ပျက်စီးဆုံးရှုံးမှုကြီးမားသော နီပေါ ရေကြီးရေလျှံမှုတွင် ထိခိုက်ခံစားရသူများအတွက် ပုပ်ရဟန်းမင်း ကြီး လီယို ဆုတောင်းပေး။
ဟိမဝန္တာ ရေခဲမြစ် ပြိုကျမှုကြောင့် နီပေါနှင့် အိမ်နီးချင်း တိဘက်ဒေသတို့တွင် ဖြစ်ပွားခဲ့သည့် ပျက်စီး ဆုံးရှုံးမှုကြီးမားသော လျှပ်တစ်ပြက် ရေကြီးရေလျှံမှုများအတွက် Pope Leo XIV က ဝမ်းနည်းကြောင်း ပြောကြားခဲ့ပြီး ဆုတောင်းမေတ္တာ ပို့သခဲ့သည်။
ဘေးအန္တရာယ် အခြေအနေ- ရေခဲမြစ် ပြိုကျမှုကြောင့် ဖြစ်ပေါ်လာသည့် ရေ၊အမှိုက်သရိုက် ရေလှိုင်း ကြီးသည် နီပေါ-တရုတ် နယ်စပ်တစ်လျှောက်ရှိ အိမ်ခြေများ၊ လမ်း၊ တံတားများနှင့် လျှပ်စစ်ဓာတ် အား လိုင်းများကို ပျက်စီးစေခဲ့သည်။ ရေခဲမြစ်ပြိုကျသည့် တုန်ခါမှုအား ပထမတွင် ငလျင်လှုပ်သည်ဟုပင် မှားယွင်းထင်မှတ်ခဲ့ကြသည်။
သေဆုံးနှင့် ပျောက်ဆုံးသူများ- နီပေါတွင် လူ ၃၅၀ ကျော် သေဆုံးပြီး ၉၀၀ ကျော် ပျောက်ဆုံး နေသကဲ့ သို့ တိဘက်တွင်လည်း ရာပေါင်းများစွာ ပျောက်ဆုံးနေဆဲ ဖြစ်သည်။ ပျောက်ဆုံးနေသူများထဲတွင် ကိုင် လာရှ်တောင် (Mount Kailash) ကဲ့သို့သော ဘုရားဖူးစခန်းများသို့ လာရောက်သည့် နိုင်ငံခြားသား ဘုရား ဖူးများစွာ ပါဝင်သည်။ ပုပ်ရဟန်းမင်းကြီး၏ တုံ့ပြန်မှု- နိုင်ငံခြားရေးဝန်ကြီး ကာဒီနယ် Pietro Parolin မှတစ်ဆင့် ပေးပို့သော ကြေးနန်းစာတွင် ပုပ်ရဟန်းမင်းကြီးက သေဆုံးသူများအတွက် ဘုရားသခင်ထံ မေတ္တာရပ်ခံပေးခဲ့ပြီး ကျန်ရစ်သူမိသားစုများနှင့် ထပ်တူ ဝမ်းနည်းရပါကြောင်း၊ ကယ်ဆယ်ရေး လုပ် သားများနှင့် ဘေးသင့်သူများအတွက် ဆုတောင်းပေးနေကြောင်း ဖော်ပြထားသည်။
ကယ်ဆယ်ရေး နှင့် ကူညီထောက်ပံ့မှုများ- အရေးပေါ် ကယ်ဆယ်ရေးဝန်ထမ်း ထောင်ပေါင်း များစွာ သည် ဟယ်လီကော်ပတာများကို အသုံးပြု၍ အကူအညီများ ပေးပို့ခြင်းနှင့် လွတ်မြောက်လာသူများကို ကယ်ထုတ်ခြင်းတို့ ပြုလုပ်နေသော်လည်း မြေပြိုမှုများနှင့် ပျက်စီးနေသော အခြေခံအဆောက်အအုံ များကြောင့် အခက်အခဲဖြစ်ပေါ်နေသည်။ ကုလသမဂ္ဂနှင့် အိမ်နီးချင်းနိုင်ငံများမှ နိုင်ငံတကာ အကူအညီ များလည်း စတင်ရောက်ရှိနေပြီဖြစ်သည်။ ရာသီဥတု သက်ရောက်မှု- ယခု ဖြစ်စဉ်သည် ကမ္ဘာ့အပူချိန် မြင့်တက်လာမှုကြောင့် ဟိမဝန္တာ ရေခဲမြစ်များ မတည်ငြိမ်ဖြစ်လာသည့် အန္တရာယ်အပေါ် စိုးရိမ်မှုများကို ပိုမိုမြင့်တက်စေခဲ့သည်။
Fr. Peter Kyi Maung
Credit to Vatican News
