          ရုပ်ခန္ဓာနှင့် ဝိညာဉ်၏ တစ်သားတည်းဖြစ်မှု: ခန္ဓာကိုယ်ကို စွန့်ပစ်ပစ္စည်း သို့မဟုတ် လိုသလို အသုံးချနိုင်သည့် အရာအဖြစ် သဘောထားခြင်းကို ပယ်ရှားပြီး၊ လူသားသည် ရုပ်ခန္ဓာနှင့် ဝိညာဉ် ပေါင်း စည်းထားသည့် အရာဖြစ်ကြောင်း သတိပေးခဲ့သည်။ ငါးပါးခန္ဓာသည် ကောင်းမြတ်ပြီး ဂုဏ်ပြုထိုက်ကာ ရှင်ပြန်ထမြောက်ခြင်းအတွက် ရည်ရွယ်သည်။

•          ဂုဏ်သိက္ခာ၏ ဒေါက်တိုင်များ: အသိဉာဏ် (အမှန်တရားကို ရှာဖွေခြင်း)၊ အသိစိတ် (ဘဝ၏ အဓိပ္ပာယ်ကို ပေးခြင်း) နှင့် လွတ်လပ်ခွင့် (တာဝန်ယူမှု ရှိခြင်း) တို့သည် ဘုရားသခင် ပေးသနားထားသော ဂုဏ်သိက္ခာ၏ အဓိက ဖော်ပြချက်များ ဖြစ်ကြသည်။

“ဘုရားသခင်၏ ပုံသဏ္ဌာန်တော်အတိုင်း ဖန်ဆင်းခံရပြီး၊ ခရစ်တော်မှတစ်ဆင့် ထာဝရမပျောက် ပျက်နိုင် သော ဂုဏ်သိက္ခာကို အမှန်တကယ် ရရှိထားကြသည့်အတွက်၊ ထိုဂုဏ်သိက္ခာကို အစဉ်အမြဲ မြှင့်တင် ကာကွယ်သွားရန် ကတိပြုကြပါစို့” ဟု ပုပ်ရဟန်းမင်းကြီးက တိုက်တွန်းခဲ့ပါသည်။

#PopeLeoXIV #VaticanNews #CatholicChurch #HumanDignity #GaudiumEtSpes #FaithInAction

Fr. Peter Kyi Maung

Credit to Vatican News https://www.vaticannews.va/en/pope/news/2026-09/pope-leo-xiv-general-audience-human-dignity-gaudium-et-spes.html