rvamyanmar

အားလုံးဘဲမင်္ဂလာပါရှင် အာဗီအေမြန်မာဘာသာအစီအစဥ်နေကြိုဆိုပါတယ်။ဒီတစ်ပတ်တင်ဆက်ပေးမဲ့အကြာင်းအရာလေးကတော့ “စိတ်ဓာတ်မကျပါနဲ့ “ ဆိုတဲ့ခေါင်းစဥ်လေးနဲ့တင်ဆက်ပေးပါရစေ။ စိတ်ဓာတ်ကျနေတဲ့သော်တရှင်-လူငယ်မောင်မယ်များအတွက်ခွန်းအားတွေ၊စိတ်ကြံခိုင်မှုတွေရရှိပြီး၊အထောက်အကူတစ်စုံတစ်ခုရရှိ လိမ်မယ့်လိုလည်းမျှော်လင့်လိုတင်ဆက်ပေးလိုက်ပါတယ်ရှင်။ သော်တရှင်လူငယ်မောင်မယ်များရှင်- လှပတဲ့မနက်ဖြန်များစွာကိုတည်ဆောက်ဖို့ရန်အတွက်အနာဂတ်တိုင်းဟာရှင်သန်မှုတွေနဲ့ပြည့်၀နေမှ ဖြစ်မှာပါ။အနာဂတ်တစ်ခု၏အသက်ဆိုတာအသက်တစ်ခု၏အနာဂတ်ဘဲဖြစ်ပါတယ်။ဒါကြောင့်မို့အနာဂတ်နှင့်အသက်ဟာတစ်ခုကိုတစ်ခုကူညီထောက်ပံ့နေတက်ကြပါတယ်။လူဘ၀ဆိုတာရင်ဆိုင်ဖြေရှင်းရမဲ့ပြဿနာတစ်ခုမဟုတ်တစ်ခု၊နေထိုင်အသက်ရှင်ရမဲ့နက်နဲရာတစ်ခုဖြစ်တယ်ဆိုတဲ့ပြောဆိုသံတွေ လည်းကြားဖူးကြမှာပါ။လူလောကကြီးမှာနေထိုင်အသက်ရှင်တဲ့အချိန် အတောအတွင်ကာလလေးမှာ “အသက်တစ်ရာမနေရပေမဲ့”အမှုတစ်ရာကြုံရမယ်”ဆိုတာစကားပုံနှင့်အညီကျွန်မတို့တတွေ့ဟာအဲဒါ တွေနဲ့ပဲဖြစ်သန်းလှုပ်ရှားနေကြသူတွေပါ။လူဘ၀ကြီးဟာအလွန်ဆန်းကြယ်လှပါတယ်။ကျွန်မတို့တတွေဟာလည်းကိုယ်နည်းကိုယ်ဟန်နဲ့ဘ၀ကိုရင်ဆိုင်ဖြတ်သန်းနေကြတယ်။တခါတရံမှာအောင်မြင်မှုတွေရှိသလို၊တခါတရံလည်းကျရှုံးမှုတွေနဲ့လည်းရင်ဆိုင်နေရပါတယ်။ သော်တရှင်များရှင် ကျွန်မတို့တတွေဟာတနေ့တာမိုးလင်းကနေမိုးချုပ်တဲ့(အိပ်ယာ၀င်)တဲ့အထိအကြောင်းမျိုးစုံ၊ပြဿနာ ပေါင်းများစွာနဲ့ရင်ဆိုင်နေကြရပါတယ်။အဲဒီလိုကျရှုံးတဲ့အချိန်၊စိတ်ဓာတ်ကျတဲ့အချိန်မှာ လူငယ်များတို့ ဘ၀ကိုပြဿနာတစ်ခုလိုမမြင်လိုက်ပါနဲ့နော်။မမြင်သင့်လိုပါ။ဘုရားပေးထားတဲ့နေထိုင်အသက်ရှင်ရမဲ့ဘ၀လိုဘဲမြင်လိုက်ပါ။အကောင်းဘက်ကိုတွေးလိုက်ပါနော်။အဲဒါဆိုရင်အနာဂတ်ဆိုတာရှိလာပြီးကြိုး စားချင်သောစိတ်ဓာတ်တွေသာရှိလာမှာအမှန်ပါဘဲ။ဒါကြောင်းကျရှုံးမှု၊စိတ်ဓာတ်ကျမှုနဲ့ရင်ဆိုင်ကြုံတွေ့ရတဲ့အချိန်မှာဘ၀ကိုအရှုံးမပေးဘဲနောက်တစ်ကြိမ်ထပ်ကြိုစားကြည့်လိုက်ပါလူငယ်များတို့။ သော်တရှင်လူငယ်အပေါင်းတို့ရှင်  ဟန်ဂေရီနိုင်ငံသား(ကာရိုလီတကက်စ်) အကြောင်းလေးကိုအနည်းငယ်ပြောပြချင်ပါတယ်။ကာရိုလီတကက်စ်ဟာ အိုလံပစ်ပြိုင်ပွဲမကျင်းမခင်ရက်အနည်းငယ်အလိုလေးမှာစစ်သင်တန်းလေ့ကျင်နေချိန်လက်ပစ်ဗုံကိုပစ်မလိုရွယ်နေတဲ့အချိန်မှာပဲဗုံဟာသူလက်ထဲကနေရုတ်တရက်ပေါက်ကွဲသွားခဲ့ပါတယ်။သူသေနတ်ပစ်နေကျသူရဲ့ညာဖက်လက်ဟာလက်ကောက်၀တ်ကနေပြတ်ထွက်သွားခဲ့ပါတယ်။အဲဒီအခါမှာသူကိုယ်သူ သေချင်လောက်အောင်စိတ်ဓာတ်ကျသွားခဲ့ပါတယ်။ဘာကြောင့်လဲဆိုရင်သူမျှော်လင့်ထားတဲ့အိုလံပစ် ရွှေတံဆိပ်အိမ်မက်ပျက်ပြယ်သွားတာကြောင့်ပေါ့။လူငယ်မောင်မယ်တော်တော်များများလည်းကာရိုလီတက်စ်လိုဘ၀နဲ့ကြုံတွေရရင့် စိတ်ဓာတ်တွေကျပြီးတော့ ဒီမှာတင်လက်မြှောက်အရှုံးပေးသွားကြတာများပါတယ်။ဒါပေမဲ့ ကာရိုလီယာ အဲဒီလူတွေထဲမပါပါဘူး။သူဟာဘ၀ကိုလွယ်လွယ်နဲ့အရှုံးမပေးခဲ့ပါဘူး။ဖြစ်လာတဲ့အခြအနေတွေကို အပြစ်ပုံမချဘူး။သူကိုယ်သူသိလိုက်တယ်တဲ့အချိန်ကစပြီးတော့ငါစိတ်ဓာတ်ကျနေတာ တော်လောက်ပြီးလိုဆုံးဖြတ်လိုက်ပါတယ်။ကျနေတဲ့စိတ်ဓာတ်ကိုပြန်မြင့်တင်ပြီးတော့သူရဲ့ဘယ်ဘက်လက်နဲ့သေနတ်ပစ်စလေ့ကျင်ခဲ့ပါတယ်။သူကိုယ်သူလည်းအားပေးတယ်။ငါဘာလိုမဖြစ်နိုင်ရမှာလဲ ဆိုပြီးတော့ပေါ့။သူဟာတစ်ယောက်ထဲတောအုပ်ကြီးထဲသွားလေ့ကျင်ခဲ့ပါတယ်။ဘာကြောင်းလဲဆိုရင်သူလေ့ကျင်တာကိုပတ်၀◌န်းကျင်ကလူတွေမြင်ရင်လှောင်ပြောင်ကြမယ်။မဖြစ်နိုင်တာကိုလုပ်တယ်ဆိုပြီပြောကြမယ်။အဲဒီစကားတွေကိုမကြားချင်လို၊ကြားရင်သူပိုပြီးစိတ်ဓာတ်ကျ၊သိမ်ငယ်မှာဆိုလိုဖြစ်ပါတယ်။ဒါကြောင့် တောအုပ်ထဲသွားလေ့ကျင်ရခြင်းဖြစ်ပါတယ်။ခွန်းအားတွေ၊စိတ်သက်သာရာကိုလည်းရစေပါတယ်။မကြာမှီကာရိုလီဟာဘယ်ဖက်လက်နဲပစ်မှတ်တွေအားလုံးကိုတိတိကျကျမှန်အောင်ပစ်ရင်ဟန်ဂေရီနိုင်ငံရဲ့ပစ္စတိုသေနတ်ပစ်ချန်ပီယံတစ်ဦးဖြစ်ခဲ့တဲ့အပြင်ကမ္ဘာအိုလံပစ်ရွှေတံဆိပ်ကိုဆွတ်ခူးနိုင်သူတစ်ဦးဖြစ်ခဲ့ပါတယ်။နောက်(၄)နှစ်မှာနောက်ထပ်တစ်ကြိမ်သေနတ်ပစ်ရွှေတံဆိပ်ရခဲ့ပြန်ပါတယ်။ရွှေတံဆိပ်ဆုနှစ် ကြိမ်ဆက်တိုက်ရခဲ့သူပထမဆုံးအားကစားသမားတစ်ယောက်ဖြစ်လာခဲ့ပါတယ်။ကာရိုလီကတော့သူတသက်မှာ ဘယ်လိုမှာပြန်မရနိုင်တော့တဲ့လက်တဖက်ကိုတမ်းတငိုကြွေးနေမဲ့အစား စိတ်ဓာတ်ကြံကြံခံအားတင်းရင် ကျန်ရှိတဲ့လက်တဖက်ကိုအကောင်းဆုံး၊အကျိုးရှိစွာ မိသားစုအတွက် ၊နိုင်ငံဂုဏ်ဆောင်အတွက်၎င်း၊မိမိ၀ါသနာပါရကိုစိတ်ဓာတ်ကျခြင်းမရှိဘဲဘုရားရဲ့ကျေးဇူးခွန်းအားတွေနဲ့ပြန်ကြိုစားသွားတဲ့သူဖြစ်ပါတယ်။သူရဲ့ဘ၀အသက်တာကိုအကောင်းဆုံးအသုံးချသွားသူတစ်ဦးဖြစ်ပါတယ်။သော်တရှင်လူငယ်မောင်မယ်များတို့လည်းဆုံးရှုံးမှုတစ်ခုနဲရင်ဆိုင်ကြုံတွေရပြီဆိုရင်…

ထိန်းသိမ်းကြစေ သဘာဝအမွေ ဒီတစ်ပတ် ထိန်းသိမ်းကြစေ သဘာဝအမွေ ကဏ္ဍမှာ ” သဘာဝပတ်ဝန်းကျင်နှင့် နိုင်ငံရေးတည်ငြိမ်မှု ” ခေါင်းစဉ်ဖြင့် တင်ဆက်ပေးသွားမှာဖြစ်ပါတယ် ။ တင်ဆက် / တည်းဖြတ် – ဝီလျှံဇော်နိုင်ဦး

Earliest Education ဒီနေ့မှာ ကလေးငယ်ဘဝရဲ့ အစောဆုံး ပညာရေးအကြောင်း မျှဝေပေးချင်ပါတယ်။ အစောဆုံးဆိုတာက မွေးဖွားစကနေ အသက်ရှစ်နှစ်ထိကို ဆိုလိုတာပါ။ အဲဒီအချိန်ကနေ စပြီးတော့ တဖြည်းဖြည်း ပြောင်းလဲမှုတွေက အဆင့်လိုက်၊ အစီအရီ လူသားတယောက်အဖြစ် တိုးတက်ပြောင်းလဲလာခဲ့တာပါ။ ဒီမွေးဖွားစကနေ အသက်ရှစ်နှစ်ထိက ဘာဖြစ်လို့ အရေးကြီးဆုံးနှစ်တွေဖြစ်လဲဆိုတော့ ဖွံ့ဖြိုးဆဲအချိန်ကာလဖြစ်လို့ပါပဲ။ ကလေးငယ်လေးတွေရဲ့ အလုံးစုံ ဖွံ့ဖြိုးတိုးတက်ဖို့ ပုံစံဆွဲပြီး ပံ့ပိုးပေးနိုင်တဲ့အချိန်ကာလလဲ ဖြစ်တယ်။ မိဘက လိုသလို ပန်းပုရုပ်လို ထုဆစ်လို့ ရတဲ့အချိန်ပါပဲ။ ဒီကာလမှာ ကလေးငယ်လေးတွေ ဦးနှောက်ဖွံ့ဖြိုးတိုးတက်လာပြီး ကလေးဘဝ ပြေးလွှား…

ထိန်းသိမ်းကြစေ သဘာဝအမွေ ဒီတစ်ပတ် ထိန်းသိမ်းကြစေ သဘာဝအမွေ အစီအစဉ်မှာ ” ပျော်ရွှင်မှုမှာ စည်းကမ်းရှိပါ ” ဆိုတဲ့ခေါင်းစဉ်နဲ့ တင်ဆက်ပေးသွားမှာဖြစ်ပါတယ် ။ တင်ဆက်/တည်းဖြတ် – ဝီလျံဇော်နိုင်ဦး

ဘာသာရေးအမေးအဖြေ ကဏ္ဍအပိုင်း (၁၇) ကင်းမျှော်စင်အဖွဲ့က ယေဟောဝါသက်သေခံတွေက ဘယ်သူတွေလဲ။ ခရစ်ယာန်တွေဟုတ်ကြသလား” ဆိုတဲ့အကြောင်းကို Rev. Fr. Richard Hla Min Oo ကနေဖြေကြားပေးသွားမှာဖြစ်ပါသည်။ဒီအစီစဉ်ကိုအပတ်စဉ် စနေနေ့ည (၇းဝ၀) အချိန်တွင် ထုတ်လွှင့်ပေးသွားမှာဖြစ်ပါသည်။ရိုက်ကူး/တည်းဖြတ် – ပေါလ်

စိန့်အန်ဂျေလား_မေရီစီ (St. Angela Merici) ဇန်နဝါရီ (၂၇) သူမဟာ အူးရ်ဆူးလိုင်း သီလရှင်ဂိုဏ်း (Urauline Sisters)ကို တည်ထောင်ခဲ့တဲ့ ထင်ရှားသော ရဟန္တာမလေး တစ်ပါးဖြစ်ပါတယ်။ သူမကို ၁၄၇၄-ခုနှစ် အီတလီနိုင်ငံမှာရှိတဲ့ မြို့ငယ်လေးမှာ မွေးဖွားခဲ့ပြီး သူမငယ်စဥ်ကတည်းက သူမရဲ့ ညီမငယ်နဲ့ မိဘနှစ်ပါးကို ဆုံးရှုံးခဲ့တယ်။ ဒါကြောင့် သူမကို ချမ်းသာကြွယ်ဝတဲ့ သူမရဲ့ ဦးလေးနဲ့အတူ နေခဲ့ရပြီး အခြေခံ ပညာကိုတောင် သင်ခွင့်မရခဲ့ပေမဲ့ သူမသိသလောက်ကို လက်တွေကျင့်ကြံခဲ့ပါတယ်။ သူမကြီးပြင်းခဲ့တဲ့ ၁၆-ရာစုနှစ်မှာ လူ့အဖွဲ့အစည်းနဲ့ အသိုင်းအဝိုင်း‌တွေကြားမှာ ရုပ်ဝတ္ထုဆင်းရဲမှုအပြင် အသိဉာဏ်ဆင်းရဲမှု၊…

အားလုံးဘဲမင်္ဂလာပါ  အာဗီအေမြန်မာဘာသာအစီအစဥ်ကနေကြိုဆိုပါတယ်ရှင်။ဒီတပတ်တင်ဆက်ပေးမဲ့အကြောင်းအရာ လေးကတော့“လူမှုပေါင်းသင်းဆက်ဆံရေး”ဆိုတဲ့ခေါင်းစဥ်လေးနဲ့တင်ဆက်ပေးသွားမှာဖြစ်ပါတယ်ရှင်။ဤဆောင်းပါးအကြောင်းအရာများဟာစာရေးဆရာဦးတင်ဦးရဲ့စာအုပ်ထဲကကိုးကားထားတာဖြစ်ပါ တယ်။ သော်တရှင်များရှင်-“လူမှုပေါင်းသင်းဆက်ဆံရေး“ဟာလူနေမှုအသိုင်းအ၀ိုင်းမှာအရမ်းအရေးကြီးတဲ့အချက်ဖြစ်ပါတယ်။တ ချို့လူတွေကအရေးမကြီးဘူးလိုတော့ပြောတက်ကြပါတယ်။လူမှုပေါင်းသင်းဆက်ဆံရေးကောင်းမွန်တဲ့သူတစ်ယောက်ဟာဘယ်နေရာဒေသတွေရောက်ရောက်၊ဘယ်လိုလူမျိုးတွေနဲ့တွေ့တွေ့၊ဘယ်လိုအလုပ်အကိုင်တွေမှာဘဲဖြစ်ဖြစ်၊သူအတွက်တော့ခက်ခဲမှုမရှိလောက်ပါဘူး။ဘာကြောင့်လဲဆိုရင်ပေါင်းသင်း ဆက်ဆံရေးကောင်းမွန်သူဖြစ်တဲ့အပြင်၊ပါးနပ်မှု၊အလိုက်သိမှုတွေရှိတဲ့အတွက်ကြောင့်ဖြစ်ပါတယ်။ ကျွန်မတို့အများစုဟာပေါင်းသင်ဆက်ဆံရေးကောင်းမွန်တဲ့သူဆိုရင်သဘောကျတယ်၊ခင်မင်ရင်နှီးချင်ကြတယ်၊မိတ်ဆွေဖွဲ့၊မိတ်ဆွေဖြစ်ချင်ကြပါတယ်။မင်းသား၊မင်းသမီးတွေဖြစ်ဖြစ်၊ဈေးရောင်းသူ၊၀ယ်သူတွေဖြစ်ဖြစ်ပေါင်းသင်းဆက်ဆံရေးကောင်းတဲ့သူဆိုရင်အများစုကတော့အားပေးကြပါတယ်။သဘောကျတက်ကြပါတယ်။ပေါင်းသင်းဆက်ဆံရေးညံတဲ့သူတွေကြပြန်တော့မရင်းနှီးချင်ကြတော့ပါဘူး။ဒါအပြင်စည်းကမ်းမရှိသူ၊ကိုယ်ကျင့်တရားမကောင်းတဲ့သူကိုလဲဘယ်သူကမှာပေါင်းသင်းဆက်ဆံချင်မှာမဟုတ်ပါ။ဒါကြောင့်ပေါင်းသင်းဆက်ဆံရေးမှာကိုယ်ကျင့်တရားကောင်းချင်ဟာလဲအရေးကြီးအရာတစ်ခုဆိုတာလည်းသိထားရမှာဖြစ်ပါတယ်။ သော်တရှင်များရှင် လူဆိုတာတစ်ယောက်ထဲနေလိုမရ၊အဖွဲ့အစည်းအသိုင်းအ၀ိုင်းနဲ့နေရမှာဖြစ်ပါတယ်။ဒါကြောင့် မိမိဟာအသိုင်းအ၀ိုင်းအဖွဲ့အစည်းနဲ့နေရတာဖြစ်တဲ့အတွက်မိမိရဲ့ပတ်၀န်းကျင်ရှိပုဂ္ဂိုလ်တွေနဲ့ပြေလည်အောင်ဆက်ဆံဖို့ကလည်းလိုအပ်ပါတယ်။ပတ်၀န်းကျင်ဆိုတာအမျိုးမျိုးရှိတက်ပါသေးတယ်။ကျောင်းသားတစ်ယောက်အတွက်သူရဲ့ပတ်၀န်းကျင်ကအဓိကအားဖြင့်  ဆရာ၊မ များအတန်းသူသူငယ်ချင်းများ အတန်းဖော်များ၊ဒါအပြင် မိဘများနှင့်မောင်နှမများ၊ဖြစ်ပါတယ်။ထိုအတူပါဘဲ အလုပ်သမားတစ်ယောက်ရဲ့ပတ်၀န်းကျင်ဟာအတူလုပ်တဲ့ဘ၀တူအလုပ်သမားတွေ၊ကုမ္ပဏီ၀န်းထမ်းတွေ၊ရုံးအလုပ်မှာဆိုလဲလုပ်ဖော်ကိုင်ဖက်တွေ၊အထက်တာ၀န်ခံအဆင့် ၊ကြီးကြပ်သူအဆင့်ဆင့် ၊ညွှန်ကြားရေးမှုချုပ်၊ရာထူးအဆင့်ဆင့်၊စသည့်ဖြင့်ရှိကြပါတယ်။ရပ်ကွက်ထဲမှာလဲရပ်ကွက်လူမှုပတ် ၀န်းကျင်တွေစသည့်အမျိုးမျိုးရှိကြပါတယ်။လူငယ်တွေအနေနဲ့ဘယ်ပတ်၀န်းကျင်မျိုးကိုရောက်ရှိနေပါစေမိမိရောက်ရှိတဲ့ပတ်၀န်းကျင်မှာမိမိနဲ့ထိတွေ့ရမဲ့သူများနှင့်ဆက်ဆံမှာဆက်ဆံရေးပြေပြစ်ကောင်းမွန်ဖို့လိုပါတယ်။မိမိနေထိုင်တဲ့ပတ်၀န်းကျင်ဖြစ်ဖြစ်၊၊အဖွဲ့အစည်းအသိုင်းအ၀ိုင်းအတွင်းမှာ ဆက်ဆံရေးကောင်းကိုမထူထောင်နိုင်၊ဆက်ဆံရေးပြေပြစ်မှုမရှိရင်အဲဒီအဖွဲ့အစည်းအတွင်းမှာအခြေအနေမကောင်း၊ရလဒ်ကောင်းထူးထောင်နိုင်မှာမဟုတ်သလိုဖန်းတီးနိုင်မှာလဲမဟုတ်ပါဘူး။အလားတူပါဘဲကျွန်မတို့တဦးစီးအနေနဲ့လည်းမိမိနဲ့ထိတွေ့ဆက်ဆံရတဲ့ပတ်၀န်းကျင်မှာဆက်ဆံရေးကောင်းမထူ ထောင်နိုင်ဘူးဆိုရင်ဘ၀အောင်မြင်မှုတိုးတက်မှုရနိုင်မှာမဟုတ်ပါဘူး။ဆက်ဆံရေးပြေပြစ်ဖို့ဆိုတာလုပ်ငန်းတစ်ခုလုပ်ဖို့ဘဲဖြစ်ဖြစ်၊အလုပ်၀င်ဖို့ရန်လျှောက်လွှာတင်တဲ့အခါဖြစ်ဖြစ်၊တဦးနဲ့တဦးဆက်ဆံရေး ဟာအရမ်းကိုအရေးကြီးပါတယ်။တချို့ကဆက်ဆံရေးမကောင်းလိုအလုပ်မရလိုက်တာ၊အလုပ်ခန့်မခံရတာဟာအမှန်ဘဲဖြစ်ပါတယ်။လူငယ်တွေအနေနဲ့ဘယ်အဖွဲ့အစည်းမှာဘဲဖြစ်ဖြစ်၊ဘယ်လိုမျိုးပတ်၀န် ကျင်းအသိုင်းအ၀ိုင်းကြားမှာဘဲဖြစ်ဖြစ်၊နယ်မြေဒေသမတူညီတဲ့နိုင်ငံရပ်ခြားတွေမှာအလုပ်အကိုင်လုပ် နေကြတဲ့လူငယ်များစွာရှိကြပါပြီ။ဒီလိုစိတ်ဓာတ်အခံ၊အတွေးအခေါ်တွေ၊အယူအဆတွေဟာတဦးနဲ့တ ဦးမတူညီနိုင်ကြပါဘူးဆိုတာသိထားဖို့လိုပါတယ်။မိမိရဲ့ပတ်၀န်းကျင်မှာမိမိနဲ့မတူတဲ့သူတွေကိုလည်း တွေရမယ်၊ဆက်လက်ဆက်ဆံနေရအုံးမယ်ဆိုတာကိုအမှန်အတိုင်းပထမဦးစွာလက်ခံထားဖို့လိုပါတယ်။ ကိုယ်ပတ်၀န်းကျင်ရှိသူတွေနဲ့မိမိနဲ့မတူနိုင်တာတွေကိုသဘာ၀လိုဘဲခံယူထားနိုင်မှမိမိနဲ့သဘောထားခြင်းမတူတာကိုနားလည်သည်းခံသွားနိုင်မှာဖြစ်ပါတယ်။အဲလိုနားလည်သည်းခံစိတ်မထားနိုင်ဘူးဆိုရင် တော့တဦးနဲတဦးဟာထိတွေ့တိုင်းမှာပဋိပက္ခဖြစ်နေမယ်ဆိုရင်မိမိရဲ့လုပ်ငန်း(သို့)ရည်မှန်းချက်_မျှော်မှန်းချက်တို့မှာလဲအောင်မြင်စရာအခွင့်အလမ်းမရှိသလောက်ဖြစ်သွားမှာဖြစ်ပါတယ်။ဒါကြောင့်မို့ချစ်သောလူငယ်များအနေနဲ့ဆက်ဆံရေးကောင်းရလိုလျှင်မတူတာတွေကိုနားလည်းသည်းခံ၊လိုက်လျှော့တက် သောစိတ်ထားမျိုးထားနိုင်တဲ့၊အလေ့အကျင့်ပုံစံလိုထူထောင်ယူကြရမှာဖြစ်ပါတယ်။လူအများနဲ့ဆက်ဆံရာမှာလည်းမိမိဘက်ကိုဦးစားပေးမကြည့်ဘဲတပါးသူဘက်ကိုလည်းကြည့်တက်ဖို့လိုပါတယ်။တခါတရံမိမိဆန္ဒကိုမဖြည့်ပေးလိုမဟုတ်ဘဲဖြည့်ဆည်းပေးချင်ပေးမဲ့လည်းသူမှာအခက်အခဲရှိနေတာမျိုးရှိနေ တက်ပါတယ်။ နားလည်းပေးတက်ဖို့လိုပါတယ်။လူတွေနဲ့ဆက်ဆံရာမှာသူမှာရှိနေတဲ့အားနည်းချက်၊ချွတ်ယွင်းချက်၊မကောင်းတဲ့စရိုက်လက္ခဏတွေကိုမြင်အောင်ကြည့်တက်ဖို့လိုပါတယ်။အသိအမှတ်ပြုပေးဖို့လည်းလိုပါတယ်။မိမိအကြောင်းကိုသူတပါးအားအမှန်အတိုင်းနားလည်အောင်ပြောပြ ထားဖို့လိုပါတယ်။ဒါကြောင့်ကျွန်မတို့အချင်းချင်းဆက်ဆံရေးမှာအချင်းချင်းနားလည်နိုင်မှာသာလျှင်ပြေလည်နိုင်မှာဖြစ်လိုနားလည်ပေးခြင်းဟာဆက်ဆံရေးမှာအရေးပါအရာရောက်ပါတယ်။ဆက်ဆံရေး ကောင်းတဲ့သူ၊နားလည်ပေးတက်သူတွေမှာအပေါင်းအသင်းမရှာပါဘူး။ အနာဂတ်ကိုအလှဆင်ပေးကြမဲ့လူငယ်များရှင်-လူငယ်များလည်းဘယ်အဖွဲ့အစည်း၊အသိုင်းအ၀ိုင်းတွေ မှာဘဲဖြစ်ဖြစ်စည်းကမ်းရှိပြီး၊ကိုယ်ကျင့်တရားကောင်းတဲ့သူ၊ဘ၀အောင်မြင်အတွက်ပေါင်းသင်းဆက်ဆံရေးကောင်းမွန်သူဖြစ်ဖို့လိုအပ်ပါတယ်။အခုတင်ဆက်ပေးတဲ့ကြောင်းအရာလေးဟာသော်တရှင်များအတွက်အထောက်အကူဖြစ်စေမဲ့လိုလဲမျှော်လင့်မိပါတယ်ရှင်။ဒီတပတ်အတွက်လူငယ်အစီအစဥ်လေးကိုဒီလောက်နဲ့ဘဲရပ်နားပါရစေ။နားဆင်ကြည့်ရှုအားပေးကြတဲ့သော်တရှင်များအားလုံးကိုဘုရားရှင် ကောင်းကြီးပေးပါစေ။ကျေးဇူးတင်ပါတယ်ရှင်။ကျွန်မက စစ္စတာရ်မေရီဒီမ်ပါရှင်။