ရာသီဥတုအကျပ်အတည်းသည် လူမှုစီးပွားအကျပ်အတည်း၏ ပြသမှုတစ်ခုဖြစ်ခြင်း။
၂၀၂၆ ခုနှစ် ဇွန်လ ၁၆ ရက်နေ့တွင် ကျင်းပခဲ့သည့် (၁၀) ကြိမ်မြောက် ဩစတြီးယား ကမ္ဘာ့ထိပ် သီး အ စည်းအဝေး (Tenth Austrian World Summit) သို့ ပုပ်ရဟန်းမင်းကြီး လီယို (၁၄) ခုမြောက် ပေးပို့ ခဲ့သော ဗီဒီယိုသဝဏ်လွှာ အကျဉ်းချုပ်
- နည်းပညာထက် အခြေခံအကြောင်းရင်းကို ဖြေရှင်းရန် လိုအပ်ခြင်း။ ။ ရာသီဥတုအကျပ် အ တည်းကို နည်းပညာဆိုင်ရာ ဖြေရှင်းချက်များသက်သက်ဖြင့် မဖြေရှင်းနိုင်ကြောင်း၊ ၎င်းသည် ပိုမိုကျယ်ပြန့်သော လူမှုစီးပွားအကျပ်အတည်း၏ အရေးကြီးသော ပြသမှုတစ်ခုသာဖြစ် ကြောင်း ပုပ်ရဟန်းမင်းကြီးက အလေးအနက် မိန့်ကြားခဲ့သည်။
- လူ့အခွင့်အရေးနှင့် ဂုဏ်သိက္ခာ။ ။ စစ်မှန်သော ဖြေရှင်းနည်းများ ရရှိနိုင်ရန်အတွက် လူသားအား လုံး၏ တန်းတူညီမျှသော ဂုဏ်သိက္ခာ၊ လူမှုရေးတရားမျှတမှုနှင့် ဘုံအကျိုးစီးပွား စသည့် အခြေ ခံကျသော လူမှုရေးနှင့် ကျင့်ဝတ်ဆိုင်ရာ ပြဿနာများကို ဦးစွာဖြေရှင်းရမည် ဖြစ်သည်။
- ထိခိုက်လွယ်သူများကို အကာအကွယ်ပေးခြင်း။ ။ ၎င်း၏ Magnifica humanitas စာချွန်တော်ကို ကိုးကား၍ ပတ်ဝန်းကျင်ပျက်စီးမှုဒဏ်ကို အဆိုးရွားဆုံး ခံစားနေရသည့် အဆင်းရဲဆုံးနှင့် ထိခိုက် အလွယ်ဆုံး ပြည်သူများကို မည်သည့်ပတ်ဝန်းကျင်ဆိုင်ရာ မဟာဗျူဟာတွင်မဆို ဦးစားပေး ထည့်သွင်းရမည်ဖြစ်ကြောင်း ပုပ်ရဟန်းမင်းကြီးက တိုက်တွန်းခဲ့သည်။
ယုံကြည်ခြင်းက သက်ရှိများနှင့် သဘာဝတရားကို ကာကွယ်ရန် ကူညီပေးခြင်း
- မြင့်မြတ်သော တာဝန်ဝတ္တရား။ ။ ဘာသာရေးအမြင်အရ ဤကမ္ဘာမြေကို ဘုရားသခင်က ဖန် ဆင်းခဲ့ပြီး အခြေခံအားဖြင့် ကောင်းမွန်သည်ဟု ယုံကြည်ကြသူများသည် မိမိတို့၏ ကိုးကွယ်ယုံ ကြည်မှုအရ ဖန်ဆင်းခံလောကကို စောင့်ရှောက်ရန် ပိုမိုကြီးမားသော တာဝန်ရှိသည်ဟု ခံယူကြ ရမည်ဖြစ်သည်။
- သီလရှိသော အသက်တာ။ ။ ပုပ်ရဟန်းမင်းကြီး ဖရန်စစ်၏ Laudato Si’ စာချွန်တော်ကို ကိုးကား လျက် ဘုရားသခင်၏ လက်ရာမွန်များကို အကာအကွယ်ပေးခြင်းသည် သီလရှိသော အသက် တာကို လျှောက်လှမ်းရန် အခြေခံလိုအပ်ချက်ဖြစ်ကြောင်း ပုပ် ရဟန်းမင်းကြီး လီယိုက အတည် ပြုခဲ့သည်။
- ဘာသာပေါင်းစုံ၏ ဘုံတန်ဖိုးများ။ ။ ကမ္ဘာ့ဘာသာအသီးသီးက ဖန်ဆင်းခံလောကကို ဘုရားသ ခင်၏ လက်ဆောင်အဖြစ် ရှုမြင်ကြပြီး အသက်၏ မြင့်မြတ်မှုကို အလေးထားကြသောကြောင့် ဘာသာရေးဆိုင်ရာ ယုံကြည်မှုများသည် သဘာဝတရားကို စောင့်ရှောက်ရန် ကမ္ဘာလုံးဆိုင်ရာ ကြိုးပမ်းမှုများကို ပိုမိုခိုင်မာစေသည်။
မျှော်လင့်ချက်သည် အားကောင်းသော တွန်းအားတစ်ခုဖြစ်ခြင်း
- ကြောက်ရွံ့မှုများကို ကျော်လွှားခြင်း။ ။ ရာသီဥတုဆိုင်ရာ ဆွေးနွေးပွဲများသည် လမ်းကြောင်း ဟောင်းမှ ခွဲထွက်ရန် ကြောက်ရွံ့ခြင်း၊ အာဏာလက်လွှတ်ရမည်ကို စိုးရိမ်ခြင်း သို့မဟုတ် မရေ ရာသော ရလဒ်များကို တွေးကြောက်ခြင်းတို့ကြောင့် မကြာခဏဆိုသလို ကြန့်ကြာတတ်ကြောင်း ၎င်းက အသိအမှတ်ပြုခဲ့သည်။ ထို့ကြောင့် ဤကြောက်ရွံ့မှုများကို ကျော်လွှားရန် ခိုင်မာသော နိုင်ငံတကာ ပူးပေါင်းဆောင်ရွက်မှုနှင့် “အမြော်အမြင်ရှိသော ဘက်စုံဝါဒ” ကို ကျင့်သုံးရန် တိုက် တွန်းခဲ့သည်။
- COP30 အတွက် မျှော်မှန်းချက်။ ။ မျှော်လင့်ချက်သည် COP30 အလွန်တွင် အမြတ်အစွန်းထက် ဘုံအကျိုးစီးပွားကို ဦးစားပေးပြီး၊ စီးပွားရေးပုံစံများကို စည်းလုံးညီညွတ်မှုနှင့် လူ့ဂုဏ်သိက္ခာ အပေါ် အခြေခံသည့် လူ့အဖွဲ့အစည်းများဆီသို့ တရားမျှတစွာ ကူးပြောင်းနိုင်ရန် တွန်းအားပေး နိုင်သည်။
- ဘဏ္ဍာရေး ပြုပြင်ပြောင်းလဲမှု။ ။ ၎င်းကို အကောင်အထည်ဖော်ရန်အတွက် ချမ်းသာသောနိုင်ငံ များက ဆင်းရဲသောနိုင်ငံများကို ဘဏ္ဍာရေးအရ ကူညီပံ့ပိုးပေးရန် လိုအပ်ပြီး လူသားကို ဗဟိုပြု သည့် နိုင်ငံတကာ ဘဏ္ဍာရေးမူဘောင်အသစ်တစ်ခုကိုလည်း တည်ဆောက်ပေးရမည် ဖြစ် သည်။
မေတ္တာတရား၏ ယဉ်ကျေးမှုကို တည်ဆောက်ခြင်း
- ဂရုစိုက်တတ်သော ယဉ်ကျေးမှု။ ။ ပတ်ဝန်းကျင်ကို စစ်မှန်စွာ ဂရုစိုက်တတ်သည့် ယဉ်ကျေး မှုတစ်ရပ် ပေါ်ထွန်းလာစေရန် ပုပ်ရဟန်းမင်းကြီး ဖရန်စစ် ခေါ်ဆိုခဲ့သည့် “လူထုနှင့် နိုင်ငံရေး ဆိုင်ရာ မေတ္တာတရား” (Civic and political love) ကို မွေးမြူရန် လိုအပ်ကြောင်း ထောက်ပြခဲ့ သည်။
- အမြင့်ဆုံး စံနှုန်း။ ။ လူ့အဖွဲ့အစည်းကို ပိုမိုလူသားဆန်ပြီး လူ့ဂုဏ်သိက္ခာနှင့် ညီညွတ်စေရန် အတွက် နိုင်ငံရေး၊ စီးပွားရေးနှင့် ယဉ်ကျေးမှုဆိုင်ရာ လူမှုဘဝများတွင် မေတ္တာတရားကို တန်ဖိုး အသစ်တစ်ခုအဖြစ် ထည့်သွင်းရမည်ဖြစ်ပြီး ၎င်းကို လုပ်ဆောင်ချက်အားလုံး၏ အမြဲတမ်းနှင့် အမြင့်ဆုံးစံနှုန်း ဖြစ်စေရမည်။
- နောက်ဆုံးပန်းတိုင်။ ။ ပုပ်ရဟန်းမင်းကြီးက ထိပ်သီးအစည်းအဝေးသို့ တက်ရောက်လာသူ များအနေဖြင့် ဤဂရုစိုက်မှုယဉ်ကျေးမှုကို မြှင့်တင်နိုင်ကြပြီး “မေတ္တာတရား၏ ယဉ်ကျေးမှုကြီး” ကို တည်ဆောက်ရာတွင် ပါဝင်ကူညီနိုင်ကြပါစေကြောင်း ဆုမွန်ကောင်းတောင်းရင်း နိဂုံးချုပ်ခဲ့ သည်။
Fr. Peter Kyi Maung
Photo Credit: Vatican Newsn
