rvamyanmar

အဆိုးတွေ အမှားတွေ ကိုပဲ အာရုံစိုက်မိတဲ့ အခါ.. . ကျွန်တော်တို့ လူသားတွေ ရဲ့ ဗီဇ မှာကိုက တစ်ခုခု ကြုံလိုက်ပြီ ဆိုရင် အဆိုး ဖက်ကနေ အရင်တွေးမိ ကြလေ့ရှိပါတယ်။ ပုံမှန် လက်တွေ့အနေအထားကနေ ကင်းကွာ နေတဲ့ ၊ ရုတ်တရက် နားမလည်နိုင်တဲ့ ၊ အသစ်အဆန်း တစ်ခုခု ဖြစ်နေတဲ့ အတွေးအခေါ် ၊ သတင်းစကား၊ အိုင်ဒီယာ တစ်ခုခု ကို ပထမ ဆုံးကြားလိုက် ကြုံလိုက်ရတဲ့ အခါမှာ ဒါဟာ…

အီတလီနိုင်ငံရောက်ပါကိစ္စတန်ခရစ်ယာန်များ ၄င်းတို့၏သံအမတ်ထံအမှန်တရားနှင့်တရားမျှတခြင်းကိုတောင်းဆိုရန်အိတ်ဖွင့်ပေးစာတစ်စောင်ပေး အီတလီနိုင်ငံသို့အခြေချနေထိုင်နေကြသော ပါကိစ္စတန်နိုင်ငံမှခရစ်ယာန်တစ်ဖွဲ့က အီတလီနိုင်ငံ၌ အမှုထမ်းနေသောသံအမတ်ကြီးထံသို့အိတ်ဖွင့်ပေးစာတစ်စောင်ပေးအပ်ခဲ့သည်။ အဆိုပါအိတ်ဖွင့်ပေးစာထဲ ၌ ပါကိစ္စတန်နိုင်ငံရှိ Faisalabad မှခရစ်ယာန်များအားပိုမိုလုံခြုံသောအကာအကွယ်ပေးရန်တောင်းဆိုထားသည်။ အဘယ်ကြောင့်ဆိုသော် ဩဂုတ် (၁၆) ရက်နေ့က အစွန်းရောက်အီစ္စလာမ်လူတစ်စုက ခရစ်ယာန်ဘု ရားကျောင်း (၂၁) ကျောင်းအားလည်းကောင်း၊ ခရစ်ယာန်အိမ်ထောင်စု (၁၀၀) ခန့်အားလည်းကောင်းမီးရှို့ဖျက်ဆီးခဲ့သည်။ ဤလုပ်ရပ်အား ပါကိစ္စတန်သမ္မတနှင့်သံအမတ်ကိုယ်တိုင်လည်းကန့်ကွက်ရှုတ်ချကြောင်းထုတ်ဖော်ပြောဆိုခဲ့သည်။ ဤလုပ်ရပ်အားကန့်ကွက်ကြောင်း၊ နိုင်ငံအတွင်းမတည်မငြိမ်ဖြစ်အောင်အကြမ်းဖက်လုပ်ဆောင်နေခြင်းဖြစ်ကြောင်း၊ သန့်ရှင်းသောနေရာအားတိုက်ခိုက်ခြင်း၊ ထိုတိုက်ခိုက်မှုကိုလည်းထိုဒေသမှမဟုတ်သောလူတစ်စုကကျူးလွန်ခြင်းများသည် ပါကိစ္စတန်နိုင်ငံ၏ပုံရိပ်ကျဆင်းစေရန်နှင့်ပါကိစ္စတန်လူထုကြားစည်းလုံးမှုပြိုကွဲစေရန် ကြိုတင်ပြင်ဆင်ထားသည်လုပ်ရပ်ဖြစ်ကြောင်းဖြင့်ပါကိစ္စတန်သံအမတ်ကပြောကြားခဲ့သည်။ ပါကိစ္စတန်မှခရစ်ယာန်များအနေဖြင့် ဆုံးရှုံးပျက်ဆီးမှုများနှင့်အညီထိရောက်သောအရေးယူမှုကိုတောင်းဆိုနေကြသည်။ ဥပမာအားဖြင့် မီးရှို့ဖျက်ဆီးခံလိုက်ရသောလူနေအိမ်များအားပြန်လည်တည် ဆောက်ပေးရန်၊ ဒေသခံလူနည်းစုများခံစားကြုံကြိုက်နေရသော ခွဲခြားနှိမ့်ချဆက်ဆံခံရခြင်းနှင့်ညှဉ်းပမ်းနှိပ်စက်ခြင်းများကိုချက်ချင်းရပ်တန့်ရန်တို့ကိုတောင်းဆိုခဲ့သည်။ လောလောလတ်လတ်ဖြစ်ပွားသောအမှုတစ်ခုတည်းသာလျှင်ပလပ်မေ့ပျောက်ခံရသောအမှုမဟုတ်ပေ။ အီတလီရောက်ခရစ်ယာန်တို့၏၀ိညာဉ်ရေးရာတာ၀န်ခံလက်ထောက်ဖာသာရ်…

ဒုက္ခသည် သိုးများဆီသို့ Lahore ဂိုဏ်းချုပ်ဆရာတော်ကြွရောက် ပါကိစ္စတန်နိုင်ငံ၊ ပန်ဂျပ်ပြည်နယ် Jaranwala ၌ခရစ်ယာန်များအားပစ်မှတ်ထားအကြမ်းဖက်မှုများစတင်လာခဲ့ပါပြီ။ ထိုကြောင့်အခင်းဖြစ်ရာသို့ ဩဂုတ်လ (၂၂) ရက်နေ့က ဂိုဏ်းချုပ်ဆရာတော်ကချက် ချင်းရောက်ရှိသွား၍အခြေအနေကိုကြည့်ရူခဲ့သည်။ အားပေးနှစ်သိမ့်ခဲ့သည်။ အခင်းဖြစ်ပွားသည့်မြင်ကွင်းသည် လွန်စွာဆိုး၀ါးခဲ့ကြောင်းထိတ်လန့်ဖွယ်ရာဖြစ်သည်ကိုမြင်တွေ့ခဲ့ရသည်။ ကုန်းကောက်စရာမရှိ‌အောင် ကိုပင်မီးထဲပါသွားခဲ့သည်။ ယေဇူးသခင်၏ချစ်ခြင်းကိုပြသရန်မှာကျွန်ုပ်တို့၏တာ၀န်ဖြစ်ကြောင်းပြောကြားခဲ့ သည်။ သာသနာအနေဖြင့် လိုအပ်ချက်များကိုတတ်နိုင်သလောက်အနီးကပ်ကူညီစောင့်ရှောက်ခြင်း၊ စိတ်ပိုင်းဆိုင်ရာနှင့်၀တ္တုများကူညီ၍ဘာသာတူတို့၏ဒုက္ခကိုဖြေလျော့ပေါ့ပါးသွားအောင် ကာရီတာစ့်နှင့်အခြားခရစ်ယာန်အဖွဲ့အစည်းများ၏အကူအညီဖြင့်ပြုလုပ်သွားမည်ဖြစ်ကြောင်း၊ ယခုကဲ့သို့ထိတ်လန့်ဖွယ်ရအဖြစ် မျိုးနှင့်ကြုံခဲ့ရသည်မှန်သော်လည်း ၄င်းတို့သာဤဒုက္ခကိုခံထမ်းနေခြင်းမဟုတ်။ ယေဇူးသခင်သည်လည်း ကောင်း၊ သာသနာသည်လည်းကောင်း သူတို့နှင့်အတူရှိနေကြောင်းအားပေးခဲ့သည်။ ဂိုဏ်းချုပ်ဆရာတော်သည် မွတ်စလင်ဘာသာ၀င်ကိုကိုယ်စားပြုသောအဖွဲ့၊ ယာယီနိုင်ငံတော်၀န် ကြီးချုပ် Anwar ul Haq တို့နှင့်အတူလိုက်ပါသွားခဲ့ခြင်းဖြစ်သည်။…

ရဟန်းမင်းကြီးဖရန်စစ်သည် ဟန်ဂေရီသမ္မတ Novak နှင့်အတူယူကရိန်းစစ်သင့်ဒေသငြိမ်းချမ်းရေးရရန်ဆုတောင်းခဲ့ ရဟန်းမင်းကြီးဖရန်စစ်သည် ဟန်ဂေရီသမ္မတ Katalin Novak အားဗာတီကန်သို့ မကြာမှီက ကလက္ခံကြိုဆိုခဲ့သည်။ ရဟန်းမင်းကြီးနှင့်သမ္မတတို့၏တွေ့ဆုံဆွေးနွေးမှုသည်ချစ်ခင်ရင်းနှီးစွာ ရှိပြီး၊ ခရစ်ယာန်စံတန်ဖိုးနှင့်ညီသော မိသားစုအကြောင်း၊ ယခုနှစ်ဧပြီလက ရဟန်းမင်းကြီး၏ဟန်ဂေရီတမန်တော်ခရီးစဉ်အကြောင်းများကိုပြောဆိုခဲ့ကြောင်းဗာတီကန်သတင်းဌာနမှထုတ်ပြန်လာပါသည်။ ရဟန်းမင်းကြီးသည် ဟန်ဂေရီနိုင်ငံသို့ရောက်ရှိနေစဉ်က ယူကရိန်းစစ်ဘေးရှောင်များနှင့်လည်းတွေ့ဆုံခဲ့သည်။ ယခုတွေ့ဆုံမှုလည်း ယူကရိန်းစစ်သည်အဓိကအချက်ဖြစ်ပြီး လူသားချင်းစာနာသောအခြေအနေနှင့်ပဋိပက္ခကိုအမြန်အဆုံးသတ်နိုင်မည့်အားထုတ်မှုအကြောင်းများဖြစ်သည်။ ကမ္ဘာပေါ်၌ခရစ်ယာန်များအားညှဉ်းပမ်းနှိပ်စက်မှုသည်တစ်စတစ်စကြီးထွားလာနေမှုအကြောင်းကိုလည်းထည့်သွင်းဆွေးနွေးခဲ့ကြသည်။ ဟန်ဂေရီသမ္မတသည် ရဟန်းမင်းကြီးနှင့်တွေ့ဆုံပြီးနောက် ဗာတီကန်၏အတွင်းရေးမှူးဖြစ်သော ကာဒီနယ် Pietro Parolin နှင့်လည်းတွေ့ဆုံခဲ့သည်။ ထိုတွေ့ဆုံမှု၌ဗာတီကန်၏ နိုင်ငံတကာဆက်ဆံရေးဌာန၏အတွင်းရေးမှူး မွန်ဆီညှော် Mirosław Wachowski လည်းပါ၀င်ခဲ့သည်။ ဟန်ဂေရီသည်ယူကရိန်းနှင့်နယ်စပ်ခြင်းထိစပ်နေသောကြောင့် စစ်ဘေးဒုက္ခသည်များအတွက်ခိုလုံရန် အခရာကျသောနိုင်ငံတစ်နိုင်ငံဖြစ်သည်။…

(၁၈) လကြာလာပြီဖြစ်သော ယူကရိန်းစစ်ပွဲအတွင်း ကလေး (၅၀၀) ကျော်အသက်ဆုံးရှုံးခဲ့ရဟုဆို ရုရှား၏ယူကရိန်းအပေါ်ကျူးကျော်စစ်သည် (၁၈) ကြာလာခဲ့ပြီဖြစ်သည်။ ထိုကာလအတွင်း ယူကရိန်းကလေး (၅၄၀) ဦးကျော်အသက်ဆုံးရှုံးခဲ့ရပြီဖြစ်ကြောင်း Save the Children အဖွဲ့ကမှတ်တမ်းပြုစုထားသည်။ နွေရာသီ၌လည်း အခါအားလျှော်စွာဒရုံးနှင့်လေကြောင်းများဖြင့်လာရောက်တိုက်ခိုက်နေသောကြောင့် အသက်မဆုံးရှုံးသော်လည်း ထိခိုက်ဒဏ်ရာရရှိမှု (၇) ရာခိုင်နှုန်းအထိတိုးလာကြောင်းလည်းလူမှုကူညီရေးအဖွဲ့အစည်ကလည်းတင်ပြလာသည်။ လူမှုကူညီရေးအဖွဲ့အစည်းများသည် (၂၀၁၄) မှစ၍ ကလေးသူငယ်များအားကူညီစောင့်ရှောက်သည့်လုပ်ငန်းကိုလုပ်ဆောင်လာခဲ့ရာ ယူကရိန်းနိုင်ငံ၌အဓိကလှုပ်ရှားနေခဲ့သည်။ ဤစစ်ပွဲကာလ၌ ကလေးသူငယ်များနှင့်မိသားစုများအားကယ်ဆယ်‌ရေးလုပ်ငန်းကိုတိုး မြင့်လုပ်ဆောင်နေရသည်။ ဤအဖွဲ့သည် ယူကရိန်းနိုင်ငံအတွင်း၌တင်ကျန်နေသောဒုက္ခသည်ကလေးများကိုသာမက ဥရောပတစ်လျှောက်သို့ပြန့်နှံ့ရောက်ရှိနေသောကလေးများအားလည်းပံ့ပိုးပေးနေရသည်။ ကူညီရာ၌ ယခုကဲ့သို့စစ်ကိုတိမ်းရှောင်နေစဉ်အတောအတွင်း၌ပညာသင်ကြားနိုင်ခွင့်တို့လည်းပါ၀င်သည်။ လူမှုကူညီရေးအဖွဲ့အစည်းကလည်း ဒရုန်းနှင့်လေကြောင်းမှတိုက်ခိုက်မှုသည် အစောပိုင်းလများနှင့် ယှဉ်လျှင်…

သားအမိနှစ်ဦးသည် နှစ် (၂၀) ကြာ‌ဝေးကွာပြီးမှ ထူးဆန်းစွာ ပြန်လည်ဆုံဆည်းခဲ့ကြ ယခုတင်ပြမည့်အကြောင်းအရာသည် နှစ်ပေါင်း (၂၀) ‌ဝေးကွာနေခဲ့ပြီးမှ ‘တွီတာ’ လူမှုကွန်ရက်ကြောင့်ပြန်လည်ဆုံဆည်းနိုင်ခဲ့သောသားအမိအကြောင်းဖြစ်ပါသည်။ သားဖြစ်သူမှာမိခင်အရင်းနှင့်ပြန်လည်ဆုံဆည်းချိန်တွင် အသက် (၂၀) ပင်ရှိပြီဖြစ်သည်။ သားအမိနှစ်ဦး၏ဆုံဆည်းခြင်းကား ဤဆောင်းပါးကိုဖတ်ရသူများပင်လျှင် စိတ်လှုပ်ရှားရင်ခုန်ရသည်။ အဘယ်သို့ဆုံဆည်းရန်အကြောင်းတိုက်ဆိုင်သွားပါသနည်း။ မိခင်ဖြစ်သူ၏အမည်ကား Holly Shearer ဖြစ်ပြီး Utah မှဖြစ်သည်။ သူ့အနေဖြင့်ယခုကဲ့သို့ဖြစ် လာရန်ဆုံးဖြတ်ချက်ချရာတွင်လွန်စွာခက်ခဲခဲ့သည်။ သူအသက် (၁၅) နှစ်၌ကိုယ်၀န်ရသွားပြီး အဆိုပါကိုယ်၀န်အားမမွေးမီကပင်လျှင် ကလေးအားမွေးစားလိုသူများအားမွေးစားခွင့်ပြုမည့်အကြောင်းကိုဆုံးဖြတ်ထားခဲ့သည်။ ကိုယ်၀န် (၆) လပြည့်လာသောအခါ သူ၏ရင်သွေးအားမွေးစားမည့်မိဘကို မွေးစားလိုသောမိဘများအားချိပ်ဆက်ပေးသည့်၀န်ဆောင်မှုကိုပေးသောဌာနနှင့်ချိပ်၍စတင်ရှာဖွေခဲ့သည်။ သူသည် Angela…

ရဟန်းမင်းကြီးဖရန်စစ်မှ စိတ်ပုတီးစိပ်ရခြင်း၏အကြောင်းအရင်း (၃) ရပ်ကိုရှင်းပြ စိတ်ပုတီးစိပ်ခြင်းသည် အမိမယ်တော်အားသဒ္ဓါကြည်ညိုရန်အတွက်ကက်သလစ်ဘာသာတူများအားပေးလာသော အလွန်ရှေးကျသည့်လက်ဆောင်မွန်အမှန်အကန်ပင်ဖြစ်သည်။ မယ်တော်အားသဒ္ဓါကြည် ညိုရန်သတ်မှတ်အပ်နှံထားသောလများ၌ ရဟန်းမင်းကြီးဖရန်စစ်က အချက် (၃) ချက်ကိုရှင်းလင်းစွာရှင်းပြ ၍စိတ်ပုတီးကိုပုံမှန်စိပ်ကြရန်တိုက်တွန်းနိုးဆော်ထားသည်။ ရဟန်းမင်းကြီးဖရန်စစ်သည် ဤအားပေးတိုက်တွန်းချက်ကို စိန့်ပီတာရင်ပြင်၌ရောက်ရှိနေသောဘုရားဖူးများနှင့်ဗုဒ္ဓဟူးနေ့၌တွေ့ဆုံစဉ် ‘အာရပ်’ စကားပြောသောဘာသာတူများအားနှုတ်ဆက်စဉ်မိန့်ကြားခဲ့သည်။ စိတ်ပုတီးကိုနေ့စဉ်ပုံမှန်စိပ်ရသည့် ပထမအကြောင်းအရင်းမှာ ‘ကယ်တင်ခြင်းသမိုင်းကြောင်းကိုလို ရင်းတိုရှင်းချုံ့’ ထားခြင်းကြောင့်ဖြစ်သည်။ ရာစုနှစ်ပေါင်းများစွာ ခရစ်ယာန်ယုံကြည်ခြင်းသည်စိတ်ပုတီးစိပ်ခြင်း၏အကျိုးကျေးဇူးကြောင့်လည်း ကမ္ဘာအရပ်ရပ်သို့ပြန့်နှံ့ရောက်ရှိသွားခဲ့သည်။ စိတ်ပုတီးစိပ်ခြင်းသည် ‘ပြည့်စုံသောသမ္မာကျမ်းစာအခြေခံ’ ထားသည့်ဆုတောင်းမေတ္တာဖြစ်သည်။ ယနေ့ခေတ်ကာလကဲ့သို့ သမ္မာ ကျမ်းစာအုပ်၊ ဆုတောင်းမေတ္တာစာအုပ်များလိုသလောက်လွယ်ကူလျှင်မြန်စွာ ပုံနှိပ်ရိုက်ထုတ်ရန်မလွယ်ကူ သောခေတ်အခါက စိတ်ပုတီးစိပ်ခြင်သည် ခရစ်ယာန်အသက်တာ၏အနှစ်သာရကိုထိတွေ့ရန်ပထမအကြောင်းအရင်းဖြစ်ခဲ့သည်။ သာသနာပြုကြီး Philip…

ပိုလန်နိုင်ငံမှ Czestochowa မယ်တော်အားလူထောင်သောင်းချီဖူးခဲ့ကြ နှစ်စဉ် Czestochowa မယ်တော်ကို ပိုလန်နိုင်ငံနှင့်နီးစပ်ရာနိုင်ငံများမှဘုရားဖူးထောင်သောင်းချီလာရောက်လေ့ရှိသည်။ Czestochowa မယ်တော်သည် ပိုလန်နိုင်ငံမှဖြစ်သည်။ ယခုနှစ်လည်း ဘုရားဖူး (၈၅၀၀၀) ကျော်လာရောက်ဖူးခဲ့ကြသည်။ ယခင်နှစ်က ဘုရားဖူး (၂) သန်းကျော်လာရောက်ခဲ့သည်။ ယခုနှစ်မယ်တော့်ပွဲမစ္ဆားတရား၌ Gniezno ဂိုဏ်းချုပ်သာသနာ၏သာသနာပိုင် Wojciech Polak ကမစ္ဆားတရားကိုဦးဆောင်ပူဇော်ခဲ့သည်။ သူ၏ဩ၀ါဒ၌ ယေဇူးသခင်သည် ကာနာမြို့လက်ထပ်ပွဲ၌ရေမှစ ပျစ်ရည်သို့ပြောင်းလဲပေးခဲ့သည့် သံယောဟန်ဧ၀ံဂေလိကျမ်းအခန်းကြီး (၂) မှအကြောင်းအရာကိုကြောရိုးထားဟောကြားခဲ့သည်။ သူ၏ထောက်ရူချက်ကား လူသားတို့၏ဆာငတ်မှုကားချစ်ခြင်းမေတ္တာဖြစ်ကြောင်း၊ လူသားများဆာငတ်သော ချစ်ခြင်းမေတ္တာကားနေ့စဉ်ထိတွေ့ခံစားရသောချစ်ခြင်းမျိုးမဟုတ်ကြောင်း၊ ထိုချစ်ခြင်းဇောက်မနက်ဘဲခံစားချက်၊ စိတ်လှုပ်ရှားမှုအပေါ်တည်မှီနေသည့်ရွှေမှုံန်ကြဲသောချစ်ခြင်းမျှသာဖြစ် ကြောင်း၊ အားလုံးပါ၀င်သောချစ်ခြင်းမဟုတ်ကြောင်း၊ အနှစ်အကာရှိပြီး…