“ဝတ်ပြုကိုးကွယ်ခြင်းသည် သက်ဝင်ယုံကြည်သူများကို ထောက်ပံ့ပေးပြီး အသင်းတော်၏ ယုံကြည် ခြင်းကို ဖော်ပြသည်””ဝတ်ပြုကိုးကွယ်ခြင်းသည် သက်ဝင်ယုံကြည်သူများကို ထောက်ပံ့ပေးပြီး အသင်းတော်၏ ယုံကြည် ခြင်းကို ဖော်ပြသည်”

ယခုအပတ် ဗုဒ္ဓဟူးနေ့ လူထုတွေ့ဆုံခြင်းတွင် ပုပ်ရဟန်းမင်းကြီး လီယို (၁၄) က ဒုတိယဗာတီကန်ကောင် စီ၏ ၁၉၆၃ ခုနှစ်ထုတ် သမိုင်းဝင်စာတမ်းဖြစ်သော Sacrosanctum Concilium (သန့်ရှင်း သောဝတ် ပြုကိုးကွယ်ခြင်းဆိုင်ရာ အခြေခံဥပဒေစာတမ်း) အပေါ် နက်နဲသော ဆင်ခြင်သုံးသပ်ချက်ကို ဟောကြား ခဲ့ပါသည်။

ရဟန်းမင်းကြီး၏ ဒေသနာတော်မှ အဓိကမှတ်သားဖွယ်ရာများမှာ အောက်ပါအတိုင်း ဖြစ်ပါသည် –

ခရစ်တော်နှင့် ရှင်သန်သောနှောင်ကြိုး – ဝတ်ပြုကိုးကွယ်ခြင်းသည် ပြင်ပထုံးတမ်းစဉ်လာများကို ပြုပြင် ပြောင်းလဲရုံသက်သက်မဟုတ်ဘဲ၊ ခရစ်ယာန်တို့၏ နက်နဲသောရာဇဝင်၏ ဗဟိုချက်ကို ထိတွေ့နေခြင်း ဖြစ်သည်။ ယင်းသည် သာသနာတော်က ခရစ်တော်ထံမှ အသက်ကို တိုက်ရိုက်ရယူသည့် နေရာ၊ အချိန် နှင့် အခင်းအကျင်း ဖြစ်သည်။

ပါစကားနက်နဲမှု မျက်မှောက်ထင်ရှားခြင်း – ကျွန်ုပ်တို့သည် ကိုယ်တော့်နာမ၌ စုဝေးကြသည့်

အခါတိုင်း၊ ခရစ်တော်၏ ဒုက္ခခံခြင်း၊ အသေခံခြင်း၊ ရှင်ပြန်ထမြောက်ခြင်း (ပါစကားဖြစ်ရပ်) ထဲသို့ စက္ကရမင်တူးအားဖြင့် လုံးလုံးနှစ်မြုပ်ဝင်ရောက်သွားကြသည်။

“ဆုတောင်းသည့်အတိုင်း ယုံကြည်သည်” (Lex Orandi, Lex Credendi) – သာသနာတော်၏ ထုံးတမ်းများ၊ ဆုတောင်းချက်များ၊ အမူအရာများနှင့် ငြိမ်သက်ခြင်းတို့သည် ကျွန်ုပ်တို့၏ အတွင်းကျဆုံးသော ယုံကြည် ခြင်းကို ဖော်ပြပြီး၊ ကျွန်ုပ်တို့၏ စုပေါင်းကက်သလစ်ဝိသေသကို ပုံဖော်ပေးသည်။

ထိပ်သီးနှင့် အရင်းအမြစ် -တရားဟောခြင်း၊ လူမှုဘဝများကို ဖေးမခြင်းနှင့် ဆင်းရဲသားများကို ကူညီ ခြင်းစသည့် သာသနာတော်၏ သာသနာပြုလုပ်ငန်းအားလုံးသည် ဝတ်ပြုကိုးကွယ်ခြင်းတည်းဟူသော အမြင့်ဆုံးထိပ်သီးဆီသို့သာ ဦးတည်စီးဆင်းသွားသည်။

ဝတ်ပြုခြင်းမှ နေ့စဉ်ဘဝဆီသို့ – ဝတ်ပြုကိုးကွယ်ခြင်းတွင် ပါဝင်ခြင်းသည် အတွင်းစိတ်ကော ပြင်ပအပြု အမူပါ ရှိရမည်။ ဝတ်ပြုကိုးကွယ်ခြင်းသည် ကျွန်ုပ်တို့၏နေ့စဉ်ရွေးချယ်မှုများတွင် ထင်ဟပ်ရမည် ဖြစ် ပြီး၊ ကျွန်ုပ်တို့၏ဘဝကို “ရှင်သန်သောပူဇော်သက္ကာ” အဖြစ် ပြောင်းလဲပေးရမည်။

ပုပ်ရဟန်းမင်းကြီးက ပုပ်ဖရန်စစ်၏ Desiderio desideravi စာတမ်းပါ လှပသော သတိပေးချက် တစ်ခု ဖြင့် နိဂုံးချုပ်ခဲ့သည်မှာ – “ကမ္ဘာကြီးက မသိသေးသော်လည်း၊ လူတိုင်းသည် သိုးသူငယ်တော်၏ မင်္ဂလာပွဲ သို့ ဖိတ်ကြားခံထားရသည်။”ယခုအပတ်တွင် ခရစ်တော်၏မျက်မှောက်တော်အားဖြင့် ကျွန်ုပ်တို့၏ အတွင်းစိတ်ကို ပုံသွင်းခွင့်ပြုကြပါစို့။

#PopeLeoXIV #VaticanII #SacrosanctumConcilium #CatholicChurch #Liturgy #Faith #Vatican

Fr. Peter Kyi Maung

photo credit : Vatican News Original link: https://www.vaticannews.va/en/pope/news/2026-05/pope-at-audience-20-may-2026-leo-general-xiv.html