ဒီကနေ့မှာတော့ မျက်လုံးနှစ်လုံးပဲရှိပေမဲ့မျက်လုံးအများနဲ့ကြည့်ဆိုတဲ့အကြောင်းအရာလေးကိုတင်ဆက်ပေးထားပါတယ်။ကိစ္စမြားမြောင်လူတို့ဘောင်၌ဆိုသလိုလူ့လောကထဲမှာရှင်သန်ရုန်းကန်နေကြရတဲ့ကျွန်မတို့ဟာကောင်းမှု၊ဆိုးမှုဆိုတဲ့ကိစ္စတွေကိုနေ့စဉ်နဲ့အမျှအနည်းနဲ့အများဆိုသလိုကြုံတွေ့ရတတ်တာဟာဓမ္မတာပါ။ဒီလိုမလွှဲမရှောင်သာကြုံတွေ့ရတဲ့အခါအဲဒီဖြစ်ပေါ်လာခဲ့တဲ့ကောင်းမှု၊ဆိုးမှုတွေကိုမိမိတစ်ဦးတည်းရဲ့အသိအမြင်တစ်ခုတည်းနဲ့ဆုံးဖြတ်လုပ်ကိုင်တာမျိုးမဟုတ်ဘဲအများစုရဲ့အမြင်၊အများစုရဲ့အကြံဉာဏ်ကိုရယူပြီးမှဆုံးဖြတ်လုပ်ကိုင်တာဟာအမှားနည်းနိုင်ပါတယ်။ကိုယ့်မှာရှိတဲ့မျက်လုံးနှစ်လုံးတည်းနဲ့ကြည့်ရူဆုံးဖြတ်တာမျိုးဟာတစ်ခါတစ်ခါမှာပြည့်စုံမှုမရှိနိုင်ပါဘူး။အတ္တတိမ်တောင်တွေမည်းမှောင်လေလေအမှန်တရားနဲ့ကင်းဝေးလေလေဖြစ်သွားတတ်ပါတယ်။အဲဒီလိုအချိန်မျိုးမှာအမှန်ထက်အမှားဘက်ကိုဦးတည်သွားဖို့ကပိုပြီးများပါလိမ့်မယ်။ဒီတော့သူတစ်ပါးရဲ့မျက်လုံးအကူအညီကိုရယူပြီးလုပ်ကိုင်ဆောင်ရွက်ကြတာဟာအမှားနည်းနိုင်ပါတယ်။ကျောက်မျက်လောကမှာ…