ဒီကနေ့မှာတော့ နှုတ်ကပတ်တော်လူ့ဇာတိအဖြစ်ယူရခြင်းရဲ့အနက်ရှိုင်းဆုံးအကြောင်းအရာများကိုတင်ဆက်ပေးထားပါတယ်။ဘုရားရဲ့သားတော်လူ့ဇာတိယူရခြင်းဟာခရစ်ယာန်ဘာသာယုံကြည်ကိုးကွယ်မှုမှာအဓိကအခြေခံကျတဲ့နက်နဲဖွယ်ရာအချက်ဖြစ်ပါတယ်။ဒါကြောင့်ဘုရားရဲ့သားတော်လူ့ဇာတိအဖြစ်ယူရခြင်းရဲ့အနက်ရှိုင်းဆုံးအကြောင်းအရင်းတွေကိုတင်ဆက်ပေးလိုက်ပါတယ်။ဘုရားရဲ့သားတော်လူ့ဇာတိအဖြစ်ယူရခြင်းဟာလူသားအားလုံးအတွက်အတုမရှိအတိုင်းထက်လွန်တဲ့ဘုရားသခင်ရဲ့ကောင်းမြတ်ခြင်းနဲ့ချစ်ခြင်းမေတ္တာနဲ့ရုပ်လုံးဖော်ဆောင်တဲ့အမှတ်လက္ခဏာပဲဖြစ်ပါတယ်။ဘုရားသခင်၏သားတော်လူ့ဇာတိအဖြစ်ယူရခြင်းသည်လူသားအားလုံးတို့အတွက်အတုမရှိ၊အတိုင်းထက်လွန်သော၊အဆုံးစွန်သောဘုရားသခင်၏ကောင်းမြတ်ခြင်းနှင့်ချစ်ခြင်းမေတ္တာ၏ရုပ်လုံးဖော်ဆောင်သောအမှတ်လက္ခဏာဖြစ်ပါသည်။ဘုရားသခင်သည်အစမူလကပင်ချစ်ခြင်းမေတ္တာ၊ကောင်းမြတ်ခြင်းနှင့်ပြည့်စုံပြီး၊၎င်းချစ်ခြင်း၊ကောင်းမြတ်ခြင်းတို့သည်မိမိတစ်ပါးတည်းသောသားတော်ကိုလောကထဲသို့စေလွှတ်ပြီးအသက်စွန့်သည့်တိုင်အောင်လူသားအားလုံးကိုရွေးနှုတ်ကယ်တင်လိုက်ခြင်းဖြင့်ဖော်ပြခြင်းဖြစ်ပါသည်။ချစ်ခြင်း၊ကောင်းမြတ်ခြင်းဆိုသည့်အဓိပ္ပါယ်မှာမိမိ၏တစ်ပါးတည်းသောသားတော်ကိုလောကသားအားလုံးအတွက်ပေးလှူခြင်းဖြစ်ပါသည်။ဘုရားသခင်သည်မိမိဖန်ဆင်းသောအရာအားလုံးနှင့်အဆက်အသွယ်ပြုခြင်းဖြင့်မိမိကောင်းမြတ်ခြင်းကိုဖော်ထုတ်ပြခြင်းပဲဖြစ်ပါသည်။ဘုရားသခင်၌အတိတ်၊အနာဂတ်စသောအချိန်ဟူ၍မရှိပေ။ဘုရားသခင်သည်အချိန်၏ကန့်သတ်မှုအောက်၌မတည်ရှိပေ။သို့သောဘုရားသခင်လူ့အဖြစ်ယူခြင်းသည်အချိန်အခါ၊နေရာတစ်ခုဖြစ်ပါသည်။ဘုရား၏သားတော်လူ့အဖြစ်ယူခြင်းသည်အင်အားချည့်နဲ့သောလူသား၏သဘောသဘာဝကိုမျှဝေ၊ယူတင်ဝတ်ဆောင်ခြင်းဖြစ်သည်။ဤအရာသည်ကားကြီးမားလှသောဘုရားသခင်၏ချစ်ခြင်းမေတ္တာဖြစ်သည်။ဘုရားသခင်လူ့အဖြစ်ယူခြင်းသည်အစဉ်ထာဝရတည်တံ့သည့်ဘုရားအဖြစ်တော်ကိုပြောင်းလဲသွားမည်မဟုတ်ပေ။ဘုရားသခင်၏သားတော်လူ့ဇာတိအဖြစ်ယူရခြင်းသည်ချို့ယွင်းချက်မရှိလူသားမျိုးနွယ်အားလုံးကိုအပြစ်မှပြန်လည်ရွေးနှုတ်ခြင်းဖြစ်ပါသည်။သခင်ခရစ်တော်သည်မိမိကိုယ်ကိုနှိမ့်ချခြင်းဖြင့်ကြောက်မက်ဖွယ်ကောင်းသောထာဝရပျက်စီးခြင်းအခြေအနေမှကျွန်ုပ်တို့ကိုကယ်တင်ခဲ့သည်။အပြစ်တရားသည်ဘုရားနှင့်လူသားကြားတံတိုင်းကြီးသဖွယ်ကာရံထားပြီးစကြဝဠာကိုလည်းကစဉ့်ကလျားဖြစ်စေသည်။သို့ပင်ငြားလည်းဘုရားသခင်သည်ကျွန်ုပ်တို့၏အပြစ်များအတွက်အပြစ်ဖြေရာယဇ်ကောင်အဖြစ်စေလွှတ်တော်မူခဲ့ခြင်းဖြစ်သည်။နှုတ်ကပါတ်တော်လူ့အဖြစ်ယူခြင်းသည်အပြစ်တရား၏အကျိုးဆက်ဖြစ်သောဝမ်းနည်းကြေကွဲခြင်း၊ကျေးကျွန်ဘဝမှလွတ်မြောက်ရန်နှင့်ကျွန်ုပ်တို့၏အပြစ်အနာအဆာများကိုကုသဖို့ရန်ဖြစ်ပါသည်။သခင်ခရစ်တော်ဤလောကသို့ကြွလာခြင်းသည်အပြစ်ရင်းကြောင့်လူသားမျိုးနွယ်တစ်ရပ်လုံးခံစားနေရသောဒုက္ခများကိုယူဆောင်သွားခြင်းဖြစ်သည်ဟုသံသောမတ်စ်အကွိုင်းနက်ကဆိုခဲ့သည်။အပြစ်ကျေးကျွန်ဘဝ၌နစ်မွန်းနေသောလူသားအားလုံးကိုရွေးနှုတ်ခြင်းသည်လူ့ဇာတိအဖြစ်ယူရခြင်း၏အဓိကအခြေခံကျသောရည်ရွယ်ချက်ဖြစ်ပြီးဘုရားသခင်နှင့်အတူဘုန်းတော်ပြန်လည်ဝင်စားရခြင်းသည်လည်းအဆုံးစွန်သောရည်ရွယ်ချက်ဖြစ်သည်။ဘုရားသခင်၏သားတော်လူ့ဇာတိအဖြစ်ယူရခြင်း၏အကြောင်းရင်းသည်မကြာခဏကျဆုံးတတ်သောလူသားတို့သည်မိမိကိုယ်ကိုမကယ်တင်နိုင်ခြင်းကြောင့်ဖြစ်သည်။ဘုရားသခင်၏သားတော်လူ့ဇာတိအဖြစ်ယူရခြင်း၏အကြောင်းရင်းသည်လူသားတို့ဆုံးရှုံးခဲ့ရသောကျေးဇူးတော်အခြေအနေမှတစ်ဖန်ကျေးဇူးတော်ပြန်လည်ရရန်အတွက်မိမိတစ်ပါးတည်းသောသားတော်၏သွေးသွန်းအသေခံခြင်းအားဖြင့်အသင့်လျော်ဆုံးသောအရာဖြစ်သည်။ဘုရားသခင်သည်မကောင်းသောအရာများကိုအလိုမရှိပေ။သို့သောမကောင်းသောအရာများကိုခွင့်ပြုသည်။အကြောင်းမူကားပို၍ကောင်းမြတ်သောအရာများကိုရရှိဖို့ရန်အတွက်ဖြစ်သည်။အပြစ်ကျူးလွန်မှုတိုးပွားစေခြင်းငှါပညတ်တရားရောက်လာခဲ့၏။သို့သော်အပြစ်ဒုစရိုက်တိုးပွားသည့်အရပ်၌ကျေးဇူးတော်သည်ပို၍ကြွယ်ဝလေ၏။ဘုရားသခင်၏သားတော်လူ့ဇာတိအဖြစ်ယူရခြင်း၏အကြောင်းရင်းသည်လူသားတိုင်းမဖြစ်မနေကြုံတွေ့နေရသောဆင်းရဲဒုက္ခများကိုမျှဝေခံထမ်းဖို့ဖြစ်ပါသည်။ဆင်းရဲဒုက္ခသည်တစ်လောကလုံးအတွက်ဖြစ်ရပ်ဆန်းတစ်ခုဖြစ်ပါသည်။နာကျင်မှု၊ကိုယ်ခန္ဓာ၊စိတ်ထိတ်လန့်မှု၊သေခြင်း၊ဆာလောင်ခြင်းစသောအရာများသည်အာဒံနှင့်ဧဝတို့၏မနာခံမှုအကျိုးဆက်ကြောင့်ဖြစ်သည်။ငါတို့၏ကယ်တင်ခြင်းအတွက်သခင်ခရစ်တော်သည်ဒုက္ခခံတော်မူ၏။လူတစ်ယောက်သောသူတည်းဟူသောသခင်ခရစ်တော်၏အကျိုးတို့သည်လူများအတွက်ပို၍ကြွယ်ဝပြည့်စုံတော်မူ၏။ဘုရားသခင်၏သားတော်လူ့ဇာတိအဖြစ်ယူရခြင်းသည်ကျွန်ုပ်တို့အားလုံးဘုရားသခင်၏အဖြစ်တော်၌ပါဝင်ခံစားရန်နှင့်သန့်ရှင်းမြင့်မြတ်ခြင်း၌ကျွန်ုပ်တို့၏စံပြုထိုက်သူဖြစ်သည်။ဥပမာ-ယေဇူးကငါသည်လမ်းခရီးဖြစ်၏သမ္မာတရားလည်းဖြစ်၏။အသက်လည်းဖြစ်၏။ငါ့ကိုအမှီမပြုဘဲမည်သူမျှခမည်းတော်ထံသို့မလာနိုင်။နှုတ်တော်ထွက်စကားဇာတိအဖြစ်ယူရခြင်းသည်ကျွန်ုပ်တို့ကိုသန့်ရှင်းမြင့်မြတ်သောဘုရားသခင်အဖြစ်တော်၌ပါဝင်စေရန်နှင့်ဘုရားသခင်၏သားသမီးအဖြစ်သို့တင်မြှောက်ခြင်းပင်ဖြစ်ပါကြောင်းတင်ဆက်ပေးလိုက်ပါတယ်။

ဒီကနေ့လူသားးကမ္ဘာကောင်းကျိုးဖြာအစီအစဉ်တွက်သူငယ်တော်ယေဇူးလေးမွေးဖွားသန့်စင်ခဲ့တဲ့နွားတင်းကုပ်လေးတွေကိုဘယ်သူကစတင်ပြုလုပ်ခဲ့ပြီးဘယ်လိုရည်ရွယ်ချက်လေးနဲ့ပြုလုပ်ခဲ့တယ်ဆိုတဲ့အကြောင်းအရာလေးကိုတင်ဆက်ပေးထားပါတယ်။ကမ္ဘာအနှံနှံအပြားပြားမှာရှိတဲ့ကက်သလစ်ဘုရားကျောင်းအသီးသီးနဲ့တချို့အိမ်လေးတွေမှာခရစ္စမတ်အချိန်ခရစ်တော်ဖွားမြင်တော်မူခန်းကိုပြန်လည်အောက်မေ့သတိရစေဖို့နွားတင်ကုပ်လေးတွေကိုဖန်တီးတည်ဆောက်ကြပါတယ်။အဲဒီနွားတင်းကုပ်လေးတွေထဲမှာဆင်းတုတော်လေးတွေပုံတော်လေးတွေထည့်ပြီးခရစ်တော်ဖွားမြင်တော်မူခန်းကိုပုံဖော်ကြပါတယ်။နွားတင်းကုပ်လေးတွေရဲ့မူလအစတီထွင်သူကတော့အီတလီနိုင်ငံသားဖရန်စစ်အစီစီပဲဖြစ်ပါတယ်။ခရစ်တော်ဘုရားရှင်ရဲ့နွားစားခွက်တွင်းဘဝကိုကွတ်ကွတ်ကွင်းကွင်းမြင်ယောင်စေဖို့ရန်အတွက်နှင့်ခရစ်တော်ဘုရားရှင်ရဲ့နှိမ့်ချစွာလူ့အဖြစ်ယူခြင်းကိုအတုယူစေဖို့ရန်အတွက်နွားတင်းကုပ်လေးတွေကိုစတင်ဖန်တီးခဲ့တာဖြစ်ပါတယ်။ဒီလိုနဲ့ခရစ်တော်ဘုရားရှင်ရဲ့ဖွားမြင်တော်မူခြင်းပုံစံနွားတင်းကုပ်လေးကိုလူတိုင်းနှစ်သက်မြတ်နိုးကြပြီးနွားတင်းကုပ်ပုံစံငယ်လေးတွေလုပ်တဲ့ဓလေ့ထုံတမ်းဟာကမ္ဘာအနှံအပြားပျံ့နှံသွားခဲ့ပါတယ်။ကျွန်မတို့အသီးသီးဟာခရစ္စမတ်အချိန်ရောက်တိုင်းနွားတင်းကုပ်လေးတွေတည်ဆောက်ဖို့မမေ့ကြသလိုနွားတင်းကုပ်လေးတည်ဆောက်ခြင်းရဲ့နောက်ကွယ်မှာရှိတဲ့နှိမ့်ချခြင်းပါရမီကိုလဲမမေ့သင့်ပါဘူး။

ဒီကနေ့မှာတော့ အာဒ်ဝင်တူး-ခရစ္စမတ်အချိန်ကာလနဲ့သားတော်ဘုရားလူ့အဖြစ်ယူခြင်းအကြောင်းကိုတင်ဆက်ပေးထားပါတယ်။

ဘယ်သူ့မျက်နှာကိုကြည့်မလဲလို့မေးလာတဲ့လူများရှိခဲ့ရင်အင်မတန်တိုတောင်းထိရောက်ပြီးအဓိပ္ပါယ်ရှိတဲ့အဖြေတစ်ခုကိုပဲပေးချင်ပါတယ်။တိုင်းပြည်မျက်နှာကိုပဲကြည့်ပါလို့ပါပဲ။ဟုတ်ပါတယ် ဘယ်နိုင်ငံဘယ်လူမျိုးမဆိုသူတို့လေးစားတန်ဘိုးထားဆုံးအရာဟာသူတို့တိုင်းပြည်ပဲဖြစ်ပါလိမ့်မယ်။အဲဒါကနံပါတ်တစ်ဖြစ်ပြီးအဲဒီနံပါတ်တစ်ရဲ့နောက်မှာမှနံပါတ်နှစ်၊နံပါတ်သုံး၊နံပါတ်လေးကိစ္စတွေကတန်းစီပြီးလိုက်လာပါလိမ့်မယ်။ကိုယ်ကျိုးတစ်ခုတည်းကိုပဲကြည့်တာ၊အဲဒီကိုယ်ကျိုးနဲ့ယှက်နွယ်ပါဝင်လာတဲ့ကိစ္စအသေးလေးတွေကိုပဲကြည့်တာဟာနောင်တစ်ချိန်မှာအင်မတန်အန္တရာယ်များတတ်ပါတယ်။လူတစ်ဦး၊လူတစ်စုမဟုတ်တာလုပ်ခဲ့တဲ့အတွက်မဝေးကွာလှတဲ့အနာဂတ်မှာလူမျိုးပျောက်မတတ်၊တိုင်းပြည်ပျောက်မတတ်ဖြစ်ခဲ့ရတဲ့တိုင်းနိုင်ငံတော်တော်များများကိုသမိုင်းဟောင်းတွေမှာရာ၊သမိုင်းသစ်တွေမှာပါ တွေ့ရပါလိမ့်မယ်။

တရားမျှတခြင်ဒီကနေ့လူသားကမ္ဘာကောင်းကျိုးဖြာအစီအစဉ်တွက်တရားမျှတခြင်းဆိုတဲ့အကြောင်းအရာလေးကိုတင်ဆက်ပေးထားပါတယ်။တရားမျှတခြင်းဟာလူ့အဖွဲ့အစည်းမှာအရေးပါတဲ့အရာတစ်ခုဖြစ်ပါတယ်။ခရစ်ဘာသာတရားကသွန်သင်ထားတဲ့ပညတ်တော်ဆယ်ပါးစလုံးကလဲတရားမျှခြင်းနဲ့ဆိုင်နေပါတယ်။

ဒီကနေ့မှာတော့ မျက်လုံးနှစ်လုံးပဲရှိပေမဲ့မျက်လုံးအများနဲ့ကြည့်ဆိုတဲ့အကြောင်းအရာလေးကိုတင်ဆက်ပေးထားပါတယ်။ကိစ္စမြားမြောင်လူတို့ဘောင်၌ဆိုသလိုလူ့လောကထဲမှာရှင်သန်ရုန်းကန်နေကြရတဲ့ကျွန်မတို့ဟာကောင်းမှု၊ဆိုးမှုဆိုတဲ့ကိစ္စတွေကိုနေ့စဉ်နဲ့အမျှအနည်းနဲ့အများဆိုသလိုကြုံတွေ့ရတတ်တာဟာဓမ္မတာပါ။ဒီလိုမလွှဲမရှောင်သာကြုံတွေ့ရတဲ့အခါအဲဒီဖြစ်ပေါ်လာခဲ့တဲ့ကောင်းမှု၊ဆိုးမှုတွေကိုမိမိတစ်ဦးတည်းရဲ့အသိအမြင်တစ်ခုတည်းနဲ့ဆုံးဖြတ်လုပ်ကိုင်တာမျိုးမဟုတ်ဘဲအများစုရဲ့အမြင်၊အများစုရဲ့အကြံဉာဏ်ကိုရယူပြီးမှဆုံးဖြတ်လုပ်ကိုင်တာဟာအမှားနည်းနိုင်ပါတယ်။ကိုယ့်မှာရှိတဲ့မျက်လုံးနှစ်လုံးတည်းနဲ့ကြည့်ရူဆုံးဖြတ်တာမျိုးဟာတစ်ခါတစ်ခါမှာပြည့်စုံမှုမရှိနိုင်ပါဘူး။အတ္တတိမ်တောင်တွေမည်းမှောင်လေလေအမှန်တရားနဲ့ကင်းဝေးလေလေဖြစ်သွားတတ်ပါတယ်။အဲဒီလိုအချိန်မျိုးမှာအမှန်ထက်အမှားဘက်ကိုဦးတည်သွားဖို့ကပိုပြီးများပါလိမ့်မယ်။ဒီတော့သူတစ်ပါးရဲ့မျက်လုံးအကူအညီကိုရယူပြီးလုပ်ကိုင်ဆောင်ရွက်ကြတာဟာအမှားနည်းနိုင်ပါတယ်။ကျောက်မျက်လောကမှာ မျက်လုံးငှားတဲ့သူဆိုတာရှိပါတယ်။သူဟာဘဝအတွေ့အကြုံအရကျောက်မျက်လောကထဲမှာငယ်ငယ်ကတည်းကကျင်လည်ကျက်စားလာခဲ့တဲ့သူမျိုးပါ။သူဌေးမဖြစ်ပေမဲ့သူ့မှာကြွယ်ဝတဲ့ကျောက်အကဲခေတ်ပညာနဲ့ကျောက်မျက်လောကမှာဖြတ်သန်းခဲ့တဲ့အတွေ့အကြုံတွေအများအပြားရှိတတ်ပါတယ်။ဒီတော့ကျောက်ဝယ်မယ့်သူဟာအဲဒီလိုမျက်စိစိုက်တဲ့သူ၊မျက်လုံးငှားတဲ့သူကိုတန်ရာတန်ကြေးပေးပြီးပင့်ဖိတ်ခေါ်ယူရပါတယ်။ဝယ့်မဲ့ပစ္စည်းကိုသူ့ရဲ့ကြွယ်ဝတဲ့အတွေ့အကြုံများနဲ့လေ့လာအကဲဖြတ်ခိုင်းရပါတယ်။အဲလိုမျက်လုံးစိုက်သူ၊မျက်လုံးငှားသူများဟာကျောက်ပညာနည်းပါးတဲ့ငွေရှင်များကိုကူညီတတ်ကြပါတယ်။ကျောက်ရဲ့အပြစ်အနာအဆာ၊အကောင်းအဆိုးမှန်သမျှကိုပြောပြပြီးဘယ်စျေးဖွင့်၊ဘယ်လောက်စရန်ချ၊ဘယ်လိုချိတ်စီးစသည်ဖြင့်အကြံကောင်းဉာဏ်ကောင်းတွေပေးတတ်ပါတယ်။ဒီတော့အဝယ်သမားငွေရှင်ဟာဝယ်ယူရာမှာအမှားအယွင်းနည်းရုံသာမကသူကတစ်ဆင့်ပြန်ရောင်းရာမှာလည်းအကျိုးရှိတန်သလောက်အကျိုးရှိတတ်ပါတယ်။ဒါဟာပစ္စည်းဝယ်ယူသူငွေရှင်အနေနဲ့သူ့ရဲ့မျက်လုံးနှစ်လုံးတည်းနဲ့ပစ္စည်းကိုကြည့်ရူဝယ်ယူတာမဟုတ်ဘဲမျက်စိစိုက်သူရဲ့မျက်လုံးအပါအဝင်မျက်လုံးအများစုနဲ့ကြည့်ရူဝယ်ယူခဲ့လို့ရရှိခဲ့တဲ့အကျိုးအမြတ်ပဲဖြစ်ပါတယ်။တကယ်ပါပဲလူ့ဘဝမှာလူမှုရေး၊စီးပွားရေး၊နိုင်ငံရေးစသည်ဖြင့်အထွေထွေ၊အပြားပြားသောလုပ်ငန်းများစွာရှိပါတယ်။ဘယ်သူမဆိုရှောင်လွဲလို့လဲရနိုင်မယ်မထင်ပါဘူး။ရှောင်လွဲလို့မရတဲ့အခါရင်ဆိုင်ရမှာဓမ္မတာပါ။ဒီတော့ယှဥ်ပြိုင်မှုမှာဘယ်လိုအောင်ပွဲရအောင်လုပ်ကြမလဲ။ကိုယ်ရဲ့အားနည်းချက်၊အားသာချက်တွေကိုကိုယ်နဲ့ယှဥ်ပြိုင်ရင်ဆိုင်နေရတဲ့သူ့ရဲ့အားနည်းချက်၊အားသာချက်တွေကိုပါသိရှိနိုင်ဖို့ပထမဆုံးကြိုးစားရပါလိမ့်မယ်။ဒါတွေကိုသိမှသာကိုယ့်အားနည်းချက်ကိုပြင်၊ကိုယ့်အားသာချက်ကိုထွန်းကားအောင်လုပ်ပြီးကိုယ်နဲ့ယှဥ်ပြိုင်ရတဲ့တစ်ဖက်သူရဲ့ပျော့ကွက်ကိုရှာဖွေပြီးအနိုင်ရအောင်ဆောင်ရွက်နိုင်မှာပါ။ဒီတော့အဲဒီကိစ္စတွေကိုဘယ်လိုဆောင်ရွက်ကြမလဲ၊ကိုယ့်အသိအမြင်၊ကိုယ့်မျက်လုံးနှစ်လုံးတည်းနဲ့ကိုယ့်ရဲ့ယှဥ်ပြိုင်ဘက်ကိုမကြည့်ပဲမိမိအကူအညီပေးမယ့်သူများရဲ့မျက်လုံးများရဲ့အကူအညီကိုယူပြီးဆောင်ရွက်ရမှာပါ။ဒါမှသာအောင်ပွဲကိုမလွဲမသွေရနိုင်မှာဖြစ်ပါတယ်။ဒီလိုမဟုတ်ပဲကိုယ်သိ၊ကိုယ်တတ်စိတ်ဓာတ်မျိုးနဲ့ကိုယ့်ရဲ့ပြိုင်ဘက်ကိုယှဉ်ပြိုင်မယ်ဆိုရင်ဖြင့်အောင်မြင်ဖို့ဆိုတာမသေချာလှပါဘူး။အောင်မြင်သည်ထား အချိန်အများကြီးပေးရရုံသာမကသေးသေးမွှားမွှားအောင်မြင်မှုလောက်ကိုပဲရရှိကြမှာပါ။ဒီတော့မျက်လုံးနှစ်လုံးပဲရှိပေမယ့်မျက်လုံးအများစုနဲ့ကြည့်တတ်တဲ့အလေ့အကျင့်ကိုပျိုးထောင်ယူဖို့လိုပါလိမ့်မယ်။ကလော့ရင့်သောမတ်စ်ဆိုတဲ့တွေးခေါ်ရှင်တစ်ဦးကတော့ဉာဏ်ပညာကြီးသူတွေဖွင့်မရတဲ့တံခါးတွေကိုတောင်အမူအကျင့်ကောင်းတွေကဖွင့်နိုင်ပါသတဲ့။သတိပြုစရာပါ။ဟုတ်တော့ဟုတ်ပါတယ် ကောင်းတဲ့အမူအကျင့်ပဲဖြစ်ဖြစ်မကောင်းတဲ့အမူအကျင့်ပဲဖြစ်ဖြစ်ပေါ်ပေါက်လာဖို့ဆိုတာလွယ်ပါတယ်။လေ့ကျင့်ပျိုးထောင်တတ်ဖို့၊တစ်ဆိုက်မတ်မတ်ဆောင်ရွက်ဖို့ပဲလိုပါတယ်။ဒါကြောင့်ကောင်းတဲ့အမူအကျင့်ဖြစ်တဲ့ကိုယ့်ကိုယ်ကိုပဲဖြစ်ဖြစ်၊ကိုယ့်အလုပ်ကိုပဲဖြစ်ဖြစ်၊ကိုယ့်ရဲ့ရှေ့ရည်မှန်းချက်တွေကိုပဲဖြစ်ဖြစ်မျက်လုံးအများစုနဲ့ကြည့်တတ်တဲ့အကျင့်ကိုပြုစုပျိုးထောင်တတ်ဖို့လိုပါလိမ့်မယ်။ဒီလိုအလေ့အကျင့်ကောင်းမျိုးကိုသာထူထောင်နိုင်ခဲ့မယ်ဆိုရင်ဘဝရဲ့အောင်မြင်မှုတွေကိုမလွဲမသေရရှိသွားမှာအမှန်ပဲဖြစ်ပါလိမ့်မယ်။မျက်လုံးနှစ်လုံးပဲရှိပေမယ့်မျက်လုံးအများစုနဲ့ကြည့်တတ်တဲ့အမူအကျင့်ဟာကိုယ့်ရဲ့အနာအဆာကိုရှင်းရှင်းလင်းလင်းပိုပြီးမြင်နိုင်သလိုမိမိသွားရာလမ်းကိုလည်းရှင်းလင်းပြတ်သားစွာမြင်နိုင်ပါလိမ့်မယ်။ဒီအယူအဆဟာမိမိကိုယ်ကိုသူတစ်ပါး၏မျက်လုံးများနှင့်ကြည့်ရူ့ဝေဖန်ကြ၊အမှားအမှန်၊အားနည်းချက်၊အားသာချက်တွေကိုရှာဖွေကြ၊ကောင်းတာမှန်တာတွေလုပ်၊မကောင်းတာမှားတာတွေကိုရှောင်။ဒါဆိုရင်ဆုံးရှုံးနစ်နာစရာကိစ္စရယ်လို့ဘယ်မှာမှတွေ့နိုင်တော့မှဦမဟုတ်ပါဘူး။အင်္ဂလိပ်ဆိုးရိုးစကားတစ်ခုရှိတယ်။အလေ့အကျင့်ဆိုတာနောက်မှရောက်လာတဲ့သဘာဝတရားပါလို့ဆိုထားပါတယ်။ဟုတ်တော့လဲဟုတ်ပါတယ်။ဘယ်အရာမဆိုအလေ့အကျင့်မရခင်မှာအမှန်တကယ်ပဲကြိုးစားလုပ်ကိုင်ရပါတယ်။အဲဒီအမူအကျင့်ကိုအနည်ထိုင်အောင်ကြိုးစားရပါတယ်။နေ့စဥ်ရက်ဆက်လုပ်သွားတဲ့အခါအဲဒီအမူအကျင့်ဟာလေ့ကျင့်စရာမလိုတော့ပဲနောက်ပိုင်းမှာအလိုလိုလုပ်သွားတတ်တယ်မဟုတ်လား။အကျင့်တစ်ခုဟာလူတစ်ဦးတစ်ယောက်ရဲ့နေထိုင်မှုဘဝထဲကိုရောက်လာတဲ့အခါအထူးတလည်ကြိုးစားအားထုတ်စရာမလိုတော့ဘဲအလိုအလျောက်ပြုမှုကျင့်ကြံတတ်တဲ့ကိစ္စမျိုးဖြစ်သွားတတ်ပါတယ်။အခုတင်ဆက်ခဲ့တဲ့မျက်လုံးနှစ်လုံးတည်းနဲ့မကြည့်ဘဲမျက်လုံးအများစုနဲ့ကြည့်ဖို့ပြောရတာကလဲအနာဂတ်မှာကောင်းတဲ့အမူအကျင့်တွေနဲ့ဘဝလမ်းကြောင်းတွေအပေါ်ချီတက်နိုင်ဖို့အတွက်ပဲဖြစ်ပါတယ်။ကောင်းတာတွေကတစ်ဆင့်ကောင်းမွန်တဲ့ရလဒ်တွေရနိုင်ကြောင်းတင်ဆက်ပေးလိုက်ပါတယ်။

ဒီကနေ့မှာတော့တရားမျှတမှုရှိတဲ့ဘဝတွေဖြစ်လာငြိမ်ချမ်းရေးကိုယူဆောင်ပြီးဖော်ဆောင်ရမယ်ဆိုတဲ့အကြောင်းအရာလေးကိုတင်ဆက်ပေးလိုက်ပါတယ်။ငြိမ်းချမ်းရေးဆိုတဲ့ဝေါဟာလူတိုင်းရင်းနှီးပြီးသားဖြစ်မှာပါ။ဒါကြောင့်ငြိမ်းချမ်းရေးအကြောင်းကိုမသွားခင်မှာတိုက်ခိုက်ခြင်းဟာအပြစ်ဖြစ်သလားဦးစွာပထမလေ့လာကြည့်ကြပါစို့။တိုက်ခိုက်ခြင်းဆိုတာဟာအပြစ်ဖြစ်သလားမဖြစ်သလားဆိုတဲ့အဖြေဟာဘာကြောင့်တိုက်ခိုက်ရတယ်ဆိုတဲ့အဆိုပေါ်မှာမူတည်ပါတယ်။

ဒီကနေ့မှာတော့ တာဝန်လား၊အာဏာလားဆိုတဲ့အကြောင်းအရာလေးကိုတင်ဆက်ပေးလိုက်ပါတယ်။အာဏာဆိုတဲ့ဝေါဟာကိုအဓိပါယ်ဖွင့်ဆိုချက်တွေကများပါတယ်။အသုံးအစွဲလည်းများပါတယ်။ဒီထဲကအများသုံးစွဲကြတဲ့တစ်စုံတစ်ရာနားလည်ထားကြတဲ့တစ်စုံတစ်ရာနားလည်ထားကြတဲ့ရှင်းလင်းချက်တွေကိုဒီလိုပဲတွေ့ရပါတယ်။ပထမဆုံးအာဏာဆိုတာကိုပြဌာန်းသတ်မှတ်ထားတဲ့ဥပဒေ ၊အမိန့်လို့နားလည်နိုင်ပါတယ်။

ဒီကနေ့မှာတော့ မယ်တော်သခင်မကောင်းကင်ဘုံသို့ပင့်ဆောင်ခံရခြင်းအကြောင်းကိုတင်ဆက်ပေးချင်ပါတယ်။ကက်သလစ်သာသနာတော်ကြီးကမယ်တော်သခင်မခန္တာနဲ့ဝိညာဉ်ကောင်းကင်ဘုံကိုပင့်ဆောင်ခံရခြင်းကိုယုံကြည်ရာအချက်တစ်ခုအဖြစ်သွန်သင်ထားပါတယ်။ဒီပွဲတော်ကိုနှစ်စဉ်ဩဂုတ်လ(၁၅)ရက်နေ့မှာကျင်းပကြပါတယ်။