သက်ရှိထင်ရှားရှိသော ဘုရားသခင်၏ နှုတ်ကပတ်တော်။

သန့်ရှင်းသော အပ်နှံထားသည့် ဘဏ္ဍာတော် ဘုရားသခင်၏ နှုတ်ကပတ်တော်သည် အသင်းတော်သို့ အပ်နှံထားသည့် “အဖိုးတန်ဘဏ္ဍာ” ဖြစ်သည်။ ၎င်းသည် ကျောက်ဖြစ်ရုပ်ကြွင်းကဲ့သို့ တောင့်တင်းနေ သည့်အရာမဟုတ်ဘဲ သမိုင်းတစ်လျှောက် လမ်းပြနေသော သက်ရှိထင်ရှားရှိသည့် အမှန်တရား ဖြစ် သည်။

မြစ်ဖျားခံရာ တစ်ခုတည်းဖြစ်ခြင်း: သန့်ရှင်းသော ကျမ်းစာတော်မြတ်နှင့် အစဉ်အလာဓလေ့တို့သည် တူညီသော ဘုရားသခင်ထံမှ မြစ်ဖျားခံ စီးဆင်းလာကြသည်။ ၎င်းတို့သည် ခွဲခြား၍မရဘဲ ဝိညာဉ်များ ကယ်တင်ခြင်းဟူသော တူညီသည့် ပန်းတိုင်သို့ ဦးတည်နေကြသည်။

အစဉ်အလာဓလေ့၏ ကဏ္ဍ အစဉ်အလာဓလေ့ဆိုသည်မှာ အသင်းတော်၏ ယုံကြည်ခြင်း၊ ဘဝနှင့် ဝတ် ပြုကိုးကွယ်ခြင်းတို့ကို မျိုးဆက်တစ်ခုမှတစ်ခုသို့ လက်ဆင့်ကမ်းသည့် ဖြစ်စဉ်ဖြစ်သည်။ နှုတ်ကပတ် တော်ကို အသင်းတော်၏ “နှလုံးသား” ထဲတွင် အဓိက ရေးထိုးထားခြင်းဖြစ်သည်။

ဝိညာဉ်တော်အားဖြင့် ဖွံ့ဖြိုးတိုးတက်ခြင်း: သန့်ရှင်းသော ဝိညာဉ်တော်၏ လမ်းညွှန်မှုဖြင့် ယုံကြည် သူ များ၏ ဆင်ခြင်သုံးသပ်မှု၊ ဝိညာဉ်ရေးရာ အတွေ့အကြုံများနှင့် တမန်တော်များ၏ ဆက်ခံသူများ (ဆရာတော်များ) ၏ သွန်သင်ချက်များမှတစ်ဆင့် နှုတ်ကပတ်တော်ကို ပိုမိုနက်ရှိုင်းစွာ နားလည်သဘော ပေါက်လာကြသည်။

ပုပ်ရဟန်းမင်းကြီး လီယို (၁၄) ၏ အဓိက သွန်သင်ချက်များ

၁။ ကျမ်းစာနှင့် အစဉ်အလာဓလေ့ကို ခွဲခြား၍မရနိုင်ခြင်း ကျမ်းစာနှင့် အစဉ်အလာဓလေ့သည် တစ်ခု မရှိဘဲ အခြားတစ်ခု မရပ်တည်နိုင်ကြောင်း ပုပ်ရဟန်းမင်းကြီးက အလေးပေးခဲ့သည်။ ကျမ်းစာသည် ရေးသားထားသော မှတ်တမ်းဖြစ်ပြီး၊ အစဉ်အလာဓလေ့က ၎င်းကို အနက်ဖွင့်ဆိုရန် သက်ရှိထင် ရှားရှိသော အဝန်းအဝိုင်းကို ပံ့ပိုးပေးသည်။ ဤနှစ်ခုပေါင်းစပ်မှုသည် ယုံကြည်ခြင်း၏ “သန့်ရှင်းသော အပ်နှံထားသည့် ဘဏ္ဍာတော်တစ်ခုတည်း” ဖြစ်သည်။

၂။ တက်ကြွလှုပ်ရှားသော ဖွံ့ဖြိုးမှု (မျိုးစေ့ပုံပမာ) စိန့်ဂျွန်ဟင်နရီနယူးမန်း၏ စကားကို ကိုးကား၍ ခရစ်ယာန်ဘာသာတရားသည် တက်ကြွလှုပ်ရှားသော အမှန်တရား ဖြစ်ကြောင်း သွန်သင်ခဲ့သည်။ မျိုး စေ့တစ်ခုသည် သစ်ပင်ကြီးအဖြစ် ကြီးထွားလာသကဲ့သို့၊ အမှန်တရား၏ အနှစ်သာရသည် ပြောင်းလဲ ခြင်းမရှိသော်လည်း သမိုင်းကြောင်းအသစ်များတွင် ပိုမိုကျယ်ပြန့်စွာ ဖွံ့ဖြိုးတိုးတက်လာသည်။

၃။ ယုံကြည်သူများ၏ တာဝန် “အပ်နှံထားသော ဘဏ္ဍာ” ဟူသော စကားလုံးသည် တာဝန်ယူမှုကို ဆိုလို သည်။ အသင်းတော်ဝင်အားလုံးသည် ဤယုံကြည်ခြင်းဘဏ္ဍာကို မပျက်မယွင်း ထိန်းသိမ်း စောင့် ရှောက်ရန်နှင့် နောင်မျိုးဆက်များသို့ လက်ဆင့်ကမ်းရန် တာဝန်ရှိကြောင်း ပုပ်ရဟန်းမင်းကြီးက သတိပေးခဲ့သည်။

၄။ လမ်းပြကြယ်အဖြစ် ဝိညာဉ်တော် သန့်ရှင်းသော ဝိညာဉ်တော်သည် ဘုရားသခင်၏ နှုတ်ကပတ်တော်ကို အမြဲတစေ သက်ဝင်လန်းဆန်းနေစေရန် လုပ်ဆောင်ပေးသည်။ ဝိညာဉ်တော်သည် အမှန်တရားကို ပြောင်းလဲပစ်ခြင်းမဟုတ်ဘဲ အသင်းတော်အနေဖြင့် ထိုအမှန်တရား၏ “ကြွယ်ဝမှု” ကို အချိန်နှင့်အမျှ ပိုမိုနက်ရှိုင်းစွာ နားလည်လာစေရန် ကူညီပေးခြင်းဖြစ်သည်။

ဘာသာပြန်- Fr. Peter Kyi Maung

News- Vatican News

Website: rvamyanmar.org

www.youtube.com/@rvamyanmar8152

#rvamyanmar#VaticanNews#PopeLeoXIV#ArchdioceseofMandalay