ပုပ်ရဟန်းမင်းကြီး လီယို (၁၄)၏ စပိန်နိုင်ငံသို့ သမိုင်းဝင် တစ်ပတ်ကြာ တမန်တော်ခရီးစဉ် (၂၀၆ ဇွန် ၆-၁၂)။

မက်ဒရစ် — ပုပ်ရဟန်းမင်းကြီး လီယို (၁၄) သည် စပိန်နိုင်ငံသို့ သမိုင်းဝင် တစ်ပတ်ကြာ တမန်တော် ခရီး စဉ် (ဇွန် ၆-၁၂) အဖြစ် လက်ရှိတွင် ရောက်ရှိနေပြီး ၎င်းသည် ၁၅ နှစ်အတွင်း ပုပ်ရဟန်းမင်းကြီးတစ်ပါး၏ ပထမဆုံးအကြိမ် လာရောက်လည်ပတ်ခြင်း ဖြစ်သည်။ လူ့ဂုဏ်သိက္ခာ၊ ယုံကြည်ခြင်း ပြန်လည်နိုး ကြား ရေးနှင့် ရွှေ့ပြောင်းနေထိုင်သူများအပေါ် ကရုဏာထားရေးတို့ကို ဗဟိုပြုသော သတင်းစကားကို ယူ ဆောင်လာရင်း အမေရိကန် ပုပ်ရဟန်းမင်းကြီးက သမိုင်းဝင် ကက်သလစ်နိုင်ငံဖြစ်သော စပိန်နိုင်ငံအား ၎င်း၏ နက်ရှိုင်းသော နိုင်ငံရေးနှင့် လူမှုရေး ကွဲလွဲမှုများကို ကျော်လွှားနိုင်ရန် တိုက်တွန်းထားသည်။

ဗာတီကန်သတင်းဌာန (Vatican News) ၏ အယ်ဒီတာချုပ် အန်ဒရီယာ တော်နီရဲလီ (Andrea Tornielli) ၏ အဆိုအရ ဤခရီးစဉ်သည် ပုပ်ရဟန်းမင်းကြီး၏ အဓိက အကြောင်းအရာ သုံးခုကို မီးမောင်းထိုးပြ နေ သည်။ ယင်းတို့မှာ- ပြည်သူ့ဘဝတွင် အသင်းတော်၏ အခန်းကဏ္ဍကို မှန်ကန်စွာ နားလည်ခြင်း၊ အလှတ ရားမှတစ်ဆင့် သတင်းကောင်းဟောပြောခြင်းနှင့် ကမ္ဘာလုံးဆိုင်ရာ ရွှေ့ပြောင်းနေထိုင်မှု အကျပ်အတည်း အပေါ် ခရစ်ယာန်တို့၏ တုံ့ပြန်မှုတို့ ဖြစ်သည်။

အစွန်းရောက်ကွဲလွဲမှုများ အဆုံးသတ်ရန် ပန်ကြားချက်

ဇွန်လ ၆ ရက် စနေနေ့တွင် Adolfo Suárez Madrid-Barajas လေဆိပ်သို့ ရောက်ရှိလာသော သန့်ရှင်းသော ရဟန်းမင်းကြီးအား ဘုရင် ဖိလစ်ပီ (၆)၊ မိဖုရား လက်တီဇီယာနှင့် ဝန်ကြီးချုပ် ပီဒရို ဆန်းချက်ဇ် တို့က ကြိုဆိုခဲ့ကြသည်။ တော်ဝင်နန်းတော်ရှိ အရပ်ဘက် အာဏာပိုင်များထံ မိန့်ခွန်းပြောကြားရာတွင် ပုပ်ရ ဟန်းမင်းကြီး လီယိုသည် ဥရောပရင်ဆိုင်နေရသော နိုင်ငံရေး မတည်ငြိမ်မှုများကို ရှောင်လွှဲပြောကြား ခြင်း မရှိခဲ့ပေ။ သူက စပိန်ပြည်သူများအား “ကွဲလွဲစေသော၊ အစွန်းရောက်စေသော ဇာတ်ကြောင်းများ” ကို ဖယ်ထားရန် မေတ္တာရပ်ခံခဲ့ပြီး “အကျိုးမရှိသော လွယ်လွယ်ကူကူ ကောက်ချက်ချမှုများ” ပြုလုပ် မည့်အစား အပြန်အလှန် ဆွေးနွေးမှုများကို လက်ခံရန်နှင့် ခေတ်သစ်လူ့အဖွဲ့အစည်း၏ ရှုပ်ထွေးမှုကို နားလည်သဘောပေါက်ရန် နိုင်ငံကို ဖိတ်ခေါ်ခဲ့သည်။

ဘုရင်ရော ပုပ်ရဟန်းမင်းကြီးကပါ ဘာသာရေးခေါင်းဆောင်များ၏ အလွဲသုံးစားပြုမှုဆိုင်ရာ နာကျင် ဖွယ် သမိုင်းအမွေကိုလည်း အသိအမှတ်ပြုခဲ့ကြသည်။ စပိန်နိုင်ငံ၏ မကြာသေးမီက စတင်ခဲ့သော အ သင်းတော်-နိုင်ငံတော် လျော်ကြေးပေးရေးစနစ်ကို ရည်ညွှန်းရာတွင် ရှင်းလင်းမှု၊ ပြတ်သားမှုနှင့် တာဝန်ခံမှုတို့သည် ကျူးလွန်ခံရသူများ၊ အသင်းတော်နှင့် လူ့အဖွဲ့အစည်းတစ်ခုလုံးကို ကုစားရန်အတွက် အလွန်အရေးကြီးကြောင်း ပုပ်ရဟန်းမင်းကြီး လီယိုက အလေးအနက် ပြောကြားခဲ့သည်။

လူငယ်များကြား ဝိညာဉ်ရေးရာ နိုးကြားလာမှု

စနေနေ့ ညနေပိုင်းတွင် ပုပ်ရဟန်းမင်းကြီးအား ပလာဇာ ဒီ လီမာ (Plaza de Lima) ၌ ရော့ခ်စတား တစ်ဦး ကဲ့သို့ ကြိုဆိုခဲ့ကြပြီး လူငယ်ပေါင်း ၅၀၀,၀၀၀ ခန့်သည် တက်ကြွသော ဆုတောင်းပွဲအတွက် စုရုံးခဲ့ကြ ကာ ကိုယ်တော်မြတ် ဖူးမြော်ခြင်းဖြင့် အဆုံးသတ်ခဲ့သည်။ ကြီးမားသော လူအုပ်ကြီးအား စကားပြော ကြားရာတွင် ပုပ်ရဟန်းမင်းကြီး လီယိုက လျင်မြန်စွာ ဘာသာမဲ့ဖြစ်လာနေသော ဥရောပရှိ Generation Z (မျိုးဆက်သစ်လူငယ်များ) ကြားတွင် ပြန်လည်နိုးကြားလာသော ဝိညာဉ်ရေးရာ လက္ခဏာများကို မီး မောင်းထိုးပြခဲ့သည်။

စနေ၊ တနင်္ဂနွေ ဝိညာဉ်ရေးရာ အစီအစဉ်များကို တနင်္ဂနွေနေ့တွင် ပလာဇာ ဒီ ဆီဘဲလက်စ် (Plaza de Cibeles) ၌ ကိုယ်တော်မြတ်ပွဲနေ့အတွက် ကြီးမားသော လဟာပြင် မစ္ဆားတရားတော်ဖြင့် ဆက်လက် ကျင်းပခဲ့ပြီး ထို့နောက် မြို့တော်၏ လမ်းများတစ်လျှောက် ရိုးရာ ကိုယ်တော်မြတ် လှည့်လည်ခြင်းကို ပြုလုပ်ခဲ့သည်။

ရဟန်းမင်းကြီး၏တမန်တော်ခရီးစဉ် အချိန်ဇယား

မက်ဒရစ် – ဆိုက်ရောက်ခြင်းနှင့် လူငယ်ဆုတောင်းပွဲ

ဇွန် ၆

တော်ဝင်နန်းတော်တွင် တရားဝင် ကြိုဆိုမှုအပြီးတွင်၊ ပုပ်ရဟန်းမင်းကြီးသည် ညနေခင်း ဆုတောင်းပွဲ၌ လူငယ်ငါးသိန်းကို မိန့်ခွန်းမပြောကြားမီ အိမ်ခြေရာမဲ့များအတွက် ကာရီတပ်စ် (Cáritas) စင်တာဖြစ် သော CEDIA 24 Horas သို့ သွားရောက်ခဲ့သည်။

မက်ဒရစ် – ကိုယ်တော်မြတ်ပွဲနေ့

ဇွန် ၇

Plaza de Cibeles ၌ ကြီးမားသော လဟာပြင် မစ္ဆားတရားတော်ကို ဦးဆောင်ကျင်းပခဲ့ပြီးနောက် ကိုယ် တော်မြတ် လှည့်လည်ခြင်းနှင့် မွန်းလွဲပိုင်းတွင် ယဉ်ကျေးမှုနှင့် စီးပွားရေး ခေါင်းဆောင်များနှင့် တွေ့ဆုံခြင်းတို့ ပြုလုပ်ခဲ့သည်။

မက်ဒရစ် – လွှတ်တော်သို့ သမိုင်းဝင် မိန့်ခွန်းပြောကြားခြင်း

ဇွန် ၈

သမိုင်းဝင် ပထမဆုံးအကြိမ်အဖြစ် ပုပ်ရဟန်းမင်းကြီး လီယိုသည် ယနေ့တွင် စပိန်လွှတ်တော်နှင့် အထက်လွှတ်တော် ပူးတွဲအစည်းအဝေး၌ မိန့်ခွန်းပြောကြားခဲ့ပြီး ဥပဒေပြုအမတ်များအား အများအ ကျိုးကို ဦးစားပေးရန်နှင့် နိုင်ငံသားအချင်းချင်း ချစ်ကြည်ရင်းနှီးမှု မွေးမြူရန် တိုက်တွန်းခဲ့သည်။

ဘာစီလိုနာ – ဂေါဒီ ရာပြည့်ပွဲ

ဇွန် ၁၀

ရဟန်းမင်းကြီးသည် ကျော်ကြားသော ဗိသုကာပညာရှင် အန်တိုနီ ဂေါဒီ (Antoni Gaudí) ကွယ်လွန်ခြင်း နှစ် ၁၀၀ ပြည့် အထိမ်းအမှတ်အဖြစ် အထင်ကရ Sagrada Familia ဘုရားကျောင်းတွင် မစ္ဆားတရားတော် ကျင်းပရန် ဘာစီလိုနာသို့ သွားရောက်မည်ဖြစ်သည်။

ကနေရီ ကျွန်းစုများ – ဥရောပ၏ အစွန်အဖျားဒေသ

ဇွန် ၁၁-၁၂

သူ၏ ရှေ့တော်ဆက် ပုပ်ရဟန်းမင်းကြီး ဖရန်စစ်၏ ကာလကြာရှည် ဆန္ဒကို ဖြည့်ဆည်းပေး သည့်အနေ ဖြင့် ခရီးစဉ်သည် လတ်စ် ပါလ်မတ်စ် (Las Palmas) ရှိ အဓိက ရွှေ့ပြောင်းနေထိုင်မှု ဗဟိုဌာနတွင် ပြီးဆုံး မည်ဖြစ်သည်။ ပုပ်ရဟန်းမင်းကြီးသည် အန္တရာယ်များသော အတ္တလန္တိတ်လမ်းကြောင်းကို ဖြတ်ကူးစဉ် သေဆုံးခဲ့ရသည့် ရွှေ့ပြောင်းနေထိုင်သူများအား ရညဇူး၍ ပင်လယ်ထဲသို့ ပန်းခွေချ၍ ဂုဏ်ပြုမည် ဖြစ်သည်။

ရဟန်းမင်းကြီးသည် ယနေ့ မက်ဒရစ်မြို့ရှိ သူ၏ သမိုင်းဝင် အစီအစဉ်များကို အဆုံးသတ်ပြီး ဘာစီလို နာနှင့် ကနေရီ ကျွန်းစုများသို့ သွားရောက်ရန် ပြင်ဆင်နေစဉ် ၎င်း၏ ခရီးစဉ်သည် လူ့အဖွဲ့အစည်း၏ အစွန်အဖျားဒေသများသို့ ကမ္ဘာ့အာရုံစိုက်မှုကို ဆက်လက် ဆွဲဆောင်လျက်ရှိသည်။ ဥရောပကို ၎င်း၏ ခရစ်ယာန် အမြစ်များကို သတိရစေရင်း ပိုမိုကြိုဆိုလက်ခံတတ်သော၊ ပိုမိုစည်းလုံးသော အနာဂတ်ကို တည်ဆောက်ရန် စိန်ခေါ်လိုက်ခြင်းဖြစ်သည်။

Fr. Peter Kyi Maung

photo Credit :Vatican News

Website: rvamyanmar.org

https://www.youtube.com/@rvamyanmar8152

Original Link: https://www.vatican.va/…/doc…/spagna-6-12giugno2026.html

See less