rvamyanmar

ဇွန်လ (၁၀)#သမစိတ္တမျှတခြင်းရှိသောယေဇူး_ရွှေနှလုံးတော်။ ငါ့သားလောကကြီးမှာတကိုယ်ကောင်းစ်ိတ်သည် ဝမ်းနည်းခြင်းဖြစ်စရာအကြောင်းဖြစ်၏။ လူတို့သည်မိမိတို့ ကောင်းကျိုးအတွက်သာ လုံးပန်းနေရ၍ တစ်ခြားလူများ၏လိုရာကိုဆောင်ကြဉ်းရန အချိန်မရှိကြချေ။ ဝမ်းမြောက် ရွှင်လန်းခြင်းနှင့် အကျိုးကျေးဇူးရရာအကြောင်းဖြစ်သောအခွင့်အရေးများကို မိမိကိုယ်ကျိုးရှာဖွေခြင်းအားဖြင့် ပျောက်ဆုံးစေကြလေသည်။ နေ့တစ်နေ့ကိုသူတပါးကောင်းကျိုးအတွက် စဉ်းစား၍သူပါးအားကူညီခြင်းပြုပါလော့။ ထိုနေ့ကုန်ဆုံးသောအခါ သင်သည်သူတပါးကိုကူညီရ၍ မည်မျှဝမ်းမြောက်သည်၊ ကူညီရသောအချိန်နာရီများသည် မည်မျှကုန်ဆုံးလွယ်သည်ကိုတွေ့မြင်ရပါလိမ့်မည်။ နာဇရက်အိမ်ငယ်တွင်စုံလင်သောငြိမ်သက်ခြင်းရှိသည့်အကြောင်းကား တကိုယ်ကောင်းစိတ်မရှိသောကြောင့် ဖြစ်သည်။ လောကတွင် ငါလှည့်လည်သွားလာနေထိုင်ပုံကို ဆင်ခြင်ပါလော့။ ငါသည်ခရီးရှည်ကြာစွာ သွားရ၍မောပန်းနေသော်လည်း လူအစုအဝေးတို့သည် ငါ့ထံသို့လာသောအခါ သူတို့ကို မျက်နှာမလွဲပဲ သူတို့အလိုရှိသည်ကို ဆောင်ရွက်ပေးခဲ့၏။ ငါသည်လူနာများကိုပျောက်ကင်းစေခြင်းနှင့် ဝမ်းနည်း သောသူများအားနှစ်သိမ့်ခြင်းပေးရန် မောပန်းသည်ဟူ၍ အဘယ်အခါမျှမရှိခဲ့ချေ။ ကြင်နာတတ်သောစကား တစ်…

ဇွန်လ( ၉ )#ရဲစွမ်းသတ္တိနှင့်ပြည့်စုံတော်မူသော_ယေဇူးရွှေနှလုံးတော်။ ငါ့သား၊ ငါအသက် (၁၂)နှစ် အရွယ်က ဂျေရုဇလင်ကျောင်းတော်၌ ငါနေရစ်ခဲ့ခြင်းဖြင့် ငါ၏မယ်တော်နှင့် အုပ်ထိန်းသူသံဇူဇယ်ကို များစွာဝမ်းနည်းပူဆွေးစေမည်အကြောင်း၊ ငါသည်အတတ်သိငြားသော်လည်း ငါ့ခမည်း တော်ဘုရား၏အလိုတော်ကို ပြည့်စုံစေရန်ှနှင့်ခမည်းတော်ဘုရားက ငါ့အတွက်စီမံခန့်ခွဲထားသည့်အမှုကို ထမြောက် အောင်မြင်စေရန် ဤကဲ့သို့ငါပြုခဲ့လေ၏။ ဤသို့ပြုရန်လည်း ငါ၌ရဲစွမ်းသတ္တိလိုအပ်ခဲ့ပေသည်။ ထို့အတူ သင်သည်လည်း ဤတသက်တာအတွင်းနေ့စဉ်တွေ့ကြုံရသောအခက်အခဲများ၊ စုံစမ်းခြင်းများနှင့် ဆင်းရဲဒုက္ခများကိုရင်ဆိုင်နိုင်ရန် သင်၌ရဲစွမ်းသတ္တိလိုပေလိမ့်မည်။ သင်သည်သီလဘောင်သို့ ခေါ်တော်မူခြင်းခံရ သောအခါ လောကအချည်အနှောင်များကိုဖြတ်တောက်ခြင်း၌ အခက်အခဲတွေ့ခဲ့ပါလျှင်၊ ငါ၏ရဲစွမ်းသတ္တိကိုအောက် မေ့သတိရလျှက်၊ ဘုရားသခင်၏အလိုတော်ကိုလိုက်လျောရန် ကြောက်ရွံ့ခြင်းမဲ့ ရဲ့ရင့်စွာရှေ့သို့တက်သွားပါလော့။ ငါသည် အထင်အရှားလှည့်လည်သွား၍ တရားတော်ကိုဟောပြောခြင်းမပြုမှီ၊ နှစ်ပေါင်းကြာရှည်စွာ စောင့်ရ ခြင်း၌လည်း…

အားလုံးပဲမင်္ဂလာပါအာဗီအေမြန်မာဘာသာအစီအစဥ်ကနေကြိုဆိုပါတယ်။မိတ်ဆွေအပေါင်းတို့ရှင် အပတ်စဥ်တိုင်တင်ဆက်နေကြဖြစ်တဲ့အစီအစဥ်လေးရောက်ရှိလိုလာပြန်ပါပြီ။ဒီတစ်ပတ်တင်ဆက်ပေးမဲ့အကြောင်းအရာလေးကတော့ “စိတ်ခွန်အား“ဆိုတဲ့ခေါင်းစဥ်လေးနဲ့တင်ဆက်ပေးသွားမှာဖြစ်ပါတယ်။သော်တရှင် မိတ်ဆွေများရှင် စိတ်ထောင်ရင်ကိုယ်ကျေးဆိုတဲ့စကားကိုမိတ်ဆွေတို့ကြားဖူးကြမယ်လို့တင်မိပါတယ်။လောကမှာစိတ်အားပြည့်စုံခြင်း၊ကြွယ်၀ခြင်း၊တွေဟာခွန်အားဘဲဖြစ်ပါတယ်။စိတ်ဓာတ်မကြွယ်၀တဲ့သူ၊စိတ်အားသိမ့်ငယ်တဲ့ပုဂ္ဂိုလ်ဟာလောကကြီးမှာကြုံတွေစဥ်ဒုက္ခတွေရောက်တက်ပါတယ်။လောကကြီးထဲမှာကြုံတွေရစဥ်နေ့စဥ်ဆိုသလို အခက်အခဲတွေကြုံရနိုင်ပါတယ်။မိမိတို့ရဲ့ဘ၀မှာဒီလိုအခက်အခဲတွေ ကြုံတွေ့ လာရတဲ့အခါမှာ ရင်ဆိုင်ဖြေရှင်းနိုင်ဖို့စိတ်ခွန်အားတွေလိုအပ်လှပါတယ်။သော်တရှင်မိတ်ဆွေများရှင်- စိတ်ခွန်အားဟာလက်နက်တစ်ခုပဲဖြစ်ပါတယ်။ လောကကြီးထဲမှာအသက်ရှင်နေထိုင်တဲ့နေရာမှာ ရင်ဆိုင်တိုက်ပွဲ၀င်နိုင်ဖို့ စိတ်ခွန်အားတစ်ခုကို ရယူကိုင်စွဲနိုင်ဖို့ရန်အရေးကြီးလှပါတယ်။ဒီစိတ်ခွန်အားကိုအထောက်အကူပေးနိုင်တာ၊ဖြည့်စွမ်းပေးနိုင်တာကတော့ ယုံကြည့်ချက်နှင့် သတ္တိဘဲဖြစ်ပါတယ်။တကယ်တော့ဒီယုံကြည့်ချက်တို့၊သတ္တိတို့ ဆိုတာ ကလည်းစိတ်ခွန်အားရှိမှရရှိနိုင်တာပါ။အကြံဥာဏ်တွေ၊ဗဟုသုတတွေကလည်းထောက်ပံမှုတစ်ခုအနေနဲ့ပေးစွမ်းနိုင်ပါတယ်။အရာတစ်ခုဟာစိတ်ပါမှလုပ်နိုင်တာမို့၊စိတ်ဓာတ်ကိုစုစည်းမှုဟာအဓိကအကျဆုံးဖြစ်ပါတယ်။စိတ်ဓာတ်ကိုစုစည်းနိုင်ရပါမယ်။ဒီလိုစိတ်ကိုမောင်းနှင်းနိုင်တဲ့ဘ၀ကို ပိုင်ဆိုင်ဖို့ ရန်အတွက်ကြိုစားဖို့လိုအပ်ပါတယ်။မိတ်ဆွေအပေါင်းတို့ရှင်- ငယ်ရွယ်စဥ်ကတည်းကစိတ်ဓာတ်ကို ၊မောင်းနှင်းဖို့ထိန်းချုပ်နိုင်ဖို့ ကြိုစားတဲ့အလေ့အကျင့်တွေ လုပ်ယူရပါမယ်။စိတ်ကိုမိမိအောင်မြင်မှုတွေရယူနိုင်ဖို့ ထိန်းကျောင်းနိုင်ဖို့လေ့ကျင့်ရတာဖြစ်ပါတယ်။စိတ်ခွန်အားဆိုတာ မိမိလုပ်တဲ့အလုပ်အပေါ်မှာ တစ်ထပ်တည်းကျအောင် ပုံသွင်းယူလိုက်တာဘဲဖြစ်ပါတယ်။ငယ်ငယ်လေးကတည်းက ဗိုက်ဆာတာကိုထိန်းချုပ်နိုင်တာ ၊ရေသောက်ချင်ကိုထိန်းချုပ်နိုင်တာ ၊ဆော့ချင်တာကိုထိန်းချုပ်နိုင်တာ ၊စသဖြင့်ကလေးငယ်လေးတွေကို လေ့ကျင့်ပုံသွင်းပေးလိုရနိုင်ပါတယ်။ကလေးငယ်လေးတွေဆိုတာ အူ၀ဲ၊ပုသုခယူတွေကိုပြောတာမဟုတ်ပါဘူး။၅တန်း၊၆တန်း၊သတိတစ်ခုထားနိုင်တဲ့အရွယ်မှာဖြစ်ပါတယ်။စိတ်ကိုတည်ငြိမ်ဖို့၊မိမိကိုယ်ကိုယ် ပြန်လည်သုံးသပ်ဖို့၊ထိန်းချုပ်ပေးသင့်လှပါတယ်။ ဒါမှာလည်းမကြာခင်ရောက်ရှိလာတော့မဲ့ လူငယ်ဘ၀၊လူကြီးဘ၀တွေမှာ ဒီကလေးဟာ အံ၀င်ဂွင်ကြဖြစ်နိုင်မှာဖြစ်ပါတယ်။အဲဒီလိုပြောလိုက်လိုစိတ်ဓာတ်မာကြောပြီနှလုံးသားမဲ့တဲ့အဖြစ်ကိုပြောနေတာမဟုတ်ပါဘူး။ဘာကိုမှသတိမထားတော့တဲ့ခပ်ဖြတ်ဖြတ်၊ခပ်မိုက်မိုက်၊ခက်ထန်သူကြီးဖြစ်ဖို့ပြောတာမဟုတ်ပါဘူး။သမာသီလနှင့်ပြည့်စုံတဲ့နှလုံးသားများကိုပိုင်ဆိုင်တဲ့ပုဂ္ဂိုလ်တွေဖြစ်ဖို့ဘဲဖြစ်ပါတယ်။မိတ်ဆွေအပေါင်းတို့ရှင်- စောစောကျွန်မပြောခဲ့တဲ့ယုံကြည်မှုနဲ့သတိကလည်းစိတ်ဓာတ်ကိုပံပိုးပေးနိုင်နိုင်ပါတယ်။ယုံကြည်မှုတစ်ခုဟာခိုင်မာသွားပြီးဆိုရင်သတ္တိတို့၊လုပ်ဆောင်ချက်တို့ဆိုတာဟာလည်းစိတ်ဓာတ်ကြံခိုင်ခြင်းတစ်ခုဘဲဖြစ်ပါတယ်။သတိဆိုတာမိုက်ရူးရဲဆန်တာမဟုတ်ပါဘူး။။အရာရာကိုရင်ဆိုင်နိုင်ခြင်းသာဖြစ်ပါတယ်။ဒါဟာလည်းစိတ်ကိုလိုသလို…

ဇွန်လ(၈)#နှိမ့်ချတော်မူသောယေဇူး၏ရွှေနှလုံးတော်။ ငါ့သား၊ ငါ၏ရွှေနှလုံးတော်ကျောင်းသို့လာ၍ သင့်အားငါဝေငှလိုသော သင်္ခန်းစာများကိုသင်ကြားပါလော့။ ငါသည် နူးညံ့သိမ်မွေ့နိမ့်ချသောနှလုံးရှိသည်ကိုငါ့ထံ၌သင်ကြားပါလော့။ နိမ့်ချခြင်းကြောင့်သာလျှင် အထက် ကောင်းကင်မှ ဗက်သလေဟိမ်နွားစားခွက်သို့ ငါဆင်းလာခဲ့၏။ ငါ၏ဖွားမြင်ခြင်းသည် မထင်မရှား၊ သိမ်ငယ်လှသ ဖြင့် ကောင်းကင်တမန်တော်များက မကြေငြာခဲ့ပါလျှင် ဤလောကသို့ငါဆင်းကြွလာသည်ကိုပင် လူတို့တွင်တစ်ဦး တစ်ယောက်မျှ သိနိုင်မည်မဟုတ်ပေ။ ငါ၏ဖွားမြင်ခြင်းတွင် အဦးဆုံးသောနန်းတွင်းသူ နန်းတွင်းသားများကား သိုးထိန်းများဖြစ်ကြသတည်း။ ငါ၏စစ်တပ်၌ကား ဆင်းရဲသားတံငါ (၁၂)ယောက်သာရှိ၏။ ငါ၏နန်းတွင်းကား သေး ငယ်သောရွာကလေး၌ သေးငယ်သောအိမ်ကလေးပင်ဖြစ်သည်။ ငါ၏သာသနာကိုစတင်ဟောပြောသောအခါ၌ နာ ဇရက်မှ ကောင်းသောအရာတစ်စုံတခုမျှ ဖြစ်လာနိုင်သလားဟု မခန့်မညားအမေးခံခဲ့ရ၏။ ငါ၏ယဇ်ပလ္လင်ကား ကာလ်ဝါရီတောင်ပေါ်မှ ကရုစူးတံကျင်ပင်ဖြစ်လေ၏။…

ဇွန်လ (၇): #နားထောင်တော်မူသော_ယေဇူးရွှေနှလုံးတော်။ ငါ့သား၊ ယနေ့ငါသည် လောကကြီးကိုလှည့်လည်ကြည့်ရှုရန် နားထောင်ခြင်း ပါရမီသည် လောကကြီးထဲ၌ ပျောက်ဆုံးသကဲ့သို့ ရှိနေသည်ကို တွေ့ရသဖြင့် ငါ၏ရွှေနှလုံးတော်သည် မသာမယာ ဝမ်းနည်းဖြင်းဖြစ်ရာ၏။ မိဘများသည်လည်း ၎င်းပါရမီကို လေ့ကျင့်ရန်အတွက်သားသမီးများကို အတင်းအကြပ် မပြုကြတော့ချေ။ ကလေးများသည်လည်း လွတ်လွတ်လပ်လပ်နေခြင်းကို မိမိတို့အခွင့်အရေးဖြစ်သည်ဟု ယူဆကြကုန်၏။ သို့သော်ငါ့ခမည်းတော်သည် လူအပေါင်းတို့အား ၎င်းပါရမီကိုသင်ပေးရန်အလို့ငှါ ငါ့အားကောင်းကင်မှ လောကသို့ ဆင်းလာစေရန် အလိုတော်ရှိ၏။ ငါသည် ဗက်သလေဟိမ်မှ ကာလ်ဝါရီတောင်ပေါ်အထိ နားထောင်ခဲ့၏။ ပဌမဆုံး ငါဖန်ဆင်းထားသော သတ္တဝါများဖြစ်သည့် ငါ့မယ်တော်နှင့် သံဇူဇယ်ကို နားထောင်သည့်အပြင်…

ကိုယ်တော်မြတ်အသက် လျှပ်တစ်ပြက် ••••••••••••••••••••••••••••••••••• – လွိုင်လင်လေးလွင် စိန်အီစီဒိုကား သာမန်လယ်သမားတစ်ဦးဖြစ်၏။ လယ်ပိုင်ရှင်တစ်ဦးထံတွင် လယ်စာရင်းငှား လုပ်ကိုင်နေသူဖြစ်ပါသည်။ လုပ်ငန်းကျွမ်းကျင်မှုကြောင့် လယ်ပိုင်ရှင်၏ အရေးပေးမှုကို သူ ခံရသည်။ သူ့လုပ်ဖော်ကိုင်ဖက် လယ်လုပ်သားများက ဤအချက်နှင့်ပတ်သက်၍ သူ့ကို မနာလိုမရှုစိမ့်ဖြစ်နေကြ၏။ သူတို့သတိထားမိကြသည်မှာ အီစီဒိုး နံနက်ပိုင်း လယ်ထဲအလုပ်ဆင်းချိန် နောက်ကျလေ့ရှိခြင်းဖြစ်၏။ အခွင့်ကောင်း စောင့်နေကြသူတို့ အကွက်တွေ့သွားကြသည်။ လယ်ပိုင်ရှင်ကို အတိုင်အတောပြုကြ၏။ လယ်ပိုင်ရှင် တတွတ်တွတ်ချီးမွမ်းခန်းဖွင့်နေသူ အီစီဒိုးသည် လူပျင်းသက်သက်သာဖြစ်ကြောင်း၊ အိပ်ရာထ နောက်ကျ၍သာ လယ်ထဲဆင်းချိန် နောက်ကျရခြင်းဖြစ်ကြောင်း စသည်ဖြင့် ကတုန်းကတိုက်…

#ကိုယ်တော်မြတ်ပွဲနေ့ Corpus Christi ကိုယ်တော်မြတ်တနင်္ဂနွေနေ့၏ ထူးခြားချက်။ ဒီနေ့မှာ သခင်ယေဇူးက ကိုယ်တော်မြတ်ထဲမှာ စစ်မှန်စွာ စံပယ် တည်ရှိခြင်းကို ဂုဏ်ပြု ကျင်းပ ဖြစ်ပါတယ်။ ဒီပွဲနေ့ဟာ ကက်သလစ်အသင်းတော်မှာ အဓိက ယုံကြည်တဲ့ သခင်ယေဇူးရဲ့ သန့်ရှင်းတဲ့ ကိုယ်တော်မြတ်စက္ကရာမင်တူးဟာ မုန့်နဲ့ စပျစ်ရည်အသွင်နဲ့ စံပယ်စွာ ကိန်းအောင်းတည်ရှိနေတာဖြစ်ပါတယ်။ ဒီပွဲနေ့ကို ကက်သလစ် ဘာသာတူ တစ်ဦးကနေ စတင်ခဲ့ပြီး နောက်ပိုင်း တစ်ကမ္ဘာလုံး အတိုင်းအတာနဲ့ ကျင်းပလာကြတယ်။ (၁၃) ရာစုမှာ Juliana of Liege ဂျုလီယားနားလို့ခေါ်တဲ့…

ဇွန်လ (၆)။ #သည်းခံတော်မူသောယေဇူး_ရွှေနှလုံးတော်။ ယေဇူးရွှေနှလုံးတော်ကို ချစ်မြတ်နိုးပြီး၊ သဒ္ဓါကြည်ညိုကြသော မိတ်ဆွေများအတွက် (ဇွန်လ) တစ်လတာလုံးကို #ယေဇူးရွှေနှလုံးတော်နှင့်_နှလုံးသားချင်းပေါင်းစပ်လျှက်ဖြတ်သန်းသွားလိုသူများအတွက် ထောက်ရှုစရာလေးနဲ့ ပုံပြင်တို လေးတွေကို ဖတ်ရင်း ဝိညာဉ်ခွန်အားတိုးပွါးစေကြောင်း ကြိုးစားဝေမျှလိုက်ပါတယ်။ ငါ့သား၊ ငါ၏နှလုံးတော်ကား သည်းခံခြင်းပါရမီ၏ စုံလင်သောပုံစံတော်ဖြစ်၏။ ထိုပါရမီကိုလေ့လာသင်ကြားရန် ငါ့ထံသို့ချဉ်းကပ်ပါလော့။ ဖြစ်သမျှအရာအားလုံးကို သည်းခံစိတ်နှင့် ခံထမ်းရန်သင်ကြားရာ၏။ အကြောင်းမူကား သင်၏ တစ်သက်တာသည် ပုခက်တွင်းမှသင်္ချိုင်းတွင်းအထိ ကရုစူးထမ်းရာလမ်းဖြစ်သတည်း။ ဗက်သလေဟိမ်မြို့၌ အချမ်းအအေးနှင့်ဆင်းရဲသောနွားစားခွက်တွင် ဘွားမြင်ခြင်းကိုမညည်းတွားပဲ ငါခံ ထမ်းခဲ့၏။ ငါမထင်မရှားအသက်တော်ရှိစဉ်အခါ ငါ၏ကိုယ်ချင်းစာတရားနှင့် ပြည့်ဝသောနှလုံးတော်သည် အံ့ဖွယ်ရာ တန်ခိုးလက္ခဏာများကို ပြုလုပ်ရန်တိုက်တွန်းခဲ့၏။ သို့သော်ငါ၏အချိန်နာရီမရောက်သေးသဖြင့် ငါ့ကိုယ်ကို…