ဘဝအိမ်
အိမ် ဆိုတာ ဘာလဲ? အိမ်ဆိုတာ… လူတွေရဲ့ တည်ရာ မှီရာ ခိုလုံရာ အိပ်စက်ရာ အဆောက်အဦး တစ်ခုပါ ။
ဟုတ်ပြီ။ လောကမှာ လူတွေဟာ သူတို့ရဲ့ အရည်အချင်းတွေ အဆင့်အတန်းတွေ အလိုက် အိမ်တွေကို ပုံစံအမျိုးမျိုးနဲ့ တည်ဆောက်ပြီး စားသောက် နေထိုင်ကြတယ် ။
ဒါပေမဲ့… လောကကြီးမှာ မိသားစုအများစုကို လေ့လာကြည့်ရင် မပျော်ရွှင်တဲ့ မိသားစုအိမ်တွေ အများကြီး တွေ့ရလိမ့်မယ်။
တချို့အိမ်တွေက… အဖေနဲ့ သား မတည့်ကြဘူး။ တချို့အိမ်တွေက… အစ်ကိုနဲ့ ညီ အစ်မနဲ့ ညီမ မတည့်ကြဘူး။
တချို့အိမ်တွေက… ချွေးမနဲ့ သမီး သမက်နဲ့ သား မတည့်ကြဘူး။ တချို့အိမ်တွေက… ယောက္ခမနဲ့ ချွေးမ မတည့်ကြဘူး။
တချို့အိမ်တွေက… ယောက္ခထီးနဲ့ သမက်နဲ့ မတည့်ကြဘူး …
ဒီလို မိသားစုတွေဟာ ဘာလို့ မတည့်ကြတာလဲလို့ အကြောင်းရင်းကို ရှာလိုက်ရင်
ဒီအိမ်က မိသားစုတွေဟာ တစ်ယောက်အပေါ် တစ်ယောက် မေတ္တာ မထားနိုင်ခြင်း နားလည် မပေးနိုင်ခြင်း ခွင့်မလွှတ်နိုင်ခြင်း စတဲ့ အကြောင်းရာတွေကြောင့်ပဲလို့ ဆိုရမယ် ။
မြို့ပေါ်က အိမ်မှာပဲ နေနေ တောရွာက အိမ်မှာပဲ နေနေ မိမိနဲ့ အတူနေထိုင်တဲ့ မိသားစုတွေ အပေါ်မှာ မေတ္တာထားပေးနိုင်ရမယ်။
လောကမှာ မိသားစုတစ်စုဟာ မေတ္တာတရား ခေါင်းပါးလာပြီဆိုရင် ထိုမိသားစုဟာ နေ့စဉ် ငရဲခန်းကြီးလို အမြဲ ပူလောင်နေရတတ်တယ်။
တစ်အိမ်ထဲမှာ နေထိုင်ကြပြီး တစ်ဦးကို တစ်ဦး ခွင့်မလွှတ်နိုင်ဘူး သီးမခံနိုင်ကြဘူးဆိုတဲ့ လူတွေဟာ ဥပမာ ဘာနဲ့တူသလဲဆိုရင်…
မိမိကိုယ်တိုင် ဖျော်စပ်ထားတဲ့ အဆိပ်ရည်တွေကို မိမိတို့ကိုယ်တိုင် ဖျော်သောက်နေရသလိုပါပဲ။
ကြာလာရင် ဒီမိသားစုဝင်တွေ အားလုံး ဒုက္ခတွေ့နိုင်တယ်နော်။
လောကမှာ… စီးပွားရေးလောကပဲ ကြည့်ကြည့် ပညာရေးလောကပဲ ကြည့်ကြည့် နိုင်ငံရေးလောကပဲ ကြည့်ကြည့် စသည် ဘယ်လောကကိုပဲ ကြည့်ကြည့်
အောင်မြင်နေကြတဲ့ ပုဂ္ဂိုလ်တွေမှာ သီးခံခြင်းတရားတွေ မေတ္တာတရားတွေ အားကြီးလို့ သူတို့တွေ အောင်မြင်နေကြတယ် ဆိုတာ တွေ့ရလိမ့်မယ် ။
အိမ်က မိသားစုတွေ အပေါ်မှာ မေတ္တာစိတ်အပြည့်နဲ့ ဆက်ဆံပါ။ ဘဝမှာ ပျော်ရွှင်လာပါလိမ့်မယ်။
နောက် မိမိနေတဲ့အိမ်လေး နွေးထွေးချင်တယ် သာယာချင်တယ်ဆိုရင် ငါဒီနေ့ ဒီအိမ်လေးအတွက် ဘာလုပ်ပေးရမလဲ။
ငါဘာလုပ်ပေးသင့်သလဲ ဆိုတာ အမြဲတွေးပါ။
တကယ်လည်း မေတ္တာစိတ်နဲ့ လုပ်ကိုင်ပေးကြည့်။ ပျော်ရွှင်လာလိမ့်မယ်။
… လောကမှာ ပေးတဲ့လူတွေဟာ စိတ်ပေါ့တယ်။
စိတ်အေးချမ်းတယ်။ ယူတဲ့လူတွေဟာ စိတ်လေးရတယ်။ စိတ်ပူပင်ရတယ်။
ဘဝမှာ ပေးကမ်းနိုင်သူ ( ဒါမှမဟုတ် ) ပေးကမ်းနိုင်တဲ့လက်ဖြစ်အောင် အမြဲကြိုးစားပါ ။
မိသားစုနဲ့ နတေဲ့အခါပဲ ဖြစ်စေ… ပတ်ဝန်းကျင်နဲ့ နေတဲ့အခါမှာ ဖြစ်စေ… ကိုယ်ရဲ့ အားနည်းချက်ကို သိပါစေ…
မိမိရဲ့ အားသာချက်တွေကိုလည်း အများသိအောင် လုပ်ဆောင်ပြပါ။ ဘာဖြစ်လို့လဲဆိုတော့… လူတိုင်းမှာ အားနည်းချက်တွေ ရှိသလို အားသာချက်ဆိုတာလည်း ရှိပါတယ်။
လူသားတွေဟာ မိမိကိုယ်ကို မိမိ သိပ်ပြီး အထင်ကြီးနေရင် တစ်ဖက်လူအပေါ်မှာ အထင်အမြင် သေးသွားတတ်တယ် ။
ဒါကြောင့်…ဘယ်အရာကိုမှ မထီမဲ့မြင် မလုပ်မိစေနဲ့။
နောက်ဆုံးအနေနဲ့ ပြောချင်တာက… လောကမှာ ဘယ်လောက်ပဲ သာယာပျော်ရွှင်တဲ့ အိမ်မျိုးဖြစ်နေပါစေ…
ထိုအိမ်ပေါ်ကို ဘေးသူစိမ်းတွေ ရောလာပြီ ဆိုရင်… သွေးကွဲပြီး ညီအစ်ကို မောင်နှမတွေကြားမှာ နားလည်မှု မပေးနိုင်ပဲ နောက်ဆုံး စကားများ ရန်တွေ ဖြစ်စေတတ်တယ်။
ပြဿနာကြီးငယ် တက်စေတတ်တယ် ဆိုတာ သတိထားပါ။
…ဒါကြောင့် ဘဝမှာ သာယာ ပျော်ရွှင်တဲ့ ဘဝအိမ်တစ်လုံးကို ပိုင်ဆိုင်ချင်ရင် အိမ်အတွက် အလုပ်များများ လုပ်ပါ။
စကားကို နည်းနည်းပြောပါ။
မိသားစုအပေါ်မှာ မေတ္တာ၊စေတနာထားပြီး သီးခံစိတ် မွေးပါ။
အသက်ရှင်သန်ချိန်လေးမှာ ငါသည် ငါ၏အိမ်အတွက် ဘာပေးရမလဲ ဆိုတာ နေ့တိုင်း တွေးထားပါ။
ဒီလိုစိတ်မျိုး မိသားစုဝင်တိုင်း ရှိနေမယ်ဆိုရင် သာယာ ပျော်ရွှင်ပြီး နွေးထွေးတဲ့ ဘဝအိမ်တစ်လုံးကို ပိုင်ဆိုင်နိုင်မယ်လို့ အကြွင်းမဲ့ယုံကြည်မိပါတယ်။
ဟုတ်ကဲ့ပါ … နွေးထွေးသော အိမ်တစ်လုံးကို ပိုင်ဆိုင်နိုင်အောင် သား ကြိုးစားပါ့မယ် လို့ ကတိပေးပါတယ် ။
လောကထဲရှိ မိသားစုများအားလုံး အတ္တကင်းပြီး တစ်ဦးပေါ် တစ်ဦး မတ်ေတာ စတေနာထား၍ ခွင့်လွှတ် သည်းခံပြီး နွေးထွေးသည့် အိမ်မျိုး မိသားစုတိုင်း ပိုင်ဆိုင်နိုင်ကြပါစေ။
