ဖာသာရ် . Cyril Nay Myo Htet (SJ) ကာလ(၁၁)ကြိမ်မြောက် တနင်္လာနေ့ဩဝါဒ ၁၆၊ ၆၊ ၂၀၂၅
ချစ်လှစွာသောဓမ္မမိတ်ဆွေညီကိုမောင်နှမအပေါင်းတို့ဒီကနေ့မှာကျွန်ုပ်တို့ကြားနာဖတ်ရှုရမယ်။ အသက်ပေးသောနှုတ်ကပါဌ်တော်မှာရှင်မာသဲအခန်းကြီး၅း၃၈-၄၂အထိဖြစ်ပါတယ်။ သခင်ခရစ်တော်ဟာရန်သူကိုချစ်ဖို့လည်းသွန်သင်ညွှန်ကြားခဲ့တယ်။မျက်စိအစားမျက်စိသွားစားသွားဆိုတဲ့ပညတ်တရားနဲ့ပြန်လည်မတုံ့ပြန်ဘို့ပြောခဲ့တယ်။ သင့်ဘယ်ဘက်ပါးကိုပုတ်သောသူကိုညာဘက်ပါးပါပေးပုပ်လိုက်ပါ။ အင်္ကျီကိုယူလိုတဲ့သူကိုဝတ်ရုံကိုလည်းပေးလိုက်ပါတဲ့ သင့်ကိုခရီးတစ်မိုင်လျှောက်ခိုင်းတဲ့သူကိုနှစ်မိုင်လျှောက်လိုက်ပါတဲ့တောင်းသောသူအားပေးလော့ချေးငှားသောသူကိုလည်းမငြင်းပယ်နဲ့လို့ဆုံးမသွန်သင်ခဲ့ပါတယ်။ ဒီမျက်စိအစားမျက်စိသွားအစားသွားဆိုတဲ့ပညတ်ဥပဒေကိုတော့ဘာဗီလုံမြို့မှာ ဟန်မှူးဒါဘီဘုရင်ကြီးက ၁၇၉၂ဘီစီလောက်ကထုတ်ပြန်ခဲ့တာဖြစ်တယ်။ သခင်ခရစ်တော်ကတော့ရန်ကိုရန်နဲ့အတုံ့ပြန်ဘဲနဲ့ချစ်ခြင်းမေတ္တာနဲ့ ခွင့်လွှတ်ခြင်းနဲ့တုံ့ပြန်ဖို့အနိုင်ယူဖို့ပညတ်အသစ်ကိုပေးခဲ့တာဖြစ်တယ်။ ဒီနေရာမှာမတူညီတဲ့အခြေအနေနဲ့လူသုံးမျိုးကိုတွေ့ရှိရတယ်။ ပထမလူတစ်မျိုးကတော့ကျွန်တစ်ယောက်ကိုသခင်ကပါးရိုက်တဲ့အခြေအနေဖြစ်တယ်။ အက်ဒီကျွန်ကနောက်ထပ်ပါးတစ်ဖက်ကိုပေးရိုက်ခြင်းအားဖြင့်သခင်နဲ့တန်းတူအဖြစ်ကိုရောက်ရှိစေတာဖြစ်တယ်။ ဒုတိယတစ်မျိုးကတော့မိမိကိုယ်နိုင်ထက်စည်းနင်းအင်္ကျီလုယူတဲ့သူကိုဝတ်ရုံပါပေးချင်အားဖြင့်မိမိရဲ့အဝတ်စလစ်ဖြစ်ခြင်းဟာနိုင်ထက်စီးနင်းတဲ့သူကိုအရှက်ရစေတယ်။ နောက်ဆုံးသောသူကတော့သာမန်ရောမစစ်သားတစ်ယောက်က နိုင်ငံသားတစ်ယောက်ကိုတစ်မိုင်အထုပ်ထမ်းခိုင်းတဲ့အခြေအနေမှာ နိုင်ငံသားကနှစ်မိုင်လျှောက်တဲ့အတွက် အဲဒီခိုင်းစေတဲ့ရောမစစ်သားကိုအထက်လူကြီးရဲ့အပြစ်ပေးခြင်းခံရမှာဖြစ်တယ်။ အခြေအနေသုံးခုလုံးဟာမိမိပိုင်ဆိုင်တဲ့ပျက်စီးဥစ္စာတွေကိုထိခိုက်စေတယ်။ မိမိရဲ့အသားကိုနာကျင်စေတဲသူ့ကိုငြိမ်းချမ်းစွာနဲ့အနိုင်ယူခြင်းဖြစ်တယ်။ တကယ်လို့မိမိရဲ့အသက်ကိုကောထိခိုက်ဖျက်စီးမှုတွေရှိလာရင်ဘယ်လိုတုံ့ပြန်ရမလဲ။ ရှင်မာသဲအခန်းကြီး၁၀း၂၃မှာသခင်ခရစ်တော်ကတစ်မြို့၌သင်တို့ကိုညှင်းဆဲလျှင်တစ်မြို့သို့ပြေးကြလော့လို့ဆိုထားတယ်။ သခင်ခရစ်တော်ကမလိုအပ်ပဲကျွန်ုပ်တို့အသက်ကိုပျက်စီးဆုံးရှုံးမှုကိုမဖြစ်စေချင်လို့ဖြစ်တယ်။ မိမိရဲ့အသက်ကိုတန်ဖိုးထားရမှာဖြစ်တယ်။ တစ်ပါးသူရဲ့အသက်ကိုလည်းမဖျက်ဆီးဖို့တန်ဖိုးထားဖို့လိုအပ်ကြောင်းသင်ကြားပေးတယ်။၏အခြေအနေကတော့တစ်ခြားမြို့ရွာများကိုရှောင်ပြေးခြင်းအားဖြင့်သခင်ခရစ်တော်ရဲ့သတင်းကောင်းကိုကြေညာဟောပြောရန်ရည်ရွယ်တယ်။ အမှန်တရားအတွက်သခင်ခရစ်တော်အတွက်ယုံကြည်ခြင်းအတွက်ချစ်ခြင်းမေတ္တာအတွက်အသက်ရှင်နေထိုင်သွားကြပါစို့အာမင်။
