ကမ္ဘာကြီးကို လူတိုင်းအတွက် ပိုမိုကောင်းမွန်စေမှသာ စစ်မှန်သော လူသားဆန် သည့် တိုးတက်မှု ဖြစ်ပေသည်”
အလျင်အမြန် ပြောင်းလဲနေသော ယနေ့ခေတ်ကမ္ဘာကြီးတွင် လူသားတို့၏ လုပ်ဆောင်မှု၊ သိပ္ပံနှင့် နည်း ပညာတို့၏ စစ်မှန်သော တန်ဖိုးမှာ အဘယ်နည်း။
ပုပ်ရဟန်းမင်းကြီး လီယို (၁၄) သည် အပတ်စဉ် ဗုဒ္ဓဟူးနေ့တိုင်း ဘုရားဖူးသူတော်စဥ် များနှင့် တွေ့ဆုံ ခြင်းတွင် (General Audience) တွင် ဒုတိယဗာတီကန် ကောင်စီ၏ Gaudium et spes (ဝမ်းမြောက်ခြင်းနှင့် မျှော်လင့်ခြင်း) သာသနာပြုဖွဲ့စည်းပုံအခြေခံဥပဒေဆိုင်ရာ သုံးသပ်ချက်များကို ဆက်လက်ဟော ကြားခဲ့ ပြီး၊ လူသားတို့၏ လုပ်အားနှင့် သိပ္ပံဆိုင်ရာ တိုးတက်မှုများသည် ဘုရားသခင်၏ အလိုတော်မြတ်နှင့် မည် သို့ လိုက်လျောညီထွေရှိသည်ကို မိန့်ကြားခဲ့သည်။
ဘုရားသခင်နှင့် တိုးတက်မှုသည် ပြိုင်ဘက်များ မဟုတ်ကြပါ
လူသားတို့၏ အောင်မြင်မှုများရရှိရန် ဘုရားသခင် နှင့် မပူးပေါင်းမှရမည်ဟူသော ခေတ်သစ်အတွေး အခေါ်ကို ပုပ်ရဟန်းမင်းကြီး ပယ်ချခဲ့သည်။ ဘုရားသခင်ကို ငြင်းပယ်ခြင်းသည် လူသားတို့၏ အဆင့် အတန်းကို မြှင့်တင်မပေးသည့်အပြင်၊ လူသားတို့၏ မြင့်မြတ်သော တန်ဖိုးနှင့် ဂုဏ်သိက္ခာတို့၏ မူလပင်မရင်းမြစ်ကိုပါ ပျောက်ကွယ်စေသည်။
ဘုရားသခင်၏ အစီအစဉ်တော်၌ ပူးတွဲဖန်ဆင်းရှင်များဖြစ်ခြင်း
ဖန်ဆင်းခံကမ္ဘာကြီးသည် ခရီးဆက်နေဆဲဖြစ်ပြီး ဘုရားသခင်သည် ထိုကမ္ဘာကို ကျွန်ုပ်တို့၏ လက်ထဲသို့ အပ်နှင်းထားသည်။ ကျွန်ုပ်တို့ အလုပ်လုပ်သည့်အခါ၊ တီထွင်ဆန်းသစ်သည့်အခါနှင့် တည်ဆောက် သည့် အခါများတွင် ဖန်ဆင်းရှင်နှင့် ပြိုင်ဆိုင်နေခြင်း မဟုတ်ဘဲ၊ ထိုဖန်ဆင်းရှင်၏ အလုပ်တော်ကို ဆက်လက် ဖော်ဆောင်နေခြင်းဖြစ်ကာ ဖန်ဆင်းခံကမ္ဘာကြီး ပြည့်စုံစုံလင်လာစေရန် ကျွန်ုပ်တို့၏ ဉာဏ်ပညာကို အသုံးပြုနေခြင်းဖြစ်သည်။
နေ့စဉ်အလုပ်များကို သန့်ရှင်းမြင့်မြတ်စေခြင်း
ဘုရားသခင်နှင့် တွေ့ဆုံခြင်းဆိုသည်မှာ လောကီဆိုင်ရာ တာဝန်ဝတ္တရားများကို စွန့်လွှတ်ရခြင်း မဟုတ် ပါ။ ဘုရားသခင် လူ့ဇာတိအဖြစ်ကို ခံယူတော်မူခြင်းဆိုင်ရာ နက်နဲသောအရာအားဖြင့် လူသားတို့၏ လွတ်လပ်မှုနှင့် လုပ်ဆောင်မှုများသည် မြှင့်တင်ခြင်းခံရသည်၊ ထို့ကြောင့် ကျွန်ုပ်တို့၏ နေ့စဉ်တာဝန် များနှင့် လုပ်အားများမှတစ်ဆင့် ဘုရားသခင်ကို တိုက်ရိုက်တွေ့ဆုံနိုင်မည် ဖြစ်သည်။
မေတ္တာတရားဖြင့် မောင်းနှင်သော တိုးတက်မှု
နည်းပညာနှင့် သိပ္ပံဆိုင်ရာ တိုးတက်မှုများသည် ချစ်ခြင်းမေတ္တာပေါ်တွင် အခြေခံပြီး လူသားတို့၏ ဂုဏ် သိက္ခာကို အကျိုးပြုသည့်အခါမှသာ စစ်မှန်သော တိုးတက်မှု ဖြစ်လာနိုင်သည်။ တိုးတက်မှုဆိုသည်မှာ လူတိုင်း၏၊ အထူးသဖြင့် အားနွဲ့သူများနှင့် နစ်နာဆုံးရှုံးနေသူများ၏ လူနေမှုဘဝအခြေအနေများကို တိုး တက်ကောင်းမွန်စေရမည် ဖြစ်သည်။
လူတိုင်း မိမိတို့၏ စွမ်းရည်များကို ဖော်ထုတ်နိုင်ကြရန်နှင့် ဘုရားသခင်၏ မေတ္တာတော်နှင့်အတူ ပိုမို ကောင်းမွန်သော အနာဂတ်ကို အတူတကွ တည်ဆောက်နိုင်ကြရန်အတွက် “အသိပညာနှင့် ကျွမ်းကျင် မှုဆိုင်ရာ သုံးဆောင်ရာ” ကို ဝေမျှကြပါစို့။
#PopeLeoXIV #CatholicChurch #GaudiumEtSpes #FaithAndScience #Vatican #ChristianFaith #Hope #CharityInAction
Fr. Peter Kyi Maung
Credit to Vatican News
