မိမိကိုယ်ကို အဆုံးစီရင်ခြင်းမှကာကွယ်ရန် ရှေ့ဦးသူနာပြုစုနည်း လမ်းညွှန်

ထိန်းသိမ်းကြစေ သဘာဝအမွေ

ဒီတစ်ပတ် ထိန်းသိမ်းကြစေ သဘာဝအမွေအစီအစဉ်မှာ ကောင်းသော သိုးထိန်းသီလရှင်များအသင်းဂိုဏ်းမှ စစ္စတာရ် ဧလိဇဘတ်ရဲ့ ” A First Aid Guide on Suicide Prevention (မိမိကိုယ်ကို အဆုံးစီရင်ခြင်းမှကာကွယ်ရန် ရှေ့ဦးသူနာပြုစုနည်း လမ်းညွှန်) ဆိုတဲ့ အကြောင်းအရာလေးကို တင်ဆက်ပေးသွားမှာပဲဖြစ်ပါတယ်။

****** ကိုယ့်မိသားစုထဲမှာ ကိုယ့်သူငယ်ချင်းတွေထဲမှာ ဒီဗီဒီယိုထဲကလို လက္ခဏာလေးတွေကိုတွေ့နေရပြီဆိုရင် သူတို့ကို အားပေးနှစ်သိမ့်ပေးပါ။အမြဲဆက်သွယ်ပေးနေကြပါလို့လည်း အကြံပြုချင်ပါတယ်။ တကယ်လို့ ကိုယ်တိုင်က ဒီလိုစိတ်ဝေဒနာတွေကို ခံစားနေရတယ်ဆိုရင်လဲ စိတ်ကျန်းမာရေးအကူအညီပေးနေတဲ့နေရာတွေကို ဆက်သွယ်ပါ။ ကောင်းသောသိုးထိန်းသီလရှင်တွေဆီမှာလည်း စိတ်ကျန်းမာရေးအကူအညီရယူလို့ရပါတယ်။ ဗီဒီယို မှာပေးထာတဲ့ Signal Ph Numbers တွေကို ဆက်သွယ်ကာ အကူအညီတောင်းခံနိုင်ပါတယ်။ *****

တင်ဆက် – Sr. Elizabeth Joseph RGS, Guidance Counselor

တည်းဖြတ် – Pinky

#rvamyanmar #rvapastoralcare #AFirstAiGuideonSuicidePrevention #SuicidalPrevention

A First Aid Guide on Suicide Prevention

မိမိကိုယ်ကို အဆုံးစီရင်ခြင်းမှကာကွယ်ရန် ရှေ့ဦးသူနာပြုစုနည်း လမ်းညွှန်

Checklist of Suicidal Feelings ခံစားချက်များကိုစစ်ဆေးခြင်း

စိတ်ဓာတ်ကျနေခြင်း
မျှော်လင့်ချက်ကင်းမဲ့ခြင်း
အရှက်တရားကင်းမဲ့ခြင်း
အကူအညီမဲ့နေခြင်း
တန်ဖိုးမဲ့နေခြင်း
ဂနာမငြိမ်ဖြစ်ခြင်း
စိတ်ကသိကအောင့်ဖြစ်ခြင်း
အဆိုးမြင်ခြင်း
အပြစ်ရှိသလိုခံစားရခြင်း

မီးဝါပြချိန်/ သတိပေးအချက်ပြ

အချိန်မှန်မအိပ်စက်ခြင်း

အစောကြီးနိုးနေတာ၊ အိပ်ယာဝင်ပြီး အိပ်မပျော်နိုင်တာ၊
အအိပ်လွန် အိပ်ပဲအိပ်နေတာ၊ အိပ်သင့်တာထက်ပိုအိပ်နေတာ

ခံတွင်းအာရုံအလွန်အကျွံပြောင်းလဲခြင်း

ခံတွင်းပျက်၊ အစားမဝင်၊ စားချင်စိတ်မရှိ၊ ကိုယ်အလေးချိန်သိသိသာသာကျ
ပုံမှန်ထက်ပိုပြီးစားလာတာ၊ ကိုယ်အလေးချိန်သိသိသာသာတက်လာတာ။

မကြာခဏငိုနေခြင်း

ဝမ်းသာမျက်ရည်မဟုတ်၊ ငိုချင်စိတ်၊ ဝမ်းနဲစိတ်၊ စိုးရိမ်စိတ်တွေကိုမထိန်းနိုင်တော့တာ

သတိထားဖို့/စောင့်ကြည့်လို့ရသော အပြုအမူများ

ရှောင်ဖယ်၊ အတွယ်အတာဖြတ်ခြင်း

မိသားစု၊ သူငယ်ချင်းတွေကိုရှောင်ဖယ်လာတယ်
သူတစ်ပါးနဲ့ မထိတွေ့ဆက်ဆံ၊ စကားမပြောချင်တော့ဘူး
တစ်ယောက်တည်း သီးသန့်နေချင်တယ်
အလုပ်ကိစ္စတွေကို အစီအစဥ်တကျလေးလုပ်ထားတယ်၊ သေတမ်းစာတွေရေးထား၊ ပိုင်ဆိုင်မှုတွေကို သူများကိုပေးလိုက်တာ

စိတ်ဝင်စားမှုတွေလျော့ကျလာ၊ ဘာမှစိတ်မဝင်စားတော့ဘူး

အရင်ကဝါသနာပါတာ၊ လုပ်ရတာပျော်တဲ့အလုပ်လေးတွေ လုပ်ချင်စိတ်မရှိတော့ဘူး
ပျော်ရမှာ မေ့နေသလိုဖြစ်လာတယ်

အလုပ်တွေကိုလျှော့ချလာတယ်

အာရုံစူးစိုက်နိုင်စွမ်းလျော့ကျလာတယ်
ဆုံးဖြတ်ချက်ချဖို့ခက်ခဲလာတယ်၊ မေ့တတ်လာတယ်။

သေကြောင်းကြံစဥ်နေတဲ့လူတစ်ဦး၌ရှိတတ်သောအတွေးများ

ငါအသက်ရှင်စရာအကြောင်းကိုမရှိတော့ဘူး
ငါဘာမှဂရုစိုက်မလိုတော့ပါဘူး
ဘုရားရယ်ငါ့ကိုပြန်ခေါ်သွားပါတော့
ငါဘယ်လိုသေရင်ကောင်းမလဲ
ငါ့ကိုငါသတ်ချင်လိုက်တာ
ငါမရှိရင်ကမ္ဘာကြီးကပိုအဆင်ပြေသွားမှာ
ဘဝကြီးကအဓိပ္ပာယ်မဲ့လိုက်တာ

ဂရုစိုက်ပေးသူများအတွက်လမ်းညွှန်

ဒါလေးတွေမေးဖို့ သတိရပါ

သတ်သေချင်တဲ့အတွေးလေးတွေများရှိနေလား
ကိုယ့်ကိုကိုယ် သတ်သေဖို့များစဥ်းစားနေလား

How to take action? ဘယ်လိုတွေလုပ်လို့ရလဲ

သတ်သေချင်နေတဲ့သူကို ဘယ်တော့မှ တစ်ယောက်တည်းမထားပါနဲ့
ကျွမ်းကျင်ပညာရှင်ရဲ့အကူအညီရှာပေးပါ
ဖြစ်နိုင်လျှင် သတ်သေနိုင်မည့်ပစ္စည်းများကို ထိုသူ၏အနီးအနားမှဖယ်ရှားပေးပါ။
မိမိကိုယ်ကိုအဆုံးစီရင်လိုသောသူ၏ မိသားစုအား ထိုသူ၏သတ်သေလိုသောအခြေအနေအကြောင်းပြောပြပေးပါ
သူနဲ့အမြဲအသွယ်အသွယ်လုပ်ပေးပါ