ကျန်းမာရေးပြန်လည်ကောင်းမွန်ရေး ဆရာဝန်များ အကြံပြုချက်ကြောင့် ပုပ်ရဟန်းမင်းကြီး လီယို (၁၄) အာစီစီခရီးစဉ် ဖျက်သိမ်း။

ပုပ်ရဟန်းမင်းကြီး လီယို (၁၄) သည် မကြာသေးမီက ပြုလုပ်ခဲ့သည့် ရင်ဘတ်ခွဲစိတ်ကုသမှုအပြီး ကျန်း မာရေး ပြန်လည်ကောင်းမွန်လာစေရန် အချိန်ပိုပေးရန် ဆရာဝန်များ၏ အကြံပြုချက်အရ အောက် တို ဘာ ၂၇ ရက်တွင် သွားရောက်ရန် စီစဉ်ထားသည့် အာစီစီ (Assisi) ခရီးစဉ်ကို သွားရောက်မည် မဟုတ်ပါ။

ပုပ်ရဟန်းမင်းကြီး၏ ကျန်းမာရေး ပြန်လည်ကောင်းမွန်လာမှုမှာ အလွန်ကောင်းမွန်လျက်ရှိသော်လည်း ခွဲစိတ်ကုသမှုပြုလုပ်ခဲ့သည်မှာ မကြာသေးသည့်အတွက် ကြိုတင်ကာကွယ်သည့်အနေဖြင့် စီစဉ်ထား သော ဟယ်လီကော်ပတာခရီးစဉ်ကို ရှောင်ကြဉ်ရမည်ဖြစ်ကြောင်း ဗာတီကန်သတင်းပြန်ကြားရေးရုံးက သောကြာနေ့တွင် ကြေညာခဲ့သည်။

အဓိကအချက်များ –

•        အာစီစီအစည်းအဝေး – ပုပ်ရဟန်းမင်းကြီးသည် ၁၉၈၆ ခုနှစ်တွင် ရဟန္တာပုပ်ရဟန်းမင်းကြီး ဂျွန် ပေါလ် (၂) စတင်ခေါ်ယူခဲ့သည့် သမိုင်းဝင် “ငြိမ်းချမ်းရေးအတွက် ကမ္ဘာ့ဆုတောင်းပွဲနေ့” အနှစ် (၄၀) ပြည့် အထိမ်းအမှတ်အဖြစ် ကျင်းပသည့် “Unarmed and Disarming Peace” အစည်းအဝေးသို့ တက် ရောက်ရန် စီစဉ်ထားခဲ့ခြင်း ဖြစ်သည်။

•        အထူးသဝဏ်လွှာ – ကိုယ်တိုင်မတက်ရောက်နိုင်သော်လည်း နိုင်ငံပေါင်း ၅၃ နိုင်ငံမှ ကိုယ်စား လှယ်များကို စုစည်းပေးမည့် St. Egidio အသိုင်းအဝိုင်း၏ ပွဲသို့ တက်ရောက်လာကြသည့် ပွဲစီစဉ်သူ များ၊ ဘာသာရေးခေါင်းဆောင်များနှင့် နိုင်ငံတကာဧည့်သည်တော်များအတွက် ပုပ်ရဟန်းမင်းကြီးက ထောက်ခံအားပေးသည့် သဝဏ်လွှာတစ်စောင် ပေးပို့မည်ဖြစ်သည်။

•        ကျန်းမာရေးအခြေအနေ ကောင်းမွန်သည့်သတင်း – ရင်ဘတ်ဓာတ်မှန် (X-ray) ပြန်လည်ရိုက် ကူးစစ်ဆေးမှုအရ ခွဲစိတ်ပြီးနောက်ပိုင်း ကျန်းမာရေးပြန်လည်ကောင်းမွန်လာမှုမှာ “အလွန်ကောင်း မွန် ကြောင်း” ဆရာဝန်များဖြစ်ကြသည့် ဒေါက်တာ Luigi Carbone နှင့် ပရိုဖက်ဆာ Stefano Margaritora တို့က အတည်ပြုခဲ့သည်။

•        ယခင်ခွဲစိတ်ကုသမှု – ပုပ်ရဟန်းမင်းကြီးသည် အောက်တိုဘာ ၁၃ ရက်က ညာဘက်အဆုတ်၏ အောက်ပိုင်းအစိတ်အပိုင်းကို ဖယ်ရှားသည့် ခွဲစိတ်ကုသမှုကို ခံယူခဲ့သည်။ နောက်ဆက်တွဲ စစ်ဆေးမှု များအရ အဆုတ်ကင်ဆာကျိတ် (malignant lung adenocarcinoma) အားလုံးကို အောင်မြင်စွာ ဖယ်ရှားနိုင်ခဲ့ပြီး “ထပ်မံကုသမှု ပြုလုပ်ရန် မလိုအပ်တော့ကြောင်း” အတည်ပြုခဲ့သည်။

ပဋိပက္ခများပြားသည့် ယနေ့ခေတ်ကာလတွင် “အာစီစီ၏ စိတ်ဓာတ်” (Spirit of Assisi) နှင့် ဘာသာ ပေါင်းစုံ ဆွေးနွေးပွဲများသည် ငြိမ်းချမ်းရေးတည်ဆောက်ရန်အတွက် အလွန်အရေးပါသော အရင်း အမြစ်များဖြစ်ကြောင်း ပုပ်ရဟန်းမင်းကြီးက အခိုင်အမာ ယုံကြည်ထားသည်။

ပုပ်ရဟန်းမင်းကြီး ကျန်းမာရေး အမြန်ဆုံးနှင့် ဆက်လက်ကောင်းမွန်ပါစေကြောင်း ဆုမွန်ကောင်း တောင်းပေးလိုက်ပါတယ်။

သင့်ရဲ့ ဆုမွန်ကောင်းများကိုလည်း အောက်က ကွန်မန့်မှာ ရေးသားခဲ့နိုင်ပါတယ်နော်။

#PopeLeoXIV #VaticanNews #Assisi #Peace #HealthUpdate #CatholicChurch

Fr. Peter Kyi Maung

Credit: Vatican News

https://www.vaticannews.va/en/pope/news/2026-10/pope-leo-xiv-cancels-october-27-visit-assisi.html