rvamyanmar

အိုင်ယာလန်နိုင်ငံ၌ စက်တင်ဘာ (၁၄ မှ ၁၆) အထိ ‘ကားတိုင်လမ်းလျှောက်’ လှုပ်ရှားမှုပြုလုပ် အိုင်ယာလန်နိုင်ငံမှကက်သလစ်ဘာသာတူများသည် ‘The Walk the Cross’ (ကားတိုင်လမ်း လျှောက်) သည့်လှုပ်ရှားမှုကို စက်တင်ဘာ (၁၄ မှ ၁၆) ရက်နေ့အထိပြုလုပ်ကြသည်။ ဤလမ်း လျှောက်လှုပ်ရှားမှု၌ စိတ်အားထက်သန်သောဘာသာတူများသည် မိမိတို့နှင့်အတူ ခရီးတစ်လျှောက်၌ သစ် သားလက်၀ါးကပ်တိုင်ကိုထမ်းကြသည်။ လှုပ်ရှားမှု၏ရည်ရွယ်ချက်မှာ ဆုတောင်း၊ နောင်တတရားယူခြင်းနှင့်ဧ၀ံဂေလိတရားပြန့်ပွားခြင်းသည်အရေးကြီးကြောင်းသိရှိစေရန်ဖြစ်သည်။ ဤလှုပ်ရှားမှုကြီးကျင်းပသည့် မိုင်အရှည်မှာ (၃၃) မိုင်ခရီးဖြစ်ပြီး အပိုင်း (၄) ပိုင်းပိုင်းထားသည်။ ၄င်းတို့မှာ အိုင်ယာလန်အရှေ့၊…

ဧ၀ံဂေလိတရားတော်နှင့်ထပ်တူကျသောသာသနာပြုနည်း (သို့) စိန့်ပီတာကလဲဗားသည် လူပေါင်း (၃၀၀၀၀၀) ကိုအဘယ်သို့ပြောင်းလဲနိုင်ခဲ့သနည်း> အမိသာသနာတော်ကြီးသည် နှစ်စဉ် စက်တင်ဘာလ (၉) ရက်နေ့၌ စိန့်ပီတာကလဲဗား၏ပွဲနေ့ကိုအမှတ်ရကျင်းပလေ့ရှိသည်။ ဤရဟန္တာသည် အလွန်ထူးခြားသူဖြစ်သည်။ သူသည် လူပေါင်း (၃) သိန်းကိုပြောင်းလဲနိုင်ခဲ့သူဖြစ်သည်။ ဤသို့ပြုလုပ်ရာ၌ အတင်း အဓမ္မဖက်ခြင်း၊ မက်လုံးပေးသိမ်းသွင်းခြင်းမျိုးကိုလုံး၀မပြုလုပ်ခဲ့။ မကျင့်သုံးခဲ့။ တစ်ဦးစီအားဂရုစိုက်ပြုစုပျိုးထောင်သည့်နည်းကိုသာအသုံးပြုခဲ့သည်။ စိန့်ပီတာကလဲဗားသည် (၁၇) ရာစုက ဂျက်ဆွီစ်အသင်း၀င်ရဟန်းတစ်ပါးဖြစ်ပြီး စပိန်နိုင်ငံမှဖြစ် သည်။ သူ၏ဘ၀တူညီအစ်ကိုရဟန်းတစ်ပါးဖြစ်သော စိန့် Alphonsus Rodriguez ၏အားပေးမှုဖြင့်စပိန် ၏ကိုလိုနီနယ်၌သာသနာပြုရန်စွန့်စားခဲ့သည်။ ထိုနေရာသို့ရောက်ရှိသွားပြီးနောက် ဖြစ်ပျက်နေမှုကိုကိုယ်တိုင်မြင်တွေ့ကြုံကြိုက်လိုက်ရသောအခါ သူလွန်စွာထိတ်လန့်စိတ်မကောင်းဖြစ်သွားခဲ့ရသည်။ အဘယ်ကြောင့်ဆိုသော်…

ကမ္ဘာ့ဘော်လုံးချန်ပီယံ ရော်နာဒို နာ့ဇ်ရီးယို အသက် ၄၆ နှစ်တွင် ဆေးကြောခြင်းခံယူ Ronaldo Nazrio သည် သူ၏ အသက် ၄၆ နှစ်တွင် ဆေးကြောခြင်းခံယူခဲ့သည်။ သူသည် ယခုတစ်ကြိမ်မှသာ ဘာသာရေး ပုံရိပ်များအကြောင်း ပိုစ့်တင်ခဲ့ခြင်း မဟုတ်ပါ။ (၂၀၁၆) ဗာတီကန်သို့သွားရောက်လည်ပတ်စဉ်ကလည်း ရဟန်းမင်းကြီးဖရန်စစ်၏ ဗုဒ္ဓဟူးနေ့တိုင်း စိန့်ပီတာရင်ပြင်၌ ဘုရားဖူးများနှင့်တွေ့ဆုံဆုတောင်းသောအခမ်း အနား၌လည်းပါ၀င်ခဲ့သည့်ပုံရိပ်များကိုလည်းတင်ခဲ့ဖူးသည်။ ယခင်နှစ် (၂၀၂၂) က Camino de Santiago (ဆန်တီယေဂိုသို့လမ်းလျှောက်ခြင်း) လှုပ်ရှား မှု၌သူကိုယ်တိုင်ပါ၀င်ခဲ့သည်။ သူ့အားဆေးကြောခြင်းစက္ကရာမင်တူးပေးသောဘုန်းတော်ကြီးမှာ ဖာသာရ် Fabio…

ပုပ်ဖရန်စစ်၏ မွန်ဂိုးလီးယားတမန်တော်ခရီးစဉ်လှုပ်ရှားမှုများ ပုပ်ရဟန်းမင်းကြီးဖရန်စစ်အရှင်သူမြတ်ကသူသည် မွန်ဂိုးလီးယားသို့ငြိမ်းချမ်းရေးခရီးသွားတစ်ဦးအဖြစ်ရောက်ရှိလာခြင်းဖြစ်သည် ဟုဧည့်သည်တော်သမ္မတ အိမ်တော်ရှိ ဧည့်သည်တော် မှတ်တမ်း၌ရေးသားလက်မှတ်ထိုးခဲ့သည်။ ရဟန်းမင်း ကြီးအား Sukhbaatar ရင်ပြင်၌ လှိုက်လှဲနွေးထွေးသော၊ လွန်စွာခမ်းနားကြီးကျယ်စွာကြိုဆိုခဲ့သည်။ ထိုရင်ပြင်၌ မွန်ဂိုးလီးယားနိုင်ငံအားတည်ထောင်ခဲ့သော Chinggis Khan ဘုရင်၏ရုပ်တုလည်းတည်ဆောက်ထားသည်။ ရဟန်းမင်းကြီးအား ရိုးရာ၀တ်စုံအပြည့်၀တ်ဆင်ထားသော နိုင်ငံတော်သမ္မတ Khurelsukh၊ လွှတ်တော်အဖွဲ့အ၀င်များ၊ ဘာသာရေးခေါင်းဆောင်များနှင့်ဗာတီကန်၀န်ထမ်းတို့ကကြိုဆိုခဲ့ကြသည်။ ရဟန်းမင်းကြီးအား ကြိုဆိုသည့်အခမ်း အနား၌ ရှေးဟောင်းစစ်၀တ်စုံအပြည့်၀တ်ဆင်ထားသောကြည်းတပ်နှင့်မြင်းတပ်တို့၏စစ်ရေးပြအခမ်းအနားလည်းပါ၀င်ခဲ့သည်။ ထို့နောက်နှစ်နိုင်ငံ၏နိုင်ငံတော် သီချင်းကိုသီဆိုနေစဉ် ရဟန်းမင်းကြီးသည်လုံခြုံရေး၀န်ထမ်းများခြံရံလျှက် နိုင်ငံတော်၏အိမ်တော်သို့ကြွလာခဲ့သည်။ နိုင်ငံတော်၏အိမ်တော်အတွင်း၌ သိုးမွေးမြူသောသူတို့အသုံးပြုခဲ့သည့် တဲ၌တွေ့ဆုံမှုကိုစီစဉ်ထားသည်။ ယခုကဲ့သို့ ရဟန်းမင်းကြီးနှင့်နိုင်ငံတော်သမ္မတတို့သီးသန့်တွေ့ဆုံရန် ပုံဖော်စီစဉ်ထားခြင်းလည်း ဖြစ်သည်။…

လာမည့်အထွေထွေရွေးကောက်ပွဲနှင့်စပ်လျင်း၍ နိုင်ဂျီးရီးယားကက်သလစ်ဆရာတော်ကြီးများအဖွဲ့ချုပ်၏စိုးရိမ်မကင်သောထုတ်ပြန်ကြေညာချက်ထွက်ပေါ်လာခဲ့ နိုင်ဂျီးရီးယားနိုင်ငံသည် ခရစ်ယာန်များကိုဗဟိုပြုတိုက်ခိုက်မှုအမြင့်မားဆုံးသောကမ္ဘာ့နိုင်ငံများစာရင်း၀င်သည်။ မကြာခဏ ကက်သလစ်ဘုန်းတော်ကြီးများ၊ သီလရှင်များ၊ ဘာသာ၀င်များဘုရားရှိခိုးနေစဉ်၊ ကျောင်းတိုက် ၌ရှိနေစဉ်၊ ရွာများဆီသို့တမန်တော်ခရီးသွားရောက်စဉ်၊ ခရီးထွက်နေစဉ်များ၌အမည်မသိသောလက်နက် ကိုင်အဖွဲ့အစည်းများ၏မတရားဖမ်းဆီးထိန်းသိမ်းထားခြင်းကိုပတ်နှင့်ကြာ၊ လနှင့်ကြာ၊ နှစ်ချီကြာသည်များလည်းရှိနေသည်။ ထိုသို့ခြိမ်းခြောက်မှုများလက်တွေ့ဖြစ်နေသော်လည်း နိုင်ဂျီးရီးယားကက်သလစ်ဆရာ တော်ကြီးများအဖွဲ့ချုပ်က လာမည့်ရွေးကောက်ပွဲနှင့်ပတ်သက်၍ ဆရာတော်ကြီးများအဖွဲ့ချုပ်၏စိုးရိမ်စိတ်ကိုပွင့်လင်းစွာကြေညာချက်ထုတ်ပြန်လာခဲ့သည်။ သမ္မတရွေးကောက်ပွဲကိုကျင်းပရန်အစီအစဉ်သည် မသေချာမရေရာဖြစ်နေသည်။ ရွေးကောက်ပွဲကော်မရှင်သည် ဆက်လက်၍ လုပ်ဆောင်လျှက်ရှိသည်။ နိုင်ဂျီးရီးယားကက်သလစ်ဆရာတော်ကြီးများအဖွဲ့ ချုပ်၏ဥက္ကဌဖြစ်သူ ဂိုဏ်းချုပ်ဆရာတော် Lucius Iwejuru Ugorji က ရွေးကောက်ပွဲနှင့်စပ်လျင်း၍ (၂၀၂၃) Abuja ၌ကျင်းပသော ဆရာတော်ကြီးများ၏နှစ်၀က်အစည်းအ‌ဝေး၌ထုတ်ဖော်ပြောကြားလာပါသည်။ ဆရာတော်ကြီးက ရွေးကော်၏ အရည်…

စက်တင်ဘာ (၁၁) ၏အဖြစ်ဆိုးမှသူရဲကောင်းကြီး ရာသက်ပန်ဦးပဉ္ဇင်းးကြီးအဖြစ်ခံယူ ကက်သလစ်သာသနာ၌ ဦးပဉ္ဇင်း (၂) မျိုးရှိပါသည်။ တစ်မျိုးမှာ ထာ၀ရရဟန်းသိက္ခာ ထပ်ခြင်းကိုခံယူရန်စောင့်စားနေသောဦးပဉ္ဇင်းနှင့်ရာသက်ပန်ဦးပဉ္ဇင်းဟူ၍ဖြစ်ပါသည်။ ဤရာသက်ပန်ဦးပဉ္ဇင်းမှာကက်သလစ်သာသနာတော်ကြီးမှအတိအလင်းဥပဒေများချမှတ်၍သတ်မှတ်ထားသောအမှုတော်ဆောင်အသက်တာတစ်ခုဖြစ်သည်။ မြန်မာနိုင်ငံ၌မူ ရင်းနှီးမှုသိပ်မရှိသောအမှုတော်ဆောင်တစ်ခုဖြစ်သည်။ သို့သော် ရာ သက်ပန်ဦးပဉ္ဇင်းမှုတော်ဆောင်အသက်တာကိုကြားဖူးသောဘာသာတူများလည်းရှိပေမည်။ ယခုရာသက်ပန်ဦးပဉဇင်းသိက္ခာကိုခံယူခဲ့သူမှာ Paul Carris ဟုခေါ်သည်။ သူသည် အမေရိကန်ပြည် ထောင်စုအတွက်မေ့မရနိုင်သော စက်တင်ဘာ (၁၁) ရက်နေ့၏အနိဌာရုံကိုကြုံတွေ့ဖြတ်သန်းခဲ့သူတစ်ဦးလည်းဖြစ်သည်။ စက်တင်ဘာ (၁၁) ဟုထိုသွေးပျက်စရာအဖြစ်သနစ်ဖြစ်ခဲ့သည့်ရက်စွဲကိုအစွဲပြု၍ အလွယ် တကူခေါ်ခြင်းဖြစ်သည်။ အမှန်မှာ အမေရိကန်နိုင်ငံ၏စီးပွားရေးအမွှာမျှော်စင်ကြီးအား အစွန်းရောက်အ ကြမ်းဖက်အဖွဲ့များကလေယာဉ်ဖြင့်ဆင့်ကဲတိုက်ခိုက်ခဲ့သည့်နေ့ကိုညွှန်းဆိုခြင်းဖြစ်သည်။ ထိုအခင်းမဖြစ်ပျက်မီအချိန်ထိ Paul Carris ဆိုသူသည်…

နာဇီဂျာမဏီလက်ထက် ကက်သလစ်သာသနာတော်ကြီးမှကယ်တင်ပေးခဲ့သောဂျူးလူမျိုး (၃၂၀၀) ရှိခဲ့ နာဇီဂျာမဂီလက်ဇောင်းထက်ချိန် ရောမရှိ ကက်သလစ်ဘုရားကျောင်းများ၊ အဆောက်အဦးများ၊ အသင်းအဖွဲ့များ၌ အသက်ဘေးမှကင်းလွှတ်ရန်ခိုလှုံခဲ့ကြသောဂျူးလူမျိုး (၃၂၀၀) ရှိကြောင်း စာရင်းပြုစုနိုင်ခဲ့သည်။ ထုတ်ပြန်လာသောစာရင်းများကိုထောက်၍ ရောမရှိဂျူးအသင်းအဖွဲ့များနှင့်ဂျူးလူမျိုးအစုလိုက်အ ပြုံလိုက်သတ်ဖြတ်ခံရသည့်အရေးကိုစမ်းစစ်လေ့လာသောနိုင်ငံတကာအဖွဲ့ (the International Holocaust) ကလည်း ပျောက်ဆုံးဦးရေစာရင်းနှင့်ချိန်ညှိကြည့်ရာဖြစ်နိုင်ချေရှိသောစာရင်းအင်းဖြစ်နေ သည်ဟုရောမမြို့ရှိဂျူးအဖွဲ့အစည်း၏ တာ၀န်ခံ Claudio Procaccia ပြောကြားခဲ့သည်။ နာဇီဂျာမဏီရောမမြို့ကို၀င်စီးချိန်၌ ရောမမြို့၌မှီသင်းနေထိုင်နေသောဂျူးလူမျိုး (၂၀၀၀) ကိုဖမ်းဆီးသွားခဲ့သည်။ ထိုဖမ်းဆီးခံသွားခဲ့သောဂျူးလူမျိုးအချို့သည် လက်ရှိတရားဇရပ်၏ပတ်၀န်းကျင်း၌နေထိုင်ခဲ့ကြသူများဖြစ်သည်ဟု၄င်းကဆိုပါသည်။ အာဗီအေဘာသာပြန်-ဖာသာရ်ကလဲမင့်အားတယ်

လာချိဒ် ဘာသာစကားဖြင့် ပထမဦးဆုံးအကြိမ် ကက်သလစ်ဘာသာသူများ၏ မစ္ဆားတရားပူဇော် စက်တင်ဘာလ၊၁၈ ရက်၊၂၀၂၃ ခုနှစ်။ ကချင်တိုင်းရင်းသား မျိုးနွယ်စုထဲမှ လာချိဒ် လူမျိုး ကက်သလစ်ဘာသာဝင်များ ၏ ပထမဦးဆုံး အကြိမ် အဖြစ် မိမိတို့၏ လာချိဒ် ဘာသာစကားဖြင့် မစ္ဆားတရား တော်မြတ်ပူဇော်ခြင်းအား ရှမ်းပြည်နယ်မြောက်ပိုင်း၊ လားရှိုး ကက်သလစ် သာသနာ ၊လားရှိုးမြို့ ယေဇူးရွှေနှလုံးတော် ဘုရားရှိခိုးကျောင်းတွင် ၂၀၂၃ ခုနှစ်၊ စက်တင်ဘာလ၊ (၁၆) ရက်နေ့ ၊စနေနေ့ နံနက် (၁၁း၀၀) နာရီအချိန်၌ အောင်မြင်စွာကျင်းပနိုင်ခဲ့သည်။ ပထမ…

ကိုးရီးယားကျွန်း၏ငြိမ်းချမ်းရေးသည် ကျွန်ုပ်၏အတွေးထဲ၊ ဆုတောင်းခြင်း၌အစဉ်ရှိဟုပုပ်ဖရန်စစ်မိန့်ကြား စိန့်အန်ဒရူးကင်းမ်တေဂွန်သည် ကိုးရီးယားနိုင်ငံ၏ပထမဦးဆုံးကက်သလစ်ရဟန်းလည်းဖြစ်ပြီး ဓမ္မအာဇာနည်တစ်ပါးလည်းဖြစ်သည်။ ရဟန်းမင်းကြီးဖရန်စစ်သည် (၂၀၁၄) တောင်ကိုးရီးယားသို့ကြွရောက်စဉ်က ဓမ္မအာဇာနည်ကြီး၏ဇာတိချက်ကြွေမြေသို့ကြွရောက်ဆုတောင်းခဲ့သည်။ ရဟန်းမင်းကြီးက ဓမ္မအာ ဇာနည်ကြီးအား ဧ၀ံဂေလိတရားဟောကြားသူတို့စံထားရမည့်သူဟုသူ၏တရားထောက်ရူချက်၌ထည့်သွင်းဂုဏ်ပြုမိန့်ကြားခဲ့သည်။ ယခုအခါ ဓမ္မအာဇာနည်ကြီးအားဂုဏ်ပြုသောအားဖြင့် သူ၏ဆင်းတုတော်ကို ရောမမြို့၊ ဗာတီကန်ရှိ စိန့်ပီတာဘုရားကျောင်းကြီးပြင်ပ၌ ဘုရားဖူးများဖူးမြှော်နိုင်ရန်ထားရှိသည့်အခမ်းအနားကိုကျင်းပခဲ့သည်။ အ ခမ်းသို့ ကိုးရီးယားမှဘုရားဖူး (၃၀၀) ပါ၀င်ခဲ့ကြသည်။ ရဟန်းမင်းကြီးဖရန်စစ်က ကိုးရီးယားမှဘုရားဖူးအဖွဲ့နှင့်တွေ့ဆုံစဉ်၌ ဓမ္မအာဇာနည်ကြီးသည် သူလူလားမြောက်ကြီးပြင်းခဲ့ရသောကာလ၌ စစ်မြေပြင်ဖြစ်နေခဲ့သော်လည်း သူသည်အမုန်းတရား၏လောင်းရိပ်အောက်မရောက်ခဲ့ပေ။ ငြိမ်းချမ်းရေးမျိုးစေ့ကိုကြဲသူဖြစ်လာခဲ့သည်။ သူ၏စံပြုထိုက်သောအသက်တာသည် ကိုးရီးယားကျွန်းစွယ်အတွက်လည်းကောင်း၊ ကမ္ဘာကြီးတစ်ခု လုံးအတွက်လည်းကောင်း ကြိုတင်ဟောကိန်းတစ်ခုဖြစ်ခဲ့သည်။ သူနှင့်အတူခရီးသွားဖော်ဖြစ်ရခြင်း၊ ပြန်…